中年好聲音｜女聲男歌手46歲高菲嚇窒評判 雌雄同體技驚四座獲5燈

中年好聲音3｜46歲高菲女聲獻唱《祝福》原來係男人

46歲報稱是自由工作者的高菲獻出《祝福》，身為男兒身的他留有長髮，最特別的是他擁有一把天籟女聲，一開口便技驚四座！張佳添大讚：「你話係男兒身，你係講真？一個男仔有把咁嘅聲音，係好Amazing！一啲好成功嘅男歌手，通常把聲都係中性、甚至帶點女性化，例如Michael Jackson、周深，呢個係上天賜畀你嘅。」周國豐則說：「作為男兒身，你頭先唱到呢首歌嗰種溫婉，我係嚇咗一跳。」

海選時因為把聲似女仔嘅男性參賽者高菲，就接納評審們嘅建議以女歌手嘅歌出戰，佢又指今次出戰歌係想送畀家人同朋友。而作為前兩季《中聲》鐵粉嘅梁文君，除咗熟讀節目內容外，平日有幫開網紅同唱片公司唱Demo嘅佢，唱功都有返咁上下，佢呢次就揀咗譚輝智嘅一首出戰歌嚟展示自己嘅唱功。

36歲和音歌手 梁文君獻唱《歸來吧》

36歲報稱是和音歌手的梁文君實力不容忽視，獻唱《歸來吧》的她透露希望藉着這首歌唱出嫲嫲的人生經歷，梁文君憑着靚聲和真摰感情獲得好評，曾路得說：「你第一個Pose已經好煞食，一睇就知掂！」張佳添說：「呢首歌你唱到夭心夭肺嘅感覺，畀你帶到入隻歌嘅境界。」巫啟賢同樣大讚：「一睇就已經覺得有戲，人同歌合埋一齊，演出好有驚喜。」

參賽者水準下跌肥媽大感不滿

其實今次《中年好聲音3》大灣區嘅選手喺綵排時因為唔夠信心搞到聲都震埋，表現大失肥媽期望，令佢忍唔住要同大家訓話！肥媽話選手們嚟到香港錄影現場，水準跌咗3、4成，有啲人仲因為緊張而成身震，甚至仲震到走晒音，所以肥媽先會激勵大家。

肥媽所講嘅選手，包括曾參加亞視《亞洲星光大道》的歌唱比賽嘅黃文韜和吳帆，41歲的黃文韜報稱是人力資源行政人員，深情獻唱《祝君好》的他在台上說：「以前參加過比賽，都有少少成績，但返到廣州之後都要生活，所以最終做咗招聘呢Part。」面對熟口熟面嘅評審，黃文韜反而覺得壓力大，覺得有種唔可以衰嘅感覺，對於黃文韜的表現，周國豐說：「今日你狀態唔好，我覺得你比以前有啲啲退步咗。」

38歲的吳帆獻唱《今生今世》由頭到尾好緊張

38歲的吳帆報稱是演唱會場館營運人員，獻唱《今生今世》的他說：「以前參加過比賽，做過幕後又作過曲，後來去咗類似ICAC嘅機構工作咗6年，一路都想做番關於音樂嘅工作，機緣巧合下做咗演唱會場館營運嘅相關工作。」惟吳帆太緊張的關係導致表演有所失準，周國豐說：「你真係要改改，你由頭到尾都好緊張，呢樣係嚴重影響表現，呢個你必須克服，因為呢條路可能有排行。」

39歲姬麗婷撞樣《東張西望》前主持黃穎君

今集再有人有相似系列，39歲報稱是自由工作者的姬麗婷樣子有點像《東張西望》前主持黃穎君，活躍於網絡世界的她不時於抖音平台上載唱歌片，勁吸逾10萬粉絲。姬麗婷獻唱《到此為止》，但是她的表現不太穩定，巫啟賢說：「你成隻歌有時得有時唔得，但至弊係唔知幾時得幾時唔得，你可能係3米跳台高手，但你硬要揀10米，撻死你呀真係！」

撞樣林夏薇選手獻唱《你把我灌醉》

同樣報稱是自由工作者的40歲范夏華獻唱《你把我灌醉》，她的歌聲與歌手G.E.M.（鄧紫棋）似到十足，一開口便先聲奪人，此外她的樣子亦與視后林夏薇相似！

敖綺珊唱法學足杜麗莎 巫啟賢教路：要唱畀自己聽

趙慧瑩《一切也願意》超靚低音獲好評 曾路得大讚：識嘢喎

《中年好聲音3》趙慧瑩想用歌聲向家人證明自己，佢唱嘅《一切也願意》會有啲咩突破呢？希望佢家人可以繼續支持佢呢個夢想啦！