$545位包住宿自助晚餐！嚴選香港5大親子酒店暑期優惠
撰文：CMY｜圖片來源：各大親子酒店網站、新傳媒資料庫
親子酒店#1 香港愉景灣酒店－免費任玩全港最大型室內遊樂場
香港愉景灣酒店位於大嶼山，由中環搭船出發都只須 25 分鐘，啱晒各位繁忙爸媽。酒店鄰近沙灘，小朋友可以踢水、玩沙、爬繩網陣，加上酒店內有個全港最大型嘅室內遊樂中心EpicLand，絕對係小朋友放電嘅好去處！
另外，酒店不時會推出不同親子DIY工作坊，亦會提供多個親子活動俾小朋友選擇，包括棋藝大比拼、我是歌手、電玩大決鬥等。
酒店喺今個暑假推出兩大夏日親子住宿優惠，只須港幣$1,888起，就可以入住一晚酒店，仲可以免費享用自助早餐，同埋入EpicLand玩餐飽。
優惠詳情：
夏日親子歷奇住宿優惠
對象：兩位成人及一位11歲以下小童
內容：一晚山景客房住宿、兩大一小享用自助早餐、一張成人及一張小童EpicLand門票
價錢：港幣$1,888起
優惠期：2018年7月13日至9月2日
夏日親子FUN樂住宿優惠
對象：兩位成人及一位11歲以下小童
內容：一晚山景客房住宿、兩大一小享用自助早餐、兩大一小享用半自助午餐（逢星期一至四）或夏日自助午餐（逢星期五至日）、小童任選兩項「夏日DIY手作班」參加
價錢：港幣$2,188起
優惠期：2018年7月13日至8月31日
網站：www.aubergediscoverybay.com
親子酒店#2 香港黃金海岸酒店－必玩5大B.Duck充氣戶外遊戲
黃金海岸酒店一直都係以一家大細為主嘅親子酒店，無論係設施、主題客房、所有活動等等，都係為小朋友度身訂做。酒店內主題客房嘅選擇非常多，除咗有女孩子最愛嘅「公主」房，仲有「電車」房、「太空」房、「恐龍」房、「森林」房、「海盜」房等等，想入住心水靚房記得早啲預訂喇！
今個暑假，酒店更加「重金禮聘」B.Duck進駐，為小朋友帶來5大充氣戶外遊戲，滑水梯、浮板挑戰、水上滾筒、淘淘樂同夏日遊船樂。而且只要喺優惠期間入住，即送獨家設計B.Duck輕便旅行袋一個，各位B.Duck嘅Fans千祈唔好錯過。
優惠詳情：
對象：兩位成人及一位小童
內容：入住豪華海景客房一晚、自助早餐（2位成人及1位小童）、獨家設計B.Duck輕便旅行袋一個、五項B.Duck戶外充氣遊戲、「鯊魚冒險島」乙節、免費使用游泳池連滑水梯、黃金水動樂園、至Kids遊樂園、戲沙池及健身中心
價錢：
星期一至四、 9月2日： 港幣$1,688
星期五及日、7月2日、9月1日：港幣$2,088
星期六及7月1日 ：港幣$2,488
優惠期：2018年6月29日至9月2日
*凡於2018年7月15日或之前預訂並於6月29日至7月31日期間之入住，可享港幣$200折扣優惠
親子酒店#3 挪亞方舟度假酒店 －$545位住宿+食Buffet
如果小朋友鍾意睇星星，今個暑假一定要帶佢哋入住挪亞方舟度假酒店！呢間親子酒店最近推出咗「觀星住宿餐飲優惠」，將會有專人帶領小朋友用天文望遠鏡，齊齊探索星際嘅奧秘。
除咗睇星星之外，凡入住酒店嘅家庭都可以免費享用早餐同自助晚餐，總價錢為$4,360，而且有湊夠8個人一齊至有這個優惠，除開每人$545，其實都幾抵玩，快啲約埋一眾親朋好友組團去玩啦！
優惠詳情：
對象：八人團體、家庭
內容：一晚挪亞方舟度假酒店住宿（八人家庭客房）、輕盈早餐八位、自助晚餐八位、太陽館觀星活動
價錢：港幣$4,360（八人價錢）
優惠期：7月至9月，逢星期五及六
親子酒店#4 嘉湖海逸酒店－小朋友都有專屬城堡
嘉湖海逸酒店雖然有啲偏遠，不過勝在人少，爸媽同小朋友都可以遠離煩囂，享受寧靜嘅親子時光。酒店特別喺今個暑假設計咗設有室內帳篷嘅客房，小朋友可以自由自在咁喺「私人堡壘」入面探索，體驗前所未有嘅「露營」樂趣。
除咗有精心為小朋友佈置嘅客房，酒店更加準備咗一份神秘禮物同埋兒童遊戲送俾小朋友，有興趣記得早啲Book定房呀！
優惠詳情：
對象：兩位成人、一位小童／兩位成人、兩位小童
內容：豪華客房一晚（3人或4人住宿）、自助早餐、精選下午茶、兒童下午茶、兒童禮品、兒童室內帳篷、兒童遊戲、延遲退房至下午2時
價錢：
港幣$1,080/2位成人及1位小童
港幣$1,280/2位成人及2位小童
優惠期：7月1日至12月31日
預訂：2180 6688
親子酒店#5 迪士尼好萊塢酒店、迪士尼探索家度假酒店－訂房即送門票兩張
迪士尼樂園一直都係小朋友最愛嘅夢幻之地，如果可以入住埋迪士尼酒店，相信小朋友一定好難忘！今個暑假，迪士尼好萊塢酒店、探索家度假酒店將會推出香港居民專享優惠，由即日至2018年7月2日期間預訂房間，即可以低至港幣$2,399起入住，仲可享樂園成人門票兩張，玩轉迪士尼巨星嘉年華！
而喺活動期間入住樂園酒店嘅賓客，都可以免費玩夏季限定康樂活動，包括「《魔海奇緣》歷險『游』記」，小朋友可以喺游泳池範圍內展開尋寶之旅，投入《魔海奇緣》歷險旅程 。
優惠詳情：
對象：香港居民
內容：1晚酒店客房住宿、2張「1日標準門票」（12至64歲）
（*只限下午4時後入園）
價錢：
迪士尼好萊塢酒店：港幣$2,399起
迪士尼探索家度假酒店：港幣$2,599起
優惠期：2018年6月24日至9月2日
