呃錢｜被BabyFace港男撩後被指心動沉船 東張女神梁敏巧9字回應

苦主黃先生撩主持梁敏巧 仲唱慘情歌

另一段東張獨家播未曝光片公開，苦主黃先生於節目中撩主持梁敏巧： 他當時去到位於深圳福田的一間婚介公司後就被邀請進行面談，該公司職員要求他先作自我介紹，以及列出擇偶要求。

苦主黃先生講到對女性外貌有少少要求，梁敏巧就問：「咁係啲咩要求呢？」黃先生即刻口花花咁講：「好似主持人咁靚囉！」梁敏巧即刻勁怕醜：「唔可以咁樣講㗎，靚女，就得㗎啦！」黃先生仲話「我真係咁樣同佢講！」

梁敏巧再問到：「嗰一下你都覺得佢答唔到你問題，仲叫你交錢喎，你嗰陣嘅感受係點樣？」

黃先生：「我諗起一首歌囉！」

梁敏巧黑人問號咗幾秒：「吓⋯⋯」

黃先生：「就係麥浚龍嗰首《沒有人》，到了這一刻終於望通透，愛情真係冇嚟過！（大聲讀出歌詞）」

相關新聞：Baby Face港男真實身分曝光 現身解釋超自信原因 指已聘請律師

主持梁敏巧IG回應：咁大個女都未試過

此外，不少人都非常關注主持梁敏巧的表情，「睇左20秒尷尬到睇唔到落去」、我懷疑佢係為了見東張主持一面」、「難為訪問佢的靚女要忍住笑」、「敏巧呢排成日要主持呢d onX 狗血劇情又要忍笑又要訪問，點知越問越想笑都幾難頂」；不過也有人質疑真確性，「琴晚睇咗，我唔覺得呢個節目好似東張西望係真人真事，有啲似做戲」等等。

被指心動「沉船」梁敏巧9字回應

其後，部分網民見到主持的反應後認為梁敏巧「沉船」。此外，梁敏巧於社交平台上跟網民玩「你問我答」環節， 當中的提問不乏與娃娃臉自信港男有關。有網民問她「有無對佢心動」，梁敏巧用九個字回答「他不是我喜歡的類型」；有人問「你有無被佢電親？感覺佢都有啲鍾意你」，她就否認「認真工作mode，所以完全不過電」。

苦主黃先生從未曝光片段曝光：

黃先生已請律師 現身解釋超自信原因

黃先生其後在其YouTube頻道講述事件經過及後續發展，他透露當日看完奧運籃球決賽後，在神志不清之下被遊說下前往福田參加相親。

他又指目前已聘請當地律師處理案件及追討該筆款項，不過他表示對方只願意賠償1萬3千元人民幣， 期間又呼籲其他受害者勇敢站出來舉報此類婚介公司，還強調並不會簽任何和解協議， 並會追討到底。

對於過分自信的言論及質疑，他解釋是被婚介公司職員的「你都幾靚仔丫」、「你都幾幽默喎」等種種稱讚說話所迷惑，「讚到我飄飄然」便相信了，「有信心溝到靚女」，但後來發現並不是這回事， 他無奈表示現時對於讚賞的說話都存有警戒心。

苦主為YouTuber 專拍棟篤笑影片

黃先生自去年八月起經營了一個YouTube頻道， 現時有1.13K人數追蹤。 在其自我介紹的版面上，他自稱為「偽術家sub-artist」、「別天神幻術專家」、「 棟篤笑Stand-up comedy」、「婚介中心受害者」、「2萬凍過水」。

他主要發佈關於棟篤笑(獨角喜劇）形式的短片，又揚言「歡迎恥笑」，還豪言「30%聰明人才會看到這頻道」。