黃博是誰？IG及背景起底《中年好聲音3》「大魔王」！演繹謝安琪金曲獲5燈

黃博撰文感激韋綺珊 大讚導師「盡心盡責」

比賽之前黃博在IG上分享了紅組在Rita老師帶領下的感激之情：

「熟識Rita老師之後，先知佢係一個非常盡心盡責嘅人，每一日佢陪著我哋每一個人練習，傾盡心力，而紅隊每一位都大家互相鼓勵、支持，好感恩可以係紅組。」

黃博提到今晚演唱《傷追人》，好開心可以有機會演唱古巨基嘅歌，古Sir嘅聲線同細膩表達總是打動到人，黃博向偶像致敬得到評審的高度評價！

MVP之戰！黃博《傷追人》演出放膽增加眼神交流

首出場的黃博獻唱《傷追人》，直言「首歌好慘，遇到渣男唔會去嗌交」；她不但以新鮮髮型亮相，唱歌時更多了眼神交流，獲主持車婉婉讚「對眼有火」，形容她像猛獸一樣，用內心力量反擊渣男！劉美君對黃博的演出坦言：「佢望住我同我講佢嘅痛，真係吸住我去聽個故仔，唱得好好聽，感情完全feel到晒。」周國豐點評：「好多時扣分係你第一句，你今日第一句好穩。去到chorus部分個『洶湧』唔係亂咁嚟，將激情部分推到最高點。」

韋綺姍悉心特訓黃博！修正咬字力求完美

導師韋綺姍原來好擔心黃博嘅廣東話咬字唔正，擔憂她發音鬧出笑話，第一句歌詞「本應打九九九可以求助」就練咗好多日，黃博坦言廣東話好難，特別有啲字發音唔係太好；結果黃博得到評審高度讚賞，尤其張佳添就正是大讚黃博成功克服第一句「炒車」失準的慣性毛病。

韋綺姍嗰隊仲有唱歌了得嘅劉洋，亦被執歌曲當中嘅細節，劉洋獲指導下收斂澎湃嘅唱功，要讓人覺得感動。郭偉倫直言自己唱法「比較舊式」，韋綺姍要每字每句同郭偉倫執唱法。

女魔王黃博平凡外表無阻直接晉級 演出獲全場掌聲

《中年好聲音3》黃博選唱高難度的謝安琪作品《我歌故我在》，一開聲就已經感受到嗰種大將之風，睇嚟將來可能會成為中三嘅大魔王！周國豐仲話係佢最喜愛嘅選手！在早前的100強晉級賽中，黃博選唱《先哭為敬》 換來周國豐讚許「是暫時最愛好聲音」，以下是這位超級選手的背景資料：

年齡：36歲
職業：專題主編（曾擔任電影幕後配唱工作）
強項：唱英文歌曲

中年好聲音3 第一個MVP即將登場！黃博獲導師韋綺珊特訓進步神速

黃博原來係「神秘電影配唱女」

主持車婉綩曾透露黃博因為對自己外表欠缺自信，所以一直只敢在行業內擔任幕後工作，「人生36年來做過好多好勁嘅企業，為嘅就係可以在她喜歡的表演行業入面。」在面試時黃博曾演唱《Ain’t No Sunshine》當時已得到節目組認定係今季唱得之人！在自我介紹時，黃博透露自己做過電影幕後配唱，面試時的編號1408的演出片段，即時成為熱搜！

黃博抱病在身 仍然遊刃有餘！

黃博錄影當日雖然抱病在身，但依然狀態大勇，奪得5燈超亮麗成績，直接晉級！黃博選歌《我歌故我在》作賽，無論是海豚式飆高音唱功、真假音及高低音的切換均遊刃有餘，唱出驚人新高度！不但吸引五位評審極速撳燈，還吸引全場掌聲及歡呼聲，評審張佳添投入大叫：「Bravo！未聽過人翻唱呢首歌係成功，亦未見過人夠膽攞呢首歌嚟參加比賽，仲唱得好好聽。」周國豐則直言：「黃博必然係今屆嘅大魔頭，好恐怖呀！」周國豐續指黃博將這首難度極高的歌曲唱得完美無瑕。

半日得到4,800 讚好！網民對黃博有讚無彈

網民對於黃博的唱功同樣有讚無彈，大讚她「天籟之音」，留言：「呢個唔攞冠軍真係無天理」，有網民更指黃博的聲音猶如「絲絨的幼滑」，截至今早10點45分發稿前，半日左右單在TVB綜藝FB，已吸獲逾4,800 Likes、逾30萬點擊次數及300多個留言。

其他選手表現亦引人注目

除了黃博的出色演出，其他選手也有不俗的表現。其中一位選手獲得了四燈好評，另一位則獲得了三燈。任永健在這一集中改唱悲情歌曲，展現了他的多面性，而肥媽對他的表現讚賞有加，感受到了他深厚的情感。周國豐也對他的演繹表示肯定，認為他成功地傳達了《新郎不是我》的情感深度。

郭偉倫獨特演繹引發討論

另一位選手郭偉倫選擇了譚詠麟的歌曲進行演繹。他的表現讓評審驚喜，因為直到他演唱完畢，評審們才意識到原唱是譚詠麟。郭偉倫的獨特風格和個人韻味獲得了評審的高度評價，顯示出他在音樂上的獨到見解和才能。《中年好聲音3》每週日晚上8:30在翡翠台播出，期待更多精彩的表現。