陳琪 準備生 胡諾言大肚上畫B仔
廣告
今年六月時，胡諾言太太 陳琪 被影到腹大便便行超市，其後胡仔亦在網上公布喜訊，第三個愛情結晶品將於十月出生！早年試過流產的 陳琪 本以為未必能再生B，不過如今奇蹟地追番個仔，實在可喜可賀！日月如梭，不經不覺已十月， 陳琪 準備入院剖腹產子，而再次做爸爸的胡仔亦非常興奮，在老婆的大肚上晒畫功！
胡仔與 陳琪 拍拖七年，於09年拉埋天窗，兩人現育有一對分別7歲及3歲大的女兒，一家四口樂也融融。但其實 陳琪 3年前曾試過流產，當時懷孕7周的 陳琪 流血不止，要立刻做懷孕終止手術外，更差點要切除子宮，醫生更說以後未必可以再生B。估唔到，奇蹟終於發生！
話咁快已經十月，預產期係今個月中的 陳琪 ，今日在微博上載幾張新相並留言︰「快啦！快啦！未到之前畀大家欣賞下（吓）胡生嘅畫工（功）！……」 原來係老公胡仔在其大肚上塗鴉，畫了一個濃眉大眼的男仔樣，似乎胡仔真係好期待B仔的來臨，咁快諗定佢個樣！
另外胡仔早前亦上載一張有五個相框的相片，分別代表兩佢公婆和兩個女兒，以及就快出世的B仔！
