幼稚園現「BB車龍」排隊 被指「細路對腳用嚟裝飾」網民解釋原因
屋邨幼稚園門外現「BB車龍」 ：細到唔識行？
有網民在社交平台Threads發帖，分享一張屋邨幼稚園門外，泊滿長長的「BB車龍」的照片，「BB車龍」靠著幼稚園牆邊有井然有序地排列，但車內無任何小朋友，甚至有家長等大人看管著，估計是家長們暫時泊在幼稚園門外，可能在等待小朋友放學時使用。
樓主發文：
「常態？而家返幼稚園的人太細？細到唔識行？」
家長反應兩極：呢個年代好多細路對腳都係用嚟裝飾
此帖文引起了家長及網民關注及熱議，部分網民表達了對當代育兒方式的疑慮，他們驚訝於幼稚園門外長長的「BB車龍」，並質疑現在的孩子是否真的需要這麼依賴嬰兒車，又認為現今的小孩特別「矜貴」，「喺地鐵見過5、6歲小朋友坐bb車！仲唔只一次。有時諗，而家啲小朋友真係矜貴」 ；有其他家長表示不解「我生兩個都唔明喎，上咗幼稚園已經唔俾小朋友用BB車，要用對腳行，開頭係會成日扭抱，只要堅持唔抱佢，慢慢就會接受現實啦！」、「我啲小朋友一到兩歲就吾坐bb車架啦 出街都係為左俾小朋友活動下 出街都要坐bb車 不如吾好出街啦」。
一名育有一女兒的媽媽也認同，「呢個年代好多細路對腳都係用嚟裝飾，小學仲坐bb車返學都唔少啦，其實大部份bb車講明max負重15kg，教/訓練細路係好花心血，所以實有原因藉口多多，啲父母點解唔索性買張電動輪椅呢？ 世界從此安靜」，這些評論引發了對現代育兒依賴性的關注和討論。
家長反駁BB車係恩物、救命草：生過仔先會明
不過部分家長卻不同意，反指BB車是「恩物」、 「救命草」，他們分享使用嬰兒車的親身經歷和提出各種考量，指嬰兒車不僅是幫助照顧孩子的工具，更是在忙碌的生活中不可或缺的幫手，反駁指「當你湊住一件2-3歲…又要去買餸，買日用品，又怕佢瞓，BB車係救命草來。」、「生過仔先會明，小朋友扭計要抱抱，車車係恩物！泊係到又可以當排隊，趁呢個時候去隔離街買菜，返嚟接放學十分完美。」
樓主被指缺乏同理心：過嚟幫吓我抱
很多家長都質疑發帖者不知道有「N班」，反指樓主缺乏同理心，「其實呢，呢個世界有N班，即係仲係要着緊尿片，2-3歲嘅小朋友讀，小朋友好多情況係預計唔到，攞BB車係最穩陣，證明你都幾冇同理心又或者你應該唔會有小朋友」、「證明你見識少，品德差， 幼稚園有N 班， 只有兩歲的， 而且就算K1-3班， 返放學途中睡眠都好正常， 讀多d 書， 任何事都多動動腦， 唔好眼見唔識就衝出黎亂叫。」
此外，也有媽媽坦言自己的體力抱不起孩子，直言叫樓主幫手抱，期間部分媽媽透露無手拖小朋友，「我個b k1 3歲2個月 幾十磅 放學就會訓著 Sorry 我得100磅 我真係抱唔到 手都斷 腰又斷 唔知邊到得罪你 睇唔過眼 過黎（嚟）幫下（吓）我抱 thank you」、「咁都要放上網批鬥? 你試下一隻手拎餸同書包, 一隻手抱20kg行十五分鐘, 隻手痛到死, 細路又扭眼訓又要飲水食餅, 我邊到有手吖? 一程十五分鐘既路行足一個鐘. 上一代d人唔叫外賣唔用smart phone 唔去旅行唔通要跟足上一代？post呢d相嗰d人都痴9線」、「我係個得75磅嘅媽咪，我女3歲就快有30磅，點抱？」、「有時都係方便大人 買野一袋二袋 bb訓覺 又唔洗抱姐」、「帶住小朋友還要去買柴米油鹽時候，連2隻手都唔夠用，點拖小朋友？BB車就係最好的選擇。環境不一樣，選擇的代步車也不一樣。應該要多體諒，湊小朋友不簡單」、「唔好講笑，我細女就嚟4歲放學，我都會拎BB車，我接完放學買嘢，又唔怕佢要我抱，去遠啲去足全日，我都會帶車，真係吓吓抱到咁耐咩。」、「做人要有同理心同底線，呢個世界唔係全部人都係supermom，同完美小孩，亦都有好多自閉兒童需要坐BB車，呢D細路有權利接受教育。」
亦有家長叫樓主可問問母親當年是否辛苦，「其實應佢都多餘，搵存在感，你無做過BB 一出世就識行，你問下你媽抱你辛唔辛苦，時代轉變推BB車，父母舒服啲對自己好啲都要審人地，哩個仲社會生病，咩都拎黎講」。
兩孩媽媽教路：冇呢個習慣就唔會扭
有家長也提出自己的意見，「每個小朋友需要唔同，每個父母湊小朋友嘅方法都唔同，各自用各自方法囉，無咩需要去討論~~~」 ；
期間一名兩孩媽媽透露遇上孩子眼瞓時的處理方法：「我個人做法係一翻幼稚園就唔會推bb車，放學眼訓(瞓)就上車訓(瞓)，出街眼訓(瞓)就去餐廳tea下，我兩個小朋友重量都唔少架，我堅持唔抱住訓(瞓)，冇呢個習慣就唔會扭，不過呢個係我做法，因為就算啲小朋友坐到幾大都唔關我事，一家唔知一家事，父母只需要俾愛小朋友就夠，坐唔坐bb車其實好小事。」，其他媽媽附和表示「我同你一樣 小朋友比同齡獨立」 。
這場由「BB車龍」引發的討論，不僅是對育兒方式的一次反思，也是社會對於家庭需求理解的一次檢視。這次網絡上的熱烈討論，也許能促進更多的公共理解和對家庭多樣性的尊重。
