早霸王｜森美披露更多日本酒店被取消細節 用中介網連環中伏 1大忠告警世
森美分享當時先與老婆到京都遊玩2日，隨後大家開開心心就前往大阪，豈料在搭車的途中，森美的妻子陳雅嫻（Veronica）收到來自中介網站電郵，當中寫道他們原本預定的酒店被取消！由於所有流程都是由Veronica處理，因此她感到非常緊張，而森美就認為非常小事「再book過就OK」。
森美透露解釋房間被取消的原因：「佢話你間房因為其他佢唔能夠控制嘅原因而取消，係唔關佢地事嘅，所以就話間房冇咗啦，個陣係下晝5點鐘。」由於早在1個星期前已經繳付了酒店房間費用，並且是不能退款的，隨後又收到確認信以及相關的號碼，因此當時他淡定表示：「畀晒錢唔使驚啦！佢哋一定會幫你搵房嘅！」
相關文章：森美攜妻遊大阪酒店突然被取消 流落街頭差啲「7街瞓」網民估係因為咁
撞正日本3日連假 全大阪酒店full到爆 要住5萬港幣一晚的酒店？
此時，太太Veronica表示對方提出2個解決方法，其一是接受酒店的賠償，然後自己另覓酒店；其二是酒店方幫手搵其他酒店，不過森美當時態度強硬，表示要選擇第3個選擇：「我已經畀咗book嘅錢，你都send咗comfirmation letter，你畀返呢間酒店我！冇其他選擇！你個2個選擇都唔make sense嘅」
雖然森美看似態度強硬，不過實則在京都前往大阪的路途上，夫婦二人在各大不同的中介酒店平台上尋找其他房間，可惜full到爆根本沒有空餘的！情況誇張到對方表示「幫手搵其他酒店」的解決方法已經冇埋！森美提及到中介表示有賠償金：「其實有賠償金嘅，最開頭係50蚊美金，咁你就自己搵酒店，咁我要你個50蚊美金做咩，我淨係要房！」
隨後森美直接去到涉事酒店，對方居然表示沒有收到森美的預訂，Veronica更與他們周旋近2小時。最後只能上網找酒店，最可怕是二人發現整個大阪都沒有酒店，當時妻子說到：「有一間有，不過5萬一晚，住唔住？」森美以為是5萬日元：「住啦！都係3000港幣！雖然都貴」於是妻子無奈表示：「係5萬港幣….真係住？」
幸獲朋友相助 森美警世：要同酒店double check！
最後他們在同一間中介網站下發現一間酒店，雖然二人擔心再次中伏，不過都馬上過數book酒店，隨即收到確認電郵。二人終於放下心頭大石，就去了原本已經預約好的餐廳用餐，在用餐時候，二人再次收到中介的電郵，原來預約再次被取消！
當時已經夜晚10點，二人無論是網吧、膠囊酒店都嘗試搵下，不過都已經full晒。最後幸好獲得朋友幫助，對方在另一個中介網站book到酒店，最後順利入住。最後森美表示根本是酒店以及中介網站的問題，有機會是中介未及時向酒店支付一定的金錢，因此酒店轉賣了房間。以及提醒各位觀眾就算收到中介網站的確認信，都要自己親自向酒店發送電郵確認多一次！
森美返港後拍片報平安
森美除了在《早霸王》分享自己在日本的經歷，其實他今早凌晨（15日）從日本回到香港後，亦有在Instagram上載影片報平安，只見他面容憔悴踏入屋苑範圍，表示自己終於返到屋企：「唔知點解今次有一種特別舒暢嘅感覺，有驚無險」隨後更向幫助及關心他的朋友道謝。
森美又提及到這次旅程的機票、酒店及行程，均由太太負責：「我本身冇過問，淨係享受，其實佢已經做得好好㗎啦，所以都感激佢！」
最後他再三提醒各位網民：「總之下次大家都要小心啲，做足準備先去旅行，就算confirm咗機票同酒店都不妨Send個email Double confirm。」
