金像男配馮皓揚認退修TVB藝訓班 《媽媽的神奇小子》少年蘇樺偉喊戲獲讚

馮皓揚在電影《媽媽的神奇小子》飾演「少年版蘇樺偉」，故事是以根據殘奧田徑賽金牌得主蘇樺偉的真人真事改編，表達出母子之間無私的愛，帶出正能量。雖然童星馮皓揚零演出經驗，但首度拍戲已展示成熟演技，說話方式、肢體動作都令人印象深刻，內心戲超班。到底馮皓揚是如何幫助自己入戲？他背後又是甚麼樣的人？

馮皓揚認退修TVB藝訓班

原來2022年馮皓揚成為香港電影金像獎最佳男配角後，睡一個小時隨即於當晚得獎後第二天加入TVB藝員訓練班，成功在逾2600人報讀的TVB藝員訓練班中脫穎而出，成為24位香港學員之一，聯同內地、馬來西亞學員進行網課。訓練班上課第一日，由金像獎最佳導演、《十月圍城》陳德森擔任校長，並親自教授，導師是錢嘉樂、譚俊彥、袁偉豪。

他接受TVB娛樂新聞台主播訪問，表示想改善語言能力，增進演技：「我本身喺講嘢方面比較弱，希望糾正懶音、字正腔圓，比較想注重。我都聽到課程除咗演員發展，都想有一技之長，也可以讓我們先體驗一下，可以畀我們體驗吓先。如果日後有興趣，校長話係可以去深造，希望睇下試多啲嘢。」

當時網民紛紛勸他退學，認為他如大學畢業重讀小學一樣：「馮皓楊演技超晒班，嗰幾位似乎未夠資格教佢喎！」、「攪笑，導師演技差過學員」、「自己報香港演藝學院，唔係仲好咩？」、「羊羊，做咩咁睇唔開呀？」、「原本前途明朗，依家就……」不過，原來他只上了一日藝員訓練班後已退學，他承認與公司商量後沒再繼續上課，之後會抱着學習心態參與每次演出。

原來他已經有新工作，將拍攝由荷里活導演Bizhan Tong執導、李施嬅監製及主演的香港電影《錄影歹》。《錄影歹》改編自2001年荷里活電影《Tape》，他會飾演男主角關智斌飾的年輕版，電影在日前已開鏡。

中學學游水訓練意志力

馮皓揚讀過小童星訓練學院，曾上過ViuTV拍攝兒童節目，曾拍攝TVB劇集《愛上我的衰神》飾演「少年版胡鴻鈞」。他獲沙田區傳統名校收錄，在中學修讀經濟與生物，被問到讀書成績如何，他笑言看個人心態，看看時間會怎樣投放，都有信心自己讀得好。他指自己有游水習慣，游了六、七年，他認為這項運動訓練到其個人意志力比較強。除此之外，他很愛打籃球、跳舞、越野、打武術。他形容自己非常好動，曾被不同教練讚過有運動天份：「我畀自己嘅要求係每樣嘢學嘅時候，都要畀心機、認真去做。」

《媽媽的神奇小子 》掛念遠方媽媽真情流露

電影其中有個情節講述蘇樺偉第一次離開父母，隻身遠赴美國阿特蘭大殘奧運動會特訓。馮皓揚需要一邊流淚，一邊演繹患有痙攣的蘇樺偉的說話方式，在遠方致電回家問候媽媽。面對內心感情戲的演繹，對他來說就是一大挑戰，最後他成功演技大爆發。有入場睇戲的鄭中基太太、梁詠琪都感動到幾乎全程流淚，梁詠琪還大讚馮皓揚演得好好，成功演活出很難駕馭的角色，逼真到令她一度以為他有殘障。

馮皓揚曾接受訪問自爆成功入戲全因自己哭念遠方的媽媽，真情流露：「嚟咗內地咁多日都無搵阿媽，有啲內疚，諗起自己對阿媽做過啲衰嘢，有啲對唔住嘅感覺。」被張繼聰嘲笑為人冷血，他解釋自己只是比獨立。除了自己的親身經歷外，他亦有想起蘇樺偉的故事：「佢由細到大都係阿媽照顧得佢好好，依家第一次20幾個鐘見唔到阿媽，咁真係會好掛住。」

曾感迷惘 靠張繼聰幫忙入戲

馮皓揚坦言自己壓力太大，曾經感到迷惘，不知道該如何演繹：「一開始有壓力，谷完眼淚好快就無咗。」戲中演蘇樺偉教練的張繼聰及導演曾主動協助他入戲，張繼聰一邊示範如何演釋那場戲，一邊教他要從蘇樺偉角度出發，慢慢引導他：「佢好錫你，你先會掛住。」最後馮皓揚走到一旁蹲下來，低頭掩臉，專心投入戲中情緒，工作人員屏息埋首拍攝，順利完成那場戲。

他很感激前輩的教導與關照，令他充滿信心：「無佢哋，我都唔會做得ok。聰哥喺隔籬畀畫面我想像，令我無咁大壓力。」張繼聰指演員要互相幫助才會做得好，又笑言自己只是威脅他一定要做好為止：「我同佢講：『你知唔知搞到大家無飯食，成個娛樂圈被你搞彎晒，成個地球嘅環境污染好嚴重，你幾時肯收手。』」他馬上和應，指自己在張繼聰的壓力下成功逼出眼淚，非常搞笑。

張繼聰回想初初為電影試造型時，第一次馮皓揚碰面，見到他很快能投入情緒，覺得對方表現得好好：「講得好好。」他坦言自己都有眼濕濕：「將成場戲變到好有生命力…叻仔！」之後他又發揮搞笑本色，笑言：「第一次拍戲咋？做到咁樣嘅…咁你玩晒啦之後，睇住細佬啊。頭先大家叫佢拎多個饅頭食，獎勵吓佢。」

撼贏古天樂奪金像最佳男配

第40屆香港電影金像獎中，《媽媽的神奇小子》榮獲九項提名，包括「最佳電影」、「最佳編劇」、「最佳男主角」、「最佳女主角」、「最佳男配角」、兩個「最佳新演員」 、「最佳原創電影音樂」及「最佳原創電影歌曲」。馮皓揚同時角逐「最佳男配角」，與《梅艷芳》古天樂爭獎。他表示大家喜歡其演出已好足夠，又表示好感恩遇到這部正能量電影。獲提名「最佳女主角」的吳君如也恭喜他獲提名。

最終，馮皓揚擊敗前輩包括林雪、謝君豪、古天樂、柯煒林，得到「最佳男配角」，上到台馮皓揚即淚崩：「好多謝大會及金像獎頒呢個獎畀我，呢個獎真係好重，個重量呢一刻未完全感受到，我覺得好開心，真係拎到呢個獎，然後多謝導演尹志文、吳君如、所有出品電影公司、古天樂，多謝你哋當初堅持，先至有呢部電影，我先有機會做好少年偉仔呢個角色。多謝梁仲恆、蘇樺偉、張繼聰，佢哋不厭其煩，將識嘅嘢全部畀我聽，多謝演員及幕後，當時我跑嘅戲分相對多，但我一啲都覺得唔辛苦，唔係因為跑得，因為拍攝團隊氛圍好正，好認真，多謝你哋！

最後他難忍淚水，感淚父母：「多謝家人，我嘅爹哋媽咪，有時望番我嘅付出，以及你哋對我支持，我會覺得自己唔爭氣，但我希望之後用最大努力去用心演好之後角色，希望可以報答你哋，繼續謙虛做每個角色。我叫馮皓揚，係一個出色嘅香港演員。」

感激蘇樺偉與蘇媽：佢哋係香港人嘅驕傲

之後，馮皓揚接受ViuTV訪問講獲獎感受，他指完全沒有想過如何慶祝，他指現時會用最享受的心情去迎接獎項：「全無諗過慶祝，抱着欣賞最靚風景的心態，好似好有詩意咁哈哈。唔係喎！其實行完紅地氈都可以慶祝，但我真係無諗過慶祝呢個部份。發夢試過攞獎，有想過拎獎，雖然我係有努力付出過喺角色上面，但覺得其他每一位競爭者都付出好多，所以邊個拎我都覺得唔出奇。」他補充：「但唔會係我囉，原本覺得。」

他之後突然露出大驚表情：「拎到呢個獎真係好開心、好榮幸…啊…我突然醒起一個好重要、好重要嘅人要多謝，就係呢部戲嘅靈魂人物蘇樺偉先生同埋蘇媽：「天啊，頭先喺台度漏咗，好多謝佢哋當初嘅堅持先會有呢部電影，好簡單一句佢哋係香港人嘅驕傲，佢哋真係好Nice嘅人，好多謝佢哋。」

患輕度亞氏保加做演員學習同理心為追夢決定休學

馮皓揚小學被診斷患有輕度亞氏保加、專注力不足及過度活躍，欠缺同理心，不太明白其他人的感情，但演戲啟發他學習同理心，理解每個角色的心情，才可以有成長：「呢個係演戲帶畀我嘅嘢，我會繼續努力去嘗試做個好演只。」問到下個目標？他表示：「坦白講我可以喺17歲行紅氈、攞到最佳男配角嘅時候…我真係未諗到咁長遠。至少依家我會用心去做每個角色，會感受生活中每個細節﹐做個好演員。」

他於戲中飾演少年蘇樺偉，拍攝時他年僅14歲。為了追夢，他年多前已決定休學做全職演員，強調決定與奪到「最佳男配角」一事無關。