東張西望｜屋邨婆婆被騙徒3步呃四千萬 四年求助無援 血汗錢無回頭

屋邨婆婆被女人詐騙 貪利息大愈呃愈多錢

事發於2017年，婆婆在屋邨樓下做運動時，認識了一位同村的居民劉女士，對方介紹她們投資，賺點零用錢。其中一位受害者王婆婆投資了港幣70萬元，她表示 ：「喺樓下平台嗰度做運動，佢揮手叫我過去一齊做，然後佢問我『你想唔想攞$2,000嚟買餸啊？ 一個月有$2,000買餸。投資五萬蚊到一間公司每個月就有$2,000畀你買餸。』」這樣算起來年息48厘，簡直是宇宙難求。

於是王婆婆就帶同朋友，跟這個劉女士去尖沙咀天文臺道提供這種投資的羽翔國際公司看看。王婆婆指：「我就半信半疑帶咗$50,000上去，上到去嗰間公司嗰個姓林，同埋姓劉嘅就博命推薦我嗰個朋友：『你投資啦，起碼入$100萬，一個月有$50,000萬回報。』老人家被佢講到心郁郁，我就話唔好投資咁多，朋友話：『唔怕～有咁好』，就一下子投資咗60萬。」

朋友投資港幣60萬元一個月，有港幣18,000元利息，王婆婆也不落人後，小試牛刀投入港幣10萬元，合約一年，每個月有港幣3,000元利息，即是年息36厘。

另一位南婆婆也投資共投資了港幣50萬元，她表示：「佢話$10萬係三厘利息， $30萬以上先有五厘利息，擺咗$30萬都攞咗好幾個月利息，個個月$15,000 ，我就覺得好，就去搵朋友，介紹畀朋友。」就這樣，每個人都拿幾十萬去投資。

投資距離香港9,000多公里湯加 偽造證據呃婆婆

這班屋邨婆婆投資的原來不是股票、債券、黃金，而是一間公司在湯加的業務。湯加是南太平洋島國，毗鄰阿努阿圖，距離香港9,000多公里。王婆婆表示：「個老闆親口同我哋講過，架飛機飛去湯加，攞啲海產過嚟賣，嗰度啲海產…魚類好平。佢話嗰啲好大嘅魚幾亳子一斤，魷魚、蝦蟹嗰啲海鮮好平好平，呢度買部飛機過去湯加運返嚟，批發畀人，你話賺幾多錢。依家喺嗰度發展地產，挖海沙。有三個項目，搞地產。佢話有飛機，有沙船。」

然而，在網上搜尋這間公司的資料一點都不多，只有一些不知名網站。網上有董事長張先生跟湯加王國達成合作項目的報道和相片，也發現他在2018年的宣傳片。他自稱配合一帶一路購入了航空公司，還有在湯加大力發展的偉大藍圖，到過這間公司見過董事長張先生的婆婆們就更加深信不疑了。

投資了港幣80萬元的朱婆婆表示：「一個後生仔，嗰個老闆都係好後生，唔係好老，四、五十歲左右，睇佢人品都幾好，斯斯文文唔似會呃人。」南婆婆表示：「年輕人有創業嘅精神，認識咗湯加嗰個國王，個國王同佢好friend，好幫佢㗎！」

王婆婆稱：「有個鬼佬嚟過，佢就話呢個係機師，掛咗幾件空姐衫喺寫字樓度。」為了讓婆婆投資更多錢，公司還請她們到福建考察，參觀即將到湯加運沙回來的運沙船。王婆婆補充：「福建第一日就睇嗰啲運沙船，喺㗎船度行，架船好爛，係啲舊船，唔係新嘅。佢就話未油好，用塊布冚住個尾嗰度啲Number。我問點解唔打羽翔國際嘅名堂，要冚起呢，我都懷疑。佢話要去到公海先打開畀人睇。」雖然她有所懷疑，但是想了想，都收了大半年的利息，就繼續信下去吧。

一步步落入騙徒手中 最後公司人去樓空

等到2018年，一年合約差不多到期，王婆婆打算就連本帶利離開，沒想到還是不斷被游說不要把錢領走，反而再三投資進去。2018年10月，公司發出律師通告，保證公司投資穩健。雖然資金有調動延遲的問題，但是會出售股權去取得流動資金，婆婆們以為很安全，就簽了通知書確認知道業務狀況。

朱婆婆指：「佢叫我哋去飲茶叫個律師出嚟，個律師擔保話『唔使擔心，以後啲錢一定會賠返畀你哋，依家仲有飛機，公司仲有錢。』」她們被遊說多簽四個月合約。

王婆婆表示：「點知續約之後就無利息出，到依家都攞唔到錢，無利息，本錢又攞唔返。」婆婆最終去了報警，但是公司已經人去樓空，事發至今已經四年，依然沒有消息。婆婆一直以為是投資這間公司每個月收到利息，但看清楚合約後，原來他們並不是投資，只是做貸款管理，毫無保障，而且風險極高。

騙徒理所當然 毫無悔意：雷曼係咪呃錢呢？

律師蘇文傑表示：「如果唔係投資落一個項目，而係放錢落去一間公司，仲要簽訂咗貸款協議，咁就未必係集體投資計劃，可能係一啲貸款嘅方案。至於貸款協議，啲錢借咗畀公司之後，公司如何去調配、操作，除非當日大家有明確訂明，否則公司有自由調配嘅權利。」

後來《東張西望》聯絡張先生了解，被問到：「係咪羽翔國際實業有限公司嘅董事長？」對方表示不是。主持表示收到其他人提供消息，指張先生曾經叫他們投資時，對方指：「好耐啦，我嗰陣時只係打工，幾年前㗎啦。」片段明明表示他是羽翔國際的董事長，帶領集團運作，而合約有列明他是總裁，但現在一句只是打工就與他無關呢？不只如此，他還說自己只是合約所寫的另一間公司，薈盈的小職員。

對此主持問：「咁你係入邊係做咩職位，係咪董事？」對方指是經理而己。對於自己在宣傳片中出現，則表示：「公司要人做梗係要幫手做㗎啦，有咩辦法？」對於婆婆血本無歸，他感到理所當然：「投資總係有賺有蝕。」對於一年後會將本金還給婆婆這個說法，他指：「呢個係公司債券，後尾公司都畀唔到，都無辦法㗎。」

他更表示全部公司在2018年四至六月左右已經停運，因為「資金鏈一斷，租又交唔起，業主都趕走。」但婆婆仍在十月時收到律師通告，非有被告知公司已停運。被問到「係咪存心欺騙？」張先生稱：「合約已經列明咗，清楚講到個投資風險係點，如果你咁講，雷曼係咪呃錢呢？」

婆婆：食安眠藥都不能入睡

事到如今，婆婆們已合共損失幾千萬，有婆婆認為都怪自己當天錯信那個街坊劉女士。投資了港幣100,000元的洪婆婆指：「我哋唔係戇居居咁信一個人，見佢又善良又拜佛又食齋。」她更表示自己無法入睡，連看精神科，吃安眠藥也不能入睡。

事隔四年再上網查冊，公司還在註冊當中，似乎沒有任何清盤程序，和張先生的說法有所出入，對於這個情況律師蘇文傑表示：「假設嗰間公司依然營運無被清盤，如果婆婆可以證明到間公司真係爭佢錢，超過一萬蚊以上又唔還，婆婆可以以債權人嘅身份，申請呢間公司係資不抵債嘅情況下清盤。如果公司係過去五年之內有惡意資產轉移嘅行為，甚至可以將呢啲交易取消，而相關嘅公司董事可能會干犯刑責。」

網民：做咗幾十年人應該知道世上沒不勞而獲嘅事

該集節目播出後，有不少網民同情這些婆婆的遭遇，認為不該詐騙老人家「好同情佢哋」、「欺騙老人家是不對，但老人家切莫為了貪心而亂作投資」等等。

另一方面亦有網民認為一切都是因為婆婆們貪心所導致這個悲慘的結果，認為貪到頭來只會甚麼都沒有：「其實係人都會有貪念，有舊錢就會想錢揾錢，好簡單嘅道理」、「真係貪字得個貧，世界上邊有咁大隻蛤乸呀！」、「始終相信，唔貪就唔會比人騙得到」等等。