百日宴人情點做先得體 7個送給寶寶的禮物+5大禁忌一定要知

百日宴人情禮物｜7個適合送給寶寶的禮物

百日宴人情禮物｜1. 嬰兒服飾

可愛、柔軟嘅衣物係寶寶一定會用得著嘅禮物。選擇服飾嘅時候，可以選擇比較出名嘅嬰兒品牌，而且注意要選擇天然、親膚、透氣嘅面料，例如純棉或有機棉，確保BB穿得舒服同皮膚唔會過敏。購買時可以詢問店員適合百日寶寶嘅尺寸，避免過大或者過小而造成浪費。選擇一些可愛和溫馨的設計，如動物或者卡通人物，就一定唔會出錯。

百日宴人情禮物｜2.玩具/玩偶

益智而且符合寶寶年齡嘅玩具都係一個適合送給小朋友嘅百日禮物，它們能夠啟發寶寶的感官和智力發展，對他們的成長好有益。可愛、軟綿綿嘅毛公仔不佔位同時可以玩好耐，陪著寶寶長大，不過記住要睇下BB有冇鼻敏感啦！

百日宴人情禮物｜3. 嬰兒圖書

讀有助於提升寶寶的語言發展、想像力和智力。早期接觸圖書可以啟發寶寶的閱讀興趣，並促進家庭閱讀的習慣。選擇適合BB年齡嘅圖書，具有吸引寶寶注意力嘅鮮豔圖案和互動元素，可以讓他們享受閱讀的樂趣。

百日宴人情禮物｜4. 嬰兒護理用品

護理用品包括嬰兒尿布、嬰兒沐浴產品、紙尿褲等，對新手父母來說都非常實用。在寶寶的前幾個月或者幾年，這些用品是必需的，並且會幫助他們照顧寶寶的健康和舒適，是一個非常體貼和實用的送禮選擇。

百日宴人情｜5.嬰兒禮品籃

如果到最後都唔知應該送咩俾寶寶，可以直接買一個嬰兒禮物籃或者禮品套裝，包裝精緻又美麗，望落去已經十分得體。而且裏面都有齊BB會用嘅物品同玩具，唔洗特意揀或者擔心夠唔夠實用，收到嘅爸爸媽媽一定好鍾意。

百日宴人情禮物｜6.嬰兒首飾

如果同寶寶嘅家人十分親近，預算比較多，不妨選擇送金器、銀器或者珠寶給寶寶，例如手鐲、吊墜，還有可以配戴嘅玉器。這些珍貴的首飾既大方得體，又可以陪伴BB成長，它們象徵著愛同祝福，以及希望BB可以平平安安、健健康康咁長大，十分有意義。

百日宴人情禮物｜7. 利是

好多親朋好友都會包利是俾小朋友作為對寶寶的祝福，金額就因人而異，可以根據自己嘅財政狀況同跟寶寶家人嘅親密度去定包幾多。送人情利是嘅好處就是它們具有彈性，可以給父母用來購買BB需要嘅嘢，例如嬰兒用品、教育基金或儲蓄計劃。對新父母來說也是一種實際的幫助，可以幫他們應付寶寶日常生活或者未來嘅開支。包利是嘅時候可以在上面寫BB嘅名，同埋一些俾他們嘅祝福和祝賀詞，例如身體健康、平安長大、聰明伶俐等。

百日宴人情禮物｜5大禁忌一定要注意

1. 包利是嘅時候金額要避免有「4」嘅數字，送禮嘅數量不要送4個，因爲「4」嘅發音與「死」嘅發音非常相似，會被視為不吉利。

2. 避免送鐘錶，喜慶日子送禮中的鐘表意味著時間的流逝，可能被解讀為生命的流逝，有減壽的意思。

3. 避免送包含鏡子的禮物或具有鏡面效果的物品，因為在中國文化中，鏡子被認為會吸引邪靈和不好的靈氣，因此不應該送給新生兒。

4. 孕婦應該避免出席，因為老一輩的人認為，懷孕本身就是一件喜事，若是再參加其他喜事例如百日宴，可能會造成「喜沖喜」，容易犯沖。而且，孕婦應該避免參加會耗很多體力和精神的活動。

5. 避免在寶寶的爸媽不在場時抱BB，一定要提前詢問孩子父母和經過他們的同意才可以抱孩子，保障BB嘅安全和以防有什麼意外。

更多內容：百日宴人情｜百日宴場地推介｜百日宴酒店推介｜滿月酒禮物、場地｜初生嬰兒禮物推介