霸道港媽湊1歲B餐廳大聲播卡通 無視勸喻 結束反轉大叔一句即KO

港媽餐廳大聲播卡通片拒絕收細音量

有網民在在Facebook專頁「生仔要考牌系列」發文，指近日在餐廳吃午飯時，一位港媽帶著1歲大的小朋友大聲地播放卡通片。事主指卡通片的聲音不停「嘟嘟嘟嘟，啦啦啦啦」，音量足以影響到附近五張枱的客人，就連侍應行過都皺眉，部分食客更選擇帶上耳筒隔音。

食客好言相勸仲愈來愈誇張

事主無奈之下，選擇開聲好心提醒港媽將音量收細，怎料港媽不聽勸告，刻意將音量提高。

事主平心靜氣細細聲同對方說：「你湊住小朋友，呢度大家食飯，可唔可以有返啲公德心，真係太大聲。」自私港媽回應：「你做咩話我小朋友啫？有阻到你嗎？」事主：「我唔係話你小朋友，我係話緊你播片太大聲，請你較細聲少少。」港媽怒吼：「侍應，我唔要坐呢度，啲人都黐線㗎，我播片關你咩事？我係鍾意咁大聲呀。」

事主耐心向對方解釋，卻得到港媽惡人先告狀的回應。於是，連事主也放棄「爭論」：「咁最好你轉位啦，個個都睥緊你呀！你自己望吓。」港媽隨即環顧附近的食客，發現都對她的行為側目，她感到不忿大罵：「你哋呀，個個都無仔生㗎，小朋友要睇就要睇㗎啦，你班人望咩望，我係要較咁大聲呀，侍應我要轉位坐。」而餐廳侍應為了平息事件，唯有安排港媽坐到另一個位置，事主終於得到耳根清靜。

結局反轉大叔1句KO港媽

不過，該港媽調位後繼續「勁大聲播片」，這一舉動觸怒附近的一位大叔，忍無可忍大聲鬧：「八婆，你咁X大聲仲乜交呀？你撞聾定搏小呀？」港媽被大叔鬧完後，終於將卡通片音量較到「好細聲」，就連餐廳侍應就在他們背後偷笑。

帖文引起網民熱烈討論，有網民開玩笑指：「今次真係誰大誰惡誰正確」、「好多人欺善怕惡」、「自己唔識教仔就播片，最憎呢啲」、「潑婦原來都怕爛佬」。