《使徒行者3》三哥苗僑偉27歲子做模特兒拍內褲廣告 網民：寧願睇三哥

撰文：東方新地｜圖片：微博@苗僑偉、苗俊社交網及品牌社交網

三哥幼子拍內褲廣告

三哥幼子苗俊，在加拿大的大學畢業後，留守當地發展事業，在其個人網站自我介紹為一名Visual Designer，範疇廣泛，包括體育、流行文化、hip-hop、流行時尚等等，近日他更撈過界為品牌拍攝內褲廣告硬照，相中的苗俊僅穿三角內褲，有獨照亦有跟幾位模特兒的合照，身材高大健碩，同父親三哥一樣咁型仔！

三哥仔突穿底橫做模特兒 網民將星二代比拼

三哥仔與富貴女友交往多年

苗俊遺傳了三哥的高大身形，16年宣布與富二代女友Jasmine拍拖，不時在Instagram發放閃光彈，看來三哥三嫂已經接納了這位女友。大女苗彤主修心理社會學，2009年曾有傳苗彤獲TVB邀請她參選港姐，不過三哥出面婉拒，雖然父母都是娛樂圈中名人，不過苗彤就無意投身娛樂圈，她熱愛拍攝，遂追夢成為攝影師，近日亦有參與外國電影拍攝工作。

三哥：照顧她一生一世

62歲嘅三哥仲係非常有型，其實從以前開始三哥畀人嘅感覺已經係好瀟灑、成熟穩重，82年苗僑偉同戚美珍合作《飛越十八層》擦出愛火，90年結婚至今已經28載。雖然三哥間唔中都會傳出緋聞，但戚美珍依然相信三哥，三哥接受本刊訪問時曾經講過：「佢 (戚美珍) 為我生小朋友，每個人年紀都會大，樣貌會變，冇理由生完小朋友就丟咗佢，做男人要學識承擔，同你生活咁多年，唔可以半途拋棄佢，結婚時已經係一個承諾，我同太太經歷過好多風浪，一定照顧佢一生一世。」深情告白，難怪兩公婆能夠恩愛如此。

當年嘅三哥同三嫂！

三哥三嫂育一仔一女幸福滿滿

三哥同戚美珍育有一仔一女，大女苗彤已經29歲，盡得屋企人真傳身材非常好，前年仲獲邀成為港姐嘅御用攝影師，前途無可限量。但係曾經傳出苗彤同鄭俊弘擦出愛火，搞到三哥派三嫂睇住囡囡，愛女心切，相信所有為人父母嘅都明白嘅。而囝囝苗俊則長駐係加拿大。