預防季節性流感突襲每年一針保自己和身邊人不鬆懈

Dec 14 2023

經歷3年多疫情後，市民大眾漸漸回復日常生活，今年是政府解除口罩令後的首個冬季，大家切勿鬆懈，預防季節性流感突襲！尤其是小朋友及高風險群組人士，在人多公眾地方要戴好口罩外，更應在冬季流感高峰期來臨前，適時主動接種流感疫苗以加強個人保護，減低因流感併發症入院、嚴重時可致死亡的風險！

小心流行性感冒

流行性感冒是由流感病毒引起的急性呼吸道疾病，高峰期一般在1-4月／7-8月期間，主要透過呼吸道飛沫傳播，患者會有發燒、喉嚨痛、咳嗽、流鼻水、頭痛、肌肉疼痛、全身疲倦等症狀，一般2至7天內都會康復。但流感亦有機會引致如支氣管炎、肺炎、腦病變等併發症，嚴重時更可以導致死亡！接種季節性流感疫苗就能安全和有效地預防季節性流感和其併發症。

真實個案分享同心呼籲接種流感疫苗

對於應否接種季節性流感疫苗，坊間一直有正反不同意見，今次邀請了6位努力守護家庭的媽媽來現身說法，分享帶小朋友及家人接種流感疫苗的真實經歷，大家可參考一下。

康復者媽媽Barry：每年一針好好保護家人

最近開始天氣變冷，Miyuu班入面嘅同學好多都病咗……好在今年學校有安排打流感針令小朋友有足夠嘅抗體保護自己。諗返之前未打針嘅時候Miyuu都病咗幾日，咳得好辛苦，真係好令爸爸媽媽心痛。

之前學校派通告問打唔打流感針先知道，原來小朋友係受政府資助打流感針，有啲仲係免費添，孕婦同50歲以上嘅人士都可以受惠，而家啲病菌咁勁真係要提提屋企人每年一針，早啲打保護自己同屋企人！

Miyuu打咗啦，要保護小朋友同埋屋企人士，記得快啲去打流感針啦！

康復者媽媽April：打流感針才有足夠抗體保護自己

踏入秋冬，天氣轉涼，學校好多小朋友都病，仲記得兩兄妹之前無打流感針，都試過中招，發高燒，無晒精神，當時真係好擔心，所以之後每年我都一定會帶佢哋去打流感針，等佢哋有足夠嘅抗體保護自己。

因為有政府資助，所以6個月至18歲嘅小朋友同青少年、大肚媽媽及50歲以上嘅人士都可以有資助打流感針。只要喺醫健通網站check吓或者睇吓私家診所門外有無張貼「疫苗資助計劃」貼紙，就知道自己睇開嘅醫生有無參與呢個計劃！

為咗保護小朋友嘅健康，快啲登記去打流感針啦！

已帶小朋友打流感針媽媽Vicky：可減低因流感併發症的入院率及死亡個案

天氣又轉冷，幼稚園通告不停都係小朋友中招嘅消息，幸好啱啱帶咗Trisha & Raven去打流感針，等佢哋有足夠抗體保護自己，病少啲，就算中招病情都輕微啲嘛！

打流感針有咩好處？6 個月大至 18歳嘅兒童同青少年打流感針，可減低因流感併發症引致嘅入院同死亡個案，因為流感併發症如支氣管炎、肺炎、腦病變等，嚴重可導致死亡。打流感針仲可阻截病毒喺社區嘅傳播鏈。

有啲私家診所參加咗衞生署嘅「疫苗資助計劃」，小朋友喺呢啲診所可以免費或獲資助打流感針，姑娘仲同我哋講50歲以上嘅人士都可以受惠，你都快啲check吓睇開嘅診所有無參加計劃啦！儘早帶埋家人打針，一齊守護健康！

康復者媽媽Lam Wong：小朋友康復後每年都會接種流感疫苗

天氣開始變冷，身邊陸續出現不少患上流感的消息，不禁回想Ellie 9m 時還沒趕上接種就患上甲型流感那一次：有天晚上突然發燒到攝氏40度，不願喝奶、嗜睡、還一直哭個不停，自此我們每年都會為孩子接種流感疫苗，預防流感，或因流感併發症而入院或發生更遺憾的事！

復活節假期間家裡所有成年人都被流感擊倒，全身疲倦、渾身肌肉痛、發燒、喉嚨痛、咳嗽、流鼻水、頭痛等症狀，輪流躺在床上好幾天不能活動，兩個接種了流感疫苗的小孩依然活蹦活跳，更是深深感受到流感疫苗的功效！

衞生署每年都會推出「疫苗資助計劃」，合資格人士到已登記參加計劃的診所，在2023/24年度每劑季節性流感疫苗可獲政府資助$260，只須在醫健通網站搜索或者診所門外張貼「疫苗資助計劃」貼紙就知道自己的家庭醫生有沒有參與這一個計劃！孕婦、6個月至18歲的小朋友和青少年，50歲以上的人士等都可以受惠！我們的四大長老因年初均感受過流感之苦，本年計劃開始後都已陸續接種了流感疫苗，保護自己同時亦可保護他人！

流感疫苗每年都要接種，為了小朋友的健康，記得帶他們去接種流感疫苗啦！