肥仔＠ERROR憑新歌《Dear MAMA》寄意 媽媽12字評MV 曾落淚剖白愧疚父母
肥仔憑新歌寄意答謝父母
《Dear MAMA》是肥仔的第二首個人單曲，內容是講述親情。肥仔接受傳媒訪問時提到這首歌是送給媽媽，希望可以憑歌寄意答謝父母。同時他也希望借這首歌向經理人花姐道謝，感謝對方在ERROR成功路上的照顧。他笑言新歌歌名有特別意思，因為公司組合MIRROR成員姜濤的新曲 《Dear My Friend 》奪得「我最喜愛的歌曲」，所以希望能叨對方的光，將新歌命名為《Dear MAMA》；而且最重要是歌歌名相似，將來大家搜尋「Dear」就會留意到他這首歌；而「MAMA」便希望好像能夠學「教主」盧瀚霆（Anson Lo）@MIRROR登上韓國頒獎禮Mnet亞洲音樂大獎（MAMA）。
MV 首播出意外 網民笑言成件事好 ERROR
ViuTV 在網上平台直播肥仔的新MV《Dear MAMA》，未到八點就已經有不少粉絲在平台上一邊等候肥仔的新MV，一邊祝賀肥仔生日快樂。一到八點鐘，MV 正式首播，但不少網民表示MV 沒有聲音 「404」，「ERROR」，令人哭笑不得。
MV 中 的肥仔是一個工作忙碌的打工仔，而媽媽 (鮑起靜飾演）一直在家中為他打點一切，作他的最強後盾。但肥仔一直都沒有珍惜過媽媽的付出，媽媽白髮白了，皺紋多了也未有發現。直至夢見媽媽離開，才發覺自己沒有好對待他的後盾，後悔自己沒有好好關心媽媽。 最搞笑的是，肥仔真實媽媽看完 MV 後的評價是「都唔知你唱緊乜，但係幾好聽」。
肥仔自爆現在重190磅 是人生體重巔峯
肥仔曾在陳志雲的YouTube節目上自爆現在重190磅，是人生體重巔峯，比2018年參加《全民造星》時重了20磅，他提到：「阿媽話我細個好瘦，係自己搞大自己個肚！因為小學父母好嚴，考試期間一定要留喺房溫書，唯一休息就係出廳一邊睇電視一邊食嘢，仲訓練到可以坐喺度瞓着。」雖然肥了很多，但肥仔仍然可以又唱又跳。
肥仔：對父母感到愧疚 想帶他們去旅行
為了圓夢，不少人也相當努力，但有時未能在經濟上有太多進帳。肥仔提到覺得未能賺到錢養家，對父母感到愧疚：「我仲有個哥哥做game designer，一家人一齊住，越大越多感觸…啲音樂好煽情…有幾晚發夢有親人離開咗，好真實，我坐喺床頭望住父母，好似未做過啲乜，間唔中都會發呢個夢，夢中我嚎哭喊到醒咗。如果我仲有第二隻歌，我係想寫畀我阿媽，我唔想畀自己後悔，我未必賺到好多錢，但一直好想帶佢哋去旅行，而家只係喺屋企食吓飯，想令佢哋安享晚年。」肥仔最後和家人講：「Daddy媽咪我會努力，乖乖賺錢，同你哋去旅行，呢個係我短期目標想做嘅嘢。」
肥仔自爆想事業有成先結婚
肥仔與拍拖8年的初戀女友阿芬在舞蹈學會認識，二人曾分開一段時間再復合。當時陳志雲笑言會免費做婚禮司儀，又指「鋼琴王子」陳雋騫都會幫手現場音樂，肥仔開心回應：「好勁嘅助攻，好進擊！但我過唔到自己嗰關，希望事業有成先結婚，現在還可以，但希望可以再好啲。」訪問出街後，網友大讚肥仔十分孝順，態度又好，跳得又唱得，看來也十分有觀眾緣。
肥仔正式回復單身
雖然肥仔和阿芬相戀八年，外界一直都對肥仔與阿芬的戀情非常看好，但無奈他們仍未能開花結果。而在去年作客志雲訪談後，阿芬便在Facebook 宣佈和肥仔和平分手，並希望網民繼續支持肥仔和ERROR。
