連鎖酒樓半隻片皮鴨竟得6塊肉！ 事主發文大鬧：以後唔去呢度食嘢交智商稅！

酒樓柯打半隻片皮鴨竟得6塊肉！事主大鬧：唔去呢度食嘢交智商稅！

片皮鴨可是大家去中菜廳時會柯打的菜式，肉質厚實的鴨肉，配上油香爽脆的鴨皮，再用熱辣辣的薄皮包著，一口咬落去超滋味！而最近有網民到鴻星中菜旺角店柯打了半隻京式片皮鴨，本想是半隻份量，但是一上菜時只有6塊肉，加上數塊鴨皮，讓事主震怒。

立即把今次中伏經歷上載到《連登討論區》，帖文中事主表示曾就份量詢問店員，但是店員竟然表示「依度係咁㗎啦」，超惹火回應讓事主火冒三尺，立即於文末寫道「以後唔去依間嘢食飯交智商稅！」。

網民大鬧要報海關！

不少網民對於事主貼出的照片感到驚訝，且再詢問事主「係咪六舊肉得一塊皮」，更有網民表示「幾多錢有乜關係？佢係寫半隻，你睇依度有冇半隻？」、「你寫得半隻，比啲咁嘅嘢我就係呃人」、「我當你半隻得6片胸，咁背呢？翼同髀呢？」、「依度半隻？咁樣上碟？認真？」，對於事主所說的半隻份量感到驚訝。

更有網民提議事主要報海關，表示「若然砌唔返半隻真係告得」、「商品說明條例，告得入」、「報海關啦！等佢解釋點樣係半隻鴨」。

也有網民笑言可能是本身鴨的身形偏細，有人笑指「隻鴨生到林作咁細粒，佢都唔想」、「蚊型鴨」、「隻鴨啱啱生出嚟」。更有網民拿著B.Duck公仔作媲美，笑指該鴨的尺寸應該跟B.Duck差不多。亦有網民感慨地表示「難怪啲人會上去食！搵笨！」，更貼出家人到深圳吃的片皮鴨，只需$128便可吃到。