林青霞豪宅喺公屋平民區 網民質疑:夠唔夠卡士㗎?
廣告
假如有一天你突然知道國際級巨星就住在你附近,你會有甚麼想法呢?早前飛鵝山一座豪宅凌晨發生三級火,屋主竟然是影后級女星林青霞!其豪宅估值高達11億!卻有網民在討論區發帖,指林青霞的豪宅附近都是平民的公屋地段,仲「住喺我附近」,質疑不夠「卡士」!
![林青霞 豪宅 林青霞 飛鵝山一座豪宅喺本港8日凌晨發生三級火,其後發現豪宅嘅屋主係影后級女星林青霞,值得關注嘅係呢間豪宅十分之豪華,可以用堡壘去形容,現時嘅估值高達11億,屋內估計有20名家庭傭工。](https://imgs.sundaykiss.com/wp-content/uploads/2023/05/2022-07-08-6_581885323644f225856c0b.jpg)
林青霞豪宅佔地5萬幾平方呎 應有盡有
林青霞豪宅位於安達臣道9至11號,由幾間獨立屋組成,屋內有齊網球場、泳池、gym同書房等,十足一個屋苑,屋內仲有特大花園,24小時有保安。有網民就質疑豪宅位置處於安達臣道好似唔太夠「卡士」,因為附近地段都係公屋等,例如順利村、安泰村等,不過就有唔少網民覺得位置幾靚:「近民居,有生活氣息,住淺水灣有乜好,日日對住班垃圾。」、「佢富人就揸車落黎順利邨買餸,不知幾正。」亦有好多網民表示住咁耐先知原來一直都住喺影后附近。
![林青霞 豪宅 林青霞 林青霞豪宅位於安達臣道9至11號,由幾間獨立屋組成,有網民就質疑豪宅位置處於安達臣道好似唔太夠「卡士」,因為附近地段都係公屋等,例如順利村、安泰村等。](https://imgs.sundaykiss.com/wp-content/uploads/2023/05/2022-07-08-6.15.06_183535190862c803ad3dd27_1276704727644f225757500.jpg)
唔少網民撐獨立屋唔洗講卡士
有網民表示林青霞原住飛鵝山大宅,不過由於早年飛鵝山太多山賊,林青霞老公刑李㷧為愛惜太太先喺普通地段買地自建高防大屋保障太太嘅安全。唔少網民都支持低調先係人上人,並表示:「獨立屋冇需要講卡士」、「人地青霞間屋嚮山上,居高臨下望住晒你地班公屋居屋人,咁都唔夠卡士?」。
![林青霞 豪宅 林青霞 林青霞屋內有齊網球場、泳池、gym同書房等,十足一個屋苑,屋內仲有特大花園,24小時有保安。](https://imgs.sundaykiss.com/wp-content/uploads/2023/05/2022-07-08-6.17.19_23445790162c8043856115_1536203784644f2255d8b6c.jpg)
圖片來源:微博@林青霞, 地圖截圖, 討論區截圖