【三亞親子遊】復活節海島放電！家庭輕鬆住五星酒店＋水上樂園＋打卡咖啡店
由香港出發只需約 1.5 小時航程，機票價錢親民，落機仲可以安排專車接送直達酒店，冇轉車煩惱。SundayKiss為你策劃好3日2夜三亞親子行程，集齊玩樂放空、沙灘日落、靚景旅拍、免稅掃貨，一家大細都玩得開心又自在。
三亞旅遊攻略：
✈️ 三亞交通建議｜香港出發超方便！
目前有兩間航空公司提供直航三亞航班：
- HK Express：每週約5班，來回票價約 HK$800 起，性價比高。
- 香港航空：每日航班，航班時間選擇更多，來回約 HK$1,500。
✨ 建議提早2-3星期預訂機票，特價時段甚至低至 $600！
到達三亞鳳凰國際機場後，建議直接預訂【專車接送服務】或入住附接送服務的酒店，如 JW萬豪、香格里拉等，落機即上車，方便快捷。
回到目錄
📍 三亞住邊區好？親子家庭最啱海棠灣！
| 區域 | 特點 | 家庭遊推薦程度 |
|---|---|---|
| 🌊 海棠灣 | 五星酒店集中，設施齊全、近免稅城、有水上樂園 | ⭐⭐⭐⭐⭐ |
| 🌴 亞龍灣 | 海景靚、CP值高、活動選擇多 | ⭐⭐⭐⭐ |
| 🏙 大東海 | 近市中心，出入方便 | ⭐⭐⭐ |
| ✈️ 三亞灣 | 鄰近機場，適合快閃旅程 | ⭐⭐⭐⭐ |
💡為何選海棠灣？
- 多間五星級Resort設有兒童俱樂部、水上設施、親子活動
- 酒店內部已有齊食玩買，爸媽唔使再煩行程
- 部分酒店有免費接送巴士直達免稅店，購物超方便
🏨 Day 1｜入住海棠灣度假酒店，Chill住展開親子旅程！
第一日建議放慢節奏，Check-in酒店後就留喺 Resort 慢慢玩。以下三間海棠灣人氣酒店風格唔同，各有親子亮點：
| 酒店名稱 | 氛圍定位 | 每晚人均參考價 |
|---|---|---|
| 🐠 亞特蘭蒂斯酒店 | 玩樂放電派 | 約 HK$386/人/晚 |
| 🌴 JW萬豪酒店 | 靜靜放空派 | 約 HK$346/人/晚 |
| 🍸 文華東方酒店 | 海景浪漫派 | 約 HK$715/人/晚 |
🐠【玩樂放電派】海棠灣｜海南三亞·亞特蘭蒂斯酒店
以傳說中嘅「亞特蘭蒂斯」為靈感打造，酒店本身就係一個大型娛樂度假村，擁有【水世界】水上樂園、【失落的空間】水族館、私人沙灘、無邊泳池等設施。無論大人細路都可以玩足成日唔停，超適合想放空腦袋、開心玩水影相打卡的你！
✨ 氛圍特色：
- 酒店本身就係景點！打卡位超多，尤其係從高空滑水道直衝鯊魚池的瞬間超震撼。
- 設施選擇多元，由刺激玩水到寧靜看魚，行程自由又有彈性。
- 多間高質餐廳，晚上留喺酒店歎 buffet 絕對無失水準。
📍重點設施包括：
- 無邊泳池＋鯊魚池滑水道
- 自家海灘＋兒童專區
- 多間主題餐廳，晚餐唔使外出覓食
想遠離人群、又想全家都有Me Time空間？這類園景酒店主打自然與寧靜共融，整間酒店以石材、木質打造，庭院式設計令人一踏入已經感到放鬆。園景房對住綠意盎然嘅熱帶花園，環境靜謐寧神，仲有拱廊庭園、八角許願池等隱世角落等你慢慢探索。
✨ 氛圍特色：
- 空間感十足，無論泳池、走廊定房間都夠 Chill。
- 適合鍾意寫意 slow living 嘅旅人，一杯酒、一池水、一本書就夠。
- 套餐內包括晚餐、旅拍，唔洗再煩行程。
📍亮點包括：
- 八角許願池＋拱廊花園
- 附送晚餐＋早餐＋旅拍體驗
- 房間景觀好，空間夠大夠靜
👨👩👦 推薦活動：
- 黃昏帶小朋友散步影相
- 晚餐後大人浸浴，小朋友睇書／畫畫放鬆
📌 更多詳情
一打開窗簾，眼前就是一望無際的大海，早上陽光映入房間，夜晚聽住海聲入睡——這類面海酒店，特別適合想「短暫抽離日常」、一家人慢慢享受彼此陪伴嘅你。
呢類酒店私隱度高，不用人擠人，設有私人沙灘、海景陽台、日落酒吧等空間，不論爸媽想歎番杯，或小朋友想搵個靜位畫畫睇書，都搵到屬於自己嘅角落。最適合家庭旅行中，一齊慢活、但又唔會互相打擾。
✨ 氛圍特色：
- 自然與質感並重，空間乾淨舒適，令人自然放鬆
- 酒店有提供日落酒吧體驗＋旅拍服務，適合記錄一家難忘時光
- 景觀開揚，夜晚可望星空、朝早聽浪聲醒來，感受三亞的靜謐
📍 亮點包括：
- 正向海景＋大陽台設計，無需出門已可享受日落美景
- 套餐內含免費迷你吧、精選迎賓小食、日落飲品組合等貼心安排
- 有穿梭巴士來回三亞國際免稅城，適合家庭輕鬆規劃購物行程
👨👩👦 推薦活動：
- 早上陽台歎早餐 → 下午喺沙灘建沙堡、睇書放空
- 黃昏一齊去酒吧影靚相、歎飲品
- 夜晚早啲休息，爸媽浸浴／睇海，小朋友畫畫靜靜Chill
📌 更多詳情
回到目錄
🏝️ Day 2｜Chill遊三亞地標或秘境海島，一日兩選擇！
酒店放空完一晚，第二日可以輕鬆出發，選擇一個 景點＋活動組合行程，唔洗太緊湊，但又有得玩有得行，適合一家大小一起去感受三亞嘅自然美景或文化風情。
🌿 路線一｜南山文化園＋天涯海角｜祈福靜心＋浪漫打卡兩不誤
如果鍾意靜靜地走走，呢條行程可以帶你遠離商場和景區人潮，慢慢行過佛教聖地南山寺，感受心靈寧靜，再去「天涯海角」影下相，留下旅行專屬回憶。
👨👩👦 推薦亮點：
- 南山寺觀音像夠壯觀，小朋友可以聽聽簡單佛教故事，體驗文化教育
- 天涯海角環境優美，有大石、大海和長沙灘，影家庭合照一流
- 團費已包來回接送，唔駛煩交通，適合想輕鬆安排的家庭
- 更多詳情
費用詳情：
- 📅 每日出發｜中文導遊｜拼團純玩團
- 💰 參考價：HK$170 起 / 人
- 立即預訂
🐒 路線二｜分界洲島＋猴島探秘｜海島快閃＋動物體驗一次過
呢條路線最啱一家人放電又放鬆。早上坐快艇出發，玩足水清沙白的分界洲島，之後再搭空中纜車去猴島，接觸可愛猕猴＋大自然生態，成個旅程又輕鬆又充實！
👨👩👦 推薦亮點：
- 分界洲島景色媲美「小馬爾代夫」，小朋友可以玩沙＋浮潛
- 猴島係中國唯一島上猕猴自然保護區，近距離睇猴子夠特別
- 包專車接送，彈性高，啱一家大細慢慢玩
- 更多詳情
費用詳情：
- 📅 每日出發｜私團導覽｜中／英語可選
💰 參考價：HK$650 起 / 人（按人數不同計算） - 立即預訂
回到目錄
🧳 Day 3｜慢慢Say Goodbye：海景Café＋免稅店最後衝一轉！
最後一日唔需要趕行程，最啱就係睡到自然醒，再安排個輕鬆早餐、飲杯咖啡、歎返最後一片海景，然後順路去免稅店掃貨買手信，一家人慢慢收拾心情，為旅程畫上完美句號。
🌅 Hi NiNi海里里日落咖啡店（海景店）｜人氣超高！影相打卡＋望海歎咖啡一次過滿足！
位於海邊的 Hi NiNi Café，係近年三亞人氣超高的打卡位，陽光灑入落地玻璃，望住藍天白雲飲咖啡，畫面靚到好似電影一幕！好啱一家人輕鬆放空＋影下旅程最後嘅回憶。
- 🪟璃窗前海景一流，小朋友坐低影靚相，大人歎手沖咖啡超Chill
- 🧁 Café主打輕食、手沖咖啡、甜品拼盤，味道唔止好打卡，更有質素。
- 📸 早上開門人比較少，適合一家人早啲去慢慢享受
📍地址：海南省三亞市馬嶺社區黃龍街246號
🛍️ 必去購物熱點：三亞國際免稅城（海棠灣）｜亞洲最大免稅購物天堂！
想買返少少手信或為自己 shopping 加分，海棠灣的免稅城一定唔好錯過！品牌選擇超齊，空間寬敞舒適，仲有冷氣＋寄存服務，非常家庭友善。
👨👩👦 推薦亮點：
- 超過300個品牌，大人買得盡興，小朋友仲可以去休息區坐低玩下
- 有酒店免費接駁巴士，建議前一晚向酒店預約，最方便
- 建議中午Check-out後即刻過去，掃完直接去機場，路線最順！
📌 Sundaykiss小貼士：
- 酒店Check-out後可以寄存行李，方便自由活動
- 出發前可先在Café坐坐，行完免稅城就直接搭車去機場
- 如果有包接送酒店記得預約返程時間，以免匆忙
