15歲港童首次去日本被恥笑 133字回應獲讚有教養：真正打敗99.9%嘅人

15歲港童首次去日本 高興發文：打敗99.9%中學生

近日，一名15歲香港中學生在社交平台Threads發帖，分享自己首次前往日本旅行的經歷，以「15歲人生第一去日本 打敗99.9% 香港中學生」為題，附上兩張旅行照片，表達喜悅心情。

家長網民揶揄樓主自視過高

未料，該帖文卻引來部分家長留言揶揄，指責樓主炫耀及自視過高，有人稱「我個仔1歲生日嗰日起程同我哋一家去咗歐遊」、「我6歲已經去，你咩料」、「有幾勁？我個仔未滿月已經去咗15次日本，年輕人做人要謙虛啲」、「我9歲自己1個人搭飛機去台灣，咁樣可以打敗幾多人呀？當年係1989年」、「好明顯係99.9%香港中學生打敗你啦，睇你個樣應該人哋連快1個鐘都唔X知」，甚至有家長豪言「我個女1歲已去日本，你收皮啦」。帖文迅速在網上發酵，引發網民熱烈討論。

年輕網民一面倒狠批：跑出嚟認叻認屁

帖文引起全城熱話，不少年輕網民都明白樓主所使用的「打敗99.9%」僅是00後常用潮語，旨在表達個人成就感，並無炫耀之意；同時批評部分家長未能理解年輕人的表達方式，卻急於在留言區冷嘲熱諷。

批評家長揶揄及缺乏理解

不少網民批評部分家長未能理解年輕人的表達方式，卻急於在留言區冷嘲熱諷：「成班中年阿叔阿嬸喺度跑出嚟認叻認屁……打敗99.9%中學生一定係鬥早㗎咩？唔可以鬥遲嘅？人哋有講打敗邊方面咩？」、「成班人要贏一個15歲嘅細路做乜X？」、「見到嗰班香港80後70後家長喺度獻醜，好心連潮語都唔識」、「作為一個成年人，見到啲不知所謂冇教養嘅成年人嘅留言，實在令人慚愧」、「我哋呢啲中年/老年人……真係要好好了解而家年輕人嘅話題/流行用語……而唔係用『長輩』身份嚟教訓人用錯字眼……只會令後生仔愈嚟愈唔想同我哋溝通」、「家長們要練下自己閱讀理解能力」、「小朋友喺度玩，你班大人就咁認真衝出嚟。」

「打敗99.9%」僅為潮語無需過分解讀

另外亦有網民解釋指「打敗99.9%」僅是00後潮語「打敗99.9%只是形容詞啫，即係大癲唔係真係癲。」、「即好似90年代周星馳無厘頭文化，將毫無關係嘅事串連搞笑，例如嗰啲『你講嘢呀？』。」、「幽默感很重要。」

鼓勵樓主及正面回應

有部份網民亦對樓主表示支持：「唔駛理呢班人……玩得開心啲。」、「加油。」、「旅途愉快。」、「食多啲拉麵，玩得開心啲！」、「enjoy日本！試多啲便利店嘅嘢食。」、「好好體驗自己獨特日本旅程。」

樓主現身說法籲大家和平相處

樓主及後現身留言區，表示自己沒想到一落機就見到帖文成為熱搜，令他大感愕然； 其後發文解釋今次是自己第一次去日本：

「一落機見到咁多comments
大家冷靜下先，本人只係想表達從細到大，身邊好多frd都去過日本，but我15歲先第一次去日本，所以先話自己係少數咁大個都未去過日本
不過我明白大家難免會get錯的，所以希望大家和平相處唔好嗌交
同時亦感謝所有人明白同幫我解釋嘅朋友們」

15歲中學生解釋獲過萬讚好：好有教養，家教品格真正打敗99.9%嘅人

這位只有15歲小朋友的解釋文至今已獲超過一萬個讚好，紛紛稱讚他的處事方式比眾多大人成熟、 EQ高，「唔會逐個留言去反駁，又唔d會因為有人幫佢講說話而得理不饒人，迅速收拾心情去enjoy個trip，EQ真係幾高同幾成熟。」 、「厲害 面對咁多toxic comment 仲可以咁大方 家教同品格方面係真真正正打敗99.9%既（嘅）人」、「15歲就做到心胸咁闊 打敗 99.99% 香港人（包括我）」、「支持你！覺得你15歲EQ好高，唔使理嗰啲大人！做人開心就得」、「EQ打敗了香港99.9%網民 」。

此外，大批大人稱讚他有教養、 得體，其父母一定會他驕傲， 「小朋友，你好有教養，EQ又高，爸爸媽媽會為你驕傲。作為一個成年人，見到啲不知所謂冇教養嘅成年人嘅留言，實在令人慚愧。」、「有家教係反映父母質素，做人也不可固步自封。十五歲可以咁有EQ處理，我呢啲中佬都不禁要俾個99.9%你，有前途呀！99.9%中嘅0.1%不平凡！」、「回覆好得體，真正打敗99%人」、「見到你十幾歲已經識咁得體咁回應無被影響~真係好欣賞~enjoy your trip!!!」、「15歲人可以咁有條有理咁覆到班認屎認屁嘅認真L 你今次咪真係打敗99.9%香港中學生」。