港夫窒鏡粉老婆追MIRROR：小鮮肉有咩好睇?被妻一句反擊嘲痛處

港夫窒鏡粉老婆追MIRROR

該名港男日前在「香港討論區」以「畀老婆話我成個地中海大叔，MIRROR都比唔上」為題發文，指老婆近期迷上MIRROR，「晚晚開電視煲MIRROR，又搶演唱會飛，又換MIRROR卡。最近嗰個咩Anson Lo（盧瀚霆）生日，直頭入埋fans club（歌迷會），夾錢幫手慶祝生日。」

港夫多口：小鮮肉有咩好睇？ 被妻嘲諷

港男直言不解「小鮮肉有咩好睇」，某晚見老婆又在看MIRROR，於是詢問對方：「究竟呢班後生仔有咩好睇？」怎料，隨即換來老婆一句：「唔追佢地唔通追你呢個地中海大叔咩？」對此，事主坦言自己「個吓當堂好傷心」，表示自己因工作壓力大，最近狂甩頭髮，現時頭頂比以前稀疏。

網上發文訴苦：你估我想甩頭髮咩？

港男於是在網上發文訴苦：「你估我想甩頭髮咩？打工壓力大係咁甩頭髮，我都唔想，最慘原來已經甩到咁嚴重……只係稀少少，頭都未禿就比（畀）人笑！男人最忌無頭髮，我終於明呢個道理。」

帖文隨即引來網民熱議，不少人留言指事主對於妻子追星的反應未必過大，勸告他不用太在意；同時，亦有網民指人妻追星「好正常」，更指「男人保養同唔保養差好遠」，稱事主應該檢討。

夫妻曾因追星嗌交鬧出離婚危機

除了這位男士說錯話導致被嘲諷，早前都有位男士曾經因老婆追星做「鏡粉」鬧出婚姻危機。該位港男早前在香港討論區發文，分享自己是張敬軒Fans，因買不到演唱會門票，當聽到其他Fans大讚演唱會現場氣氛好，沒法參加感覺好傷心，於是就在屋企播歌慰藉受傷心靈。

港男表示，一播歌「鏡粉」老婆即刻從房間出來，黑面訓斥他，騷擾自己聽男神的歌。於是，老公一氣之下都嬲爆回應，除咗四字真言的粗口，仲批評MIRROR是「全天候24小時感冒」的歌手。

結果，將「鏡粉」老婆激得更嬲，最後，兩夫妻冷戰了一整晚。雖然，港男老公自言「唔後悔」，但都向廣大網友求教，要如何收拾殘局，成為一時熱話。