索媽江芷妮曾被輕視 揭離開TVB之謎 洗廁所都做過 44歲成功建美容王國有秘訣

江芷妮不習慣娛圈生活模式 被下屬輕視決定退隱

江芷妮由01年加入TVB，當時更為上位小花，曾主演劇集《隔世追兇》、《同撈同煲》、《愛情全保》等，直到07年離巢，決心專注美容事業發展、轉戰商界。她在節目《有種老闆娘》中坦言不太習慣娛樂圈的生活模式，故利用空閒時間好好增值自己，報讀美容課程，不但愈讀愈多證書，更豪擲七位數字創立美容公司：「其實當初入行，唔係話好想做明星，做藝人有好忙嘅日子，但亦有好得閒嘅時候，可能連續一星期都無嘢做，唔慣呢種生活，所以就想做多樣嘢，開始學做美容。其實我份人危機感好重，做我哋呢行，忙起上嚟會無得瞓，但得閒嘅時候就真係好得閒，感覺好唔踏實，成日處於好被動嘅狀態咁，所以當時選擇出去學多啲嘢去增值自己，得自己有兩手準備。」

初時她以做藝人為正職、美容為副業，被問及當年為何選擇退出娛樂圈，全身投入美容事業，她表示曾被員工輕視，令她自覺不足：「有次有個同事想問我啲嘢，不過佢問完後，就話：『我諗你都係唔識』跟住轉身走咗，令到我想喺呢行學多啲嘢，慢慢就全身投入，無做藝人。」

事業和愛情兼得 早前高齡誕女

江芷妮於12年下嫁給建築師男友Derrick，在息影後才考慮到結婚生子，去年7月她以44歲高齡再誕下細女，本身已育有三歲兒子，湊成一個好字。她表示非常感恩，每日辛苦工作回家後，一看到活潑、好動、可愛的仔女就會感到十分幸福，更表示自己已經修身成功，因為照顧他們根本令自己吃不下，透露未來想放多點時間在家庭中。

在節目中，她被問到是否在美容事業上軌道才找對象：「其實無計劃，當時入行拍劇，搵唔到合適對象，覺得自己可能遇唔到、唔會結婚生仔，直至認識咗我先生就想生小朋友。」在婚後本以為會做少奶奶的她卻繼續親自打理公司，做個事業和愛情兼得的女強人。

洗廁所做到行業龍頭之一 為員工讀埋碩士

除了美貌之外，江芷妮的實幹態度亦令員工相對信服，18年，她搬新舖時落手落腳幫忙設計裝修，另外除了跟客人溝通、遞毛巾外，連洗廁所都一手包辦。她表示除了要適應心態放下藝人光環，每事親力親為，去令員工信服，而且事事認真對待，用心去發展成為專業，令到造就今日的成功：「做藝人被人服侍開，但轉型就變咗做招呼人。當時安德尊對我好好，佢同我講『芷妮，做生意掛個名就得，唔使落手落腳』但我覺得唔全心全意做、唔認識業務，好難做得好。」

現在她成為「香港美髮美容商會」副會長及會董組成員之一，為了管理員工，她更報讀工商管理碩士學位，非常好學，不停為了生意好好增值自己。

媽媽為做生招牌積極保養

江芷妮雖然要花時間、心機照顧家庭、仔女，但仍要兼顧老闆娘角色，兼做美容院的生招牌，所以現年44歲的她，神隱了15年也沒有走樣，保養得宜。