海皇粥店$10放題藏魔鬼細節 犯1規條要罰錢 隨時花過百蚊食白粥！

海皇粥店放題優惠詳情

海皇粥店在社交媒體上宣布了這一放題優惠，食客只需支付$10，便可在灣仔莊士敦道的分店享受45分鐘的無限量粥品和小吃。這一優惠僅在10月28日至30日的上午9時至下午12時之間有效。顧客可以無限量享用瑤柱白粥、豆漿以及四種油炸小吃，包括油炸鬼、牛脷酥、鹹煎餅和煎堆。

街坊們注意！海皇粥店大放送！$10就食到飽？唔係講笑㗎！

你冇聽錯！海皇粥店推出咗個超級抵食嘅活動啦！只需要$10蚊，就可以喺45分鐘內任食白粥、豆漿同油器！呢個組合簡直係天作之合啦！

想像吓：香噴噴嘅白粥配埋脆卜卜嘅油條，再配埋一啖香滑豆漿！咁樣嘅早餐組合，就算係日日食都唔會厭！而家只需要$10蚊就可以食到飽，真係平到笑咗出嚟！

咁抵食嘅活動實在係少之又少，快啲約埋班食粥發燒友，一齊去海皇粥店大快朵頤啦！

記住呀，$10蚊就可以食到飽！呢個活動真係留番肚俾海皇粥店先至夠喇！

注意魔鬼細節！ 犯規要罰錢 隨時蝕大本

值得注意的是，這次放題活動的座位有限，採用先到先得的方式。最後入場的時間是上午11時30分，如果到了中午12時，食客的用餐時間還未滿45分鐘，也需要離開座位。

此外，為了避免食物浪費，剩餘的食物每100克將被罰款$50，所以大家必定要珍惜食物，否則可能蝕大本了，由$10放題大幅升價至$60，甚至最終可能花費過百元吃白粥、油器和豆漿。

• 限定分店：灣仔莊士敦道151-155號東方大廈地下B舖
• 活動日期：28/10 – 30/10
• 活動時間：早上9點至12點 （最後入場時間為11:30）
  **名額先到先得, 入到黎坐低就贏咗！
  **每浪費食物100克需罰款$50**

有網民不滿揚言唔會去：欠缺誠意！

不過就不少網民就指只得一間分店供應，實在欠缺誠意！亦有人留言大鬧：「山長永遠去食，車資也不少，不如每間做一段時間放題，益吓不同地區食客至有誠意 」、「碳水放題，俾到盡每樣食一款」、「雖然好抵，又好想食，但係真係對身體超級唔健康。食完有排調返好身體」、「食45分鐘，等450分鐘」。

支持者：希望擴展到其他分店

期間也有不少支持者力撐海皇粥店：「講真十蚊都未必買到個麵包，咁都要嘈」、「認真，一條油炸鬼加個豆漿都唔止10蚊，就算再加錢買多碗皮蛋瘦肉粥都抵」、「其實真係算抵食，希望擴展到其他分店」。

海皇粥店小編透露每日名額 回應同行「一粥麵好食啲」

儘管引來不少爭議，不過無論是讚賞還是批評，甚至包含粗言穢語的留言，海皇粥店的小編依然逐一回覆網民留言，獲讚超敬業、高EQ轉數好快。期間有人詢問有多少名額， 海皇粥店的小編就回答「每日最少有288個名額，入到幾多就坐幾多」。

此外，也有網民表示競爭對手「一粥麵好食啲」，小編亦有兩度回應，包括「佢有搞10蚊放題咩？如果有你就可以比較囉」、「小編都有食個過兩間㗎，一樣咁好食! 打和super(米奇老鼠聲)」。