中年好聲音紅白大戰｜五大回合對戰歌單曝光 吳大強李佳上海歌廳鬥唱
《中年好聲音紅白大戰》名單揭曉！蘇永康、JW加入戰團
紅組9位女組員，包括
- 李泇霖
- 曹敏寶
- 李佳
- 龍婷
- 支嚳儀
- 李思林
- 林鉫徫
- 梁鎧庭
- 陳早怡
白組9位男組員包括：
- 周吉佩
- 梁浩銓
- 吳大強
- 羅啟豪
- 顏志恒
- 丁文俊
- 何博文
- 魏嘉信
- 涂家堯
《中年好聲音紅白大戰》歌單預覽！
．蘇永康丁文俊合唱《不想獨自快樂》
．JW助陣與好友支嚳儀同台演出《Diamonds》
．謝東閔與好友曹敏寶合唱
． 支嚳儀，李思林，龍婷，曹敏寶組女團合唱( 初段自嘲係Backpain )
．吳大強吳偉豪父子檔演出《Nothing’s Gonna Change My Love for You》
首個回合：何博文「神還原」古巨基《歡樂金宵》
《紅白大戰》分成五個回合進行比拚，每一回合比賽都有特定主題並以歌名命名，非常有心思。首個回合《神秘嘉賓》已相當好玩，兩隊各派隊員上台模仿知名歌手比賽，當中最有睇頭是何博文獻唱古巨基的《歡樂金宵》，博文聲線與基仔極度相似，Eric Kwok直呼：「好唔舒服，呢個真係太似！扮到出神入化！」紅組則派出龍婷以《夢中人》還擊，唱腔似足王菲的龍婷又能否招架得住？
第二回合主題：《夜上海》
第二回合《夜上海》，一班選手帶大家去到上海歌廳狂歡，白組的吳大強＋ 羅啟豪＋何博文合體獻唱《給我一個吻．Seven Lonely Days》，紅組的李佳＋李泇霖＋梁鎧庭獻唱《玫瑰玫瑰我愛你．Rose Rose I Love You》，大家齊齊以Bling Bling戰衣上陣跳唱，非常吸睛，當中啟豪舞技比決賽時大有進步，獲車婉婉大讚：「有一日會成為跳唱歌手！」
第三回合《最佳拍檔+飛躍舞台》男女團舞鬥
第三回合《最佳拍檔+飛躍舞台》，最吸睛是男女團舞鬥，龍婷＋李思林＋曹敏寶＋支嚳儀合體跳唱《隆重登場》，周吉佩＋顏志恒＋梁浩銓＋魏嘉信以《唱這歌》反擊，對於兩隊精彩演出，伍仲衡大讚：「香港樂壇有救呀，好似睇緊《聲夢》，個個都好似廿幾歲咁。」
第四回合：《把歌談心》鄭國江加持分享音樂故事
第四回合邀來著名填詞人鄭國江擔任嘉賓，兩隊選手輪流獻唱《眼淚為你流》、《你的眼神》、《你令我快樂過》和《信》向鄭國江老師致敬，鄭國江老師還會分享金曲背後故事。
第五回合：總有你鼓勵+越唱越強！吳大強與吳偉豪夢幻合體：算係圓咗心願
吳大強、支嚳儀、曹敏寶和丁文俊，分別邀請了吳偉豪、JW（王灝兒）、謝東閔和蘇永康合唱，當中吳大強和兒子吳偉豪獻唱《Nothing’s Gonna Change My Love For You》最有睇頭，吳偉豪除了遺傳了爸爸的靚仔樣外，想不到他唱功同樣不錯，今次兩父子難得同台，大強心滿意足說：「今次可以同台唱歌，算係圓咗爸爸嘅心願。」
壓軸環節：龍婷、李佳、羅啟豪、周吉佩再較量！
至於壓軸環節，四強選手將會挑戰對手唱過的歌曲進行PK，龍婷獻唱《祝福》、李佳獻唱《如果沒有你》、羅啟豪獻唱《紅豆》以及周吉佩獻唱《我只在乎你》，四位選手表現同樣精彩，張佳添大讚：「四強就係四強，大家都有超水準表現！」最終哪一隊會勝出？密切留意周日晚播出的《中年好聲音紅白大戰》。
肥媽繼續擔正做評判無綫搵埋鄭國江玩致敬
今次火速籌備開拍綜藝節目《紅白大戰》，這個綜藝節目仲要係《中年》班底上陣，組成男女團對戰，無綫為咗令到節目新鮮感，更邀請咗殿堂級填詞人加入評判。此外蘇永康、JW王灝兒、吳偉豪、謝東閔亦會加入戰團！評判團方面，則繼續有肥媽（Maria Cordero）、周國豐、張佳添、伍仲衡，以及Eric Kwok（郭偉亮）。
《中年好聲音登峯之戰》收視勁爆
前星期總決賽《中年好聲音登峯之戰》聲勢浩大，搞埋觀眾投票但係死Server，無論如何都掩飾唔到當晚觀眾高漲嘅氣氛，所以決賽當晚成績非常理想！根據無綫電視公布，跨平台直播收視最高26.4點（170萬觀眾），不單高踞上周榜首，仲創下節目開播以來最高收視紀錄，網絡間討論度都極高，絕對做到全城效應！
《紅白大戰》踩過界組男女團 搶收視撼MIRROR COLLOR
《紅白大戰》內容豐富！節目搞埋男女唱對戰，唔通除咗搶收視之外，仲想硬撼友台天團MIRROR同COLLAR！節目依然沿用《中年好聲音》參賽者班底，12強參賽者全部有份玩，分為「男子組」同「女子組」對戰！陣容方面男子組有吳大強、顏志恒、周吉佩、羅啟豪、丁文俊、涂家堯、魏嘉信、梁浩銓、何博文；女子組則有李佳、龍婷、支嚳儀、曹敏寶、林鉫偉、陳早怡、李思林、梁鎧庭、李泇霖。《中年》節目監製陳俊聲接受曾傳媒訪問，他指參加者由節目26強中挑選，並非正式嘅比賽，娛樂性質為主，當係男團女團咁鬥。
5月7日有得睇！
