TVB採訪首映刻意無視AK！直接裁走電影主角譚玉瑛暢談化老妝

Sep 8 2023

MIRROR成員AK江𤒹生首度擔正主演的靈異恐怖片《七月返歸》，早前(4日)舉行首映禮，AK與一眾演員沈殷怡、譚玉瑛、太保等現身，不過《TVB娛樂新聞台》播出嘅訪問片中，疑似強行剪走AK出現的畫面，只剩譚玉瑛同太保的訪問報道，網友發現後不禁笑指非常符合一貫方丈做法！

七月返歸｜TVB娛樂新聞台採訪首映刻意無視主角AK

《TVB娛樂新聞台》播出嘅訪問片中，強行剪走AK出現的畫面。反觀ViuTV的娛樂新聞，他們剪接手法相對大方，一眾演員齊齊整整，已離開TVB的譚玉瑛仍保留在影片中。

七月返歸 ak 《TVB娛樂新聞台》播出嘅訪問片中，強行剪走AK出現的畫面。 — 《TVB娛樂新聞台》播出嘅訪問片中，強行剪走AK出現的畫面。（圖片來源：網上圖片）

TVB娛樂新聞聚焦譚玉瑛同太保 59歲化老妝成話題

由AK擔正的《七月返歸》，《TVB娛樂新聞台》嘅訪問重點就只聚焦要化老妝嘅譚玉瑛同太保哥，至於AK只有出現1秒，就在電影預告之中。網友發現後不禁笑指「非常符合一貫方丈做法！」、「成個報道無AK 」、「盡量剪走副隊長😂」

七月返歸 ak 《TVB娛樂新聞台》嘅訪問重點就只聚焦要化老妝嘅譚玉瑛同太保哥 — 《TVB娛樂新聞台》嘅訪問重點就只聚焦要化老妝嘅譚玉瑛同太保哥（圖片來源：《TVB娛樂新聞台》圖片）

TVB 娛樂新聞台只集中探討譚玉瑛嘅老妝，雖然有引用電影畫面及AK後頸，但係戲名亦「打格」不作報導。 — 娛樂新聞台只集中探討譚玉瑛嘅老妝，雖然有引用電影畫面及AK後頸，但係戲名亦「打格」不作報導。（圖片來源：TVB）

TVB 七月返歸 ak 至於AK只有出現1秒，就在電影預告之中。 — 至於AK只有出現1秒，就在電影預告之中。（圖片來源：《TVB娛樂新聞台》圖片）

TVB 七月返歸 ak 遠鏡都勉強見到AK — 遠鏡都勉強見到AK（圖片來源：《TVB娛樂新聞台》圖片）

《TVB娛樂新聞台》cut走AK版本：

《Viu1娛樂新聞》版本：

《毒舌大狀》阿Dee傍住子華神做宣傳

《TVB娛樂新聞台》裁走ViuTV藝人事件唔止一次，早前由黃子華領軍的電影《毒舌大狀》舉行大型宣傳活動，身為演員之一阿Dee何啟華被子華神欽點「貼身」一齊做宣傳。無綫和子華神關係極度友好，所以當日派出兩隊攝製隊到場採訪，分別在《TVB娛樂新聞台》和《東張+》播出。新一年燒咗「小氣簿」後，《TVB娛樂新聞台》亦開始見到ViuTV 旗下藝人亮相，以為ViuTV一哥阿Dee這次順利登上對家電視台的節目，點知同一個訪問卻有兩個版本。

TVB 七月返歸 ak 阿Dee 這日阿Dee出席電影宣傳活動企在子華神身旁一齊接受圍訪，無綫亦有派人採訪，期間子華神更為阿Dee舉咪收音。 — 這日阿Dee出席電影宣傳活動企在子華神身旁一齊接受圍訪，無綫亦有派人採訪，期間子華神更為阿Dee舉咪收音。（圖片來源：YouTube@ViuTV截圖）

TVB 七月返歸 ak 阿Dee 在ViuTV播出的片段中，有阿Dee接受訪問時的畫面，其表情與動作超級誇張。 — 在ViuTV播出的片段中，有阿Dee接受訪問時的畫面，其表情與動作超級誇張。（圖片來源：YouTube@ViuTV截圖）

TVB 七月返歸 ak 阿Dee ViuTV一哥阿Dee突然躁底，以咪牌舉高個頭來洩憤。 — ViuTV一哥阿Dee突然躁底，以咪牌舉高過頭來洩憤。（圖片來源：YouTube@ViuTV截圖）

Dee哥3秒躁底怒舉咪牌

阿Dee雖然是子華神身邊紅人，但在整個訪問環節中，阿Dee多次被現場採訪記者無視，一時嫌他企得唔夠埋，一時又話個咪牌太低見唔到，搞到平時四萬咁口嘅阿Dee都動怒，即時閃過3秒躁底黑面樣，最後他選擇用超大動作把手上咪牌高舉過頭發洩，希望可以換來更多關注，可惜以上種種行為，無綫的《TVB娛樂新聞台》只出大合照畫面而冇播阿Dee圍訪時的訪問，而《東張+》則貫徹「宗旨」Cut得就Cut，完全裁走阿Dee的畫面，所以想睇原汁原味訪問，就只能返回ViuTV 的官方社交網。