中年好聲音︱冠軍周吉佩被指「造馬造出面」先斬後奏參賽曾釀兩公婆嘈大交

《中年好聲音登峯之戰》，第三位出場是周吉佩，他獻唱王力宏的《Forever Love》，吉吉今天發揮收放自如，狀態良好。「鍾鎮濤：「我有聽你同雷有輝首《留住我吧》，令你歌藝都有進步。」周國豐：「本身知道你揀王力宏呢首歌本來替你擔心，但配合咗你把聲，你狀態今日非常穩定。」 張佳添補充：「今日選手表現一個比一個好，吉吉，你條紅色底褲發到作用！」周吉佩在首回合勇奪91分！

節目中周吉佩大唱快歌《跳舞街》，搞到全場歡呼聲同鼓掌聲猶如放題不斷放送。

網友呻「造馬」冠軍周吉佩曾輸畀龍婷？！

比賽後，周吉佩被問到點睇自己「爆冷」勝出，都話「可能係（爆冷）…但我自己冇諗」，又說日後會用自己嘅能力去證明。不過結果公布後，唔少觀眾都湧去TVB以及有關連嘅平台留言，認為周吉佩本身是歌手，加上年紀實在談不上「中年」，甚至認為同樣進入最後三強嘅李佳表現更好，有人已經留言表明，因為賽果不公平、「造馬造到出面」，對下一季《中年好聲音2》再無興趣。

翻查紀錄其實早在節目第5集，周吉佩曾與龍婷對戰，挑戰「兩個只能活一個」，5燈直入，1燈或以下即時淘汰，其他就要接受其他參賽者一對一挑機！35歲嘅周吉佩演唱《 複雜 》未能夠5燈直入，而41歲嘅龍婷演唱《 我最親愛的 》作挑戰，當時雙雙晉級，但網民一面倒讚賞龍婷：

事後周吉佩曾在YouTube 頻道留言答謝觀眾的評價：

大家好，我是參賽者周吉佩（吉吉）。 多謝各位收看這次對賽，大家的評價我都有用心吸收，這次參賽真的獲益良多，尤其我跟龍婷姐姐在賽後互相認識一番，實在好開心，就算輸了也非常痛快，因為能夠跟高手對賽是我的榮幸，大家繼續支持中年好聲音，繼續支持龍婷，如果不介意的話順便也支持一下小弟啦！

周吉佩先斬後奏參賽 曾釀兩公婆嘈大交

周吉佩在過去十餘年一直未有放棄當歌手的夢想，為了一圓心願，去年更瞞著家人參加《中年好聲音》，搞到兩公婆更因此事而鬧大交，周太表示：「曾經反對過佢參加比賽，仲鬧咗好大場交，當時係焗住要接受。」直到周吉佩在節目中與龍婷對戰落敗之後，周吉佩太太才開始被其的真誠和堅持感動到，開始支持其追夢。

總決賽結束後，無綫邀請得獎者及其家人接受訪問。周吉佩的港姐太太黃彥欣重提最初反對老公參賽，但過程中令她改觀：

「佢之前嘅經歷，令佢沉得好緊要，我唔想佢嘥時間，佢真係好堅持，唔敢話我知，就偷偷去報名。估唔到呢個節目令我睇到除咗佢，仲有好多參賽者一齊去追尋一個夢，打動咗我，令我知道，係我冇夢，其實係好多人都有夢。」

港姐老婆唔撐周吉佩發明星夢 1條件平息太太憂慮

除了瞞著家人先斬後奏參賽之外，周吉佩在大女剛出生時，亦曾經在未得到太太同意後簽約新唱片公司。當時大女的出世令家庭開支大增，太太當然反對周吉佩繼續發明星夢，不過周吉佩就承諾對方會在維持正職的情況下繼續追夢，經過一番說服後才能平息太太的憂慮。周吉佩亦曾公開表示感謝太太的不離不棄：

「我做歌手時好失敗，但太太冇嫌棄我又窮又冇出色，就算連份工都冇埋，佢都係好支持我，多謝太太呢10幾年對我不離不棄。」

周吉佩出道前一度患上情緒病 靠太太走出陰霾

周吉佩在出道前已經與好友組成樂隊Space，到不同商場獲機構演出，直到2019年後因隊員的意向不合而決定解散。周吉佩在接受傳媒訪問時，坦言自己因為樂隊解散一事而曾經患上情緒病，並且有過輕生的念頭，幸好每次都有太太在旁支持，助周吉佩成功走出陰霾。

防止自殺求助熱線
生命熱線：2382 0000
撒瑪利亞防止自殺會：2389 2222
社會福利署：2343 2255
明愛向晴軒 向晴熱線：18288
香港輔導及心理學會：WhatsApp熱線 6218 1084
生命熱線：青少年生命專線 2382 0777

周吉佩老婆港姐出身 與王君馨、趙希洛同屆

周吉佩太太黃彥欣原來係2007年度《香港小姐競選》的參選佳麗，與王君馨和趙希洛同屆，雖然最後未能進入決賽環節，但當時表現亦相當亮眼。周吉佩和太太在周吉佩最失意時認識，婚後育有一女一子，平常亦經常於社交平台大曬恩愛，非常幸福。

周吉佩 演唱王菲原唱嘅《 我願意 》，今次吉吉嘅自彈自唱以溫柔打動評審，笑容冧到杜德偉都融化咗！

周吉佩九強戰時自彈自唱陳百強原唱嘅《 畫出彩虹 》，但重新改編卻令嘉賓評審舒文即場要求升Key重唱一段，結果成功晉級。