中年好聲音2｜冠軍古淖文真誠認錯 搣甩登台味 出道時狂妄自大 獲1人點醒
古淖文演唱會精彩場面及歌單、嘉賓重溫 澳門連開兩場舞台全紀錄
《中年好聲音2》冠軍古淖文以99分奪冠
古淖文憑99分的高分勇奪冠軍寶座，2009年參加參加亞視第一屆《亞洲星光大道》而得到廣泛認識的古淖文終於成為冠軍，對他寵愛有加的肥媽都起身拍手祝賀。古淖文在得獎後激動落淚：
「我《Desperado》只係試過4個19分，沒試過20分，癡線㗎多謝你哋。一路而嚟，由第一集到今日，我要多謝好多人，我要多謝中年好聲音呢個大家庭，婉婉啦、導師啦、我哋成班同學仔啦、幕後，你哋好錫我，好多謝你哋。同埋，我要好多謝嘅係，香港有好多人開始接受返我，非常多謝你地，Thank you so much。」
古淖文唱《完全因你》回憶人生低潮搣甩「撈味」
參加歌唱比賽入行的古淖文獻唱《完全因你》，他自認過去十分自大狂妄：「嗰時參加比賽冇諗過咁多嘢，點知突然紅咗就覺得自己掂喇，自大嘅性格喺嗰時嚴重咗，當時覺得自己好勁，覺得自己係天王巨星，有個心態係覺得點解人哋會紅過我，明明我都可以上到一線或二線，點解我仲喺度徘徊緊？」
去到2019年，淖文直言是他人生最低潮一年，幸好有一位好友將他從谷底拉出來，他說：
「人未去到絕望時唔會反思，好開心有呢段挫敗令我有機會去反思，只要今日嘅我好過尋日嘅我少少，我就滿足喇！」
感性的淖文獻唱完畢後失聲痛哭，相當感觸，伍仲衡說：
「你今日搣甩咗撈嘢味，開始有一種真摯出嚟，繼續努力，你係我睇到其中一位進步緊嘅。」
古淖文與肥媽好有淵源 《亞洲星光大道》結緣
14年前在亞視《亞洲星光大道》中奪得第5名的古淖文，近日在TVB的選秀節目《中年好聲音2》中有亮眼的表現，早前更憑「妖氣」成功獲得最新一集MVP。回想2009年個個參加《亞洲星光大道》的參賽者都實力非凡，有些順利加入樂壇出唱片，有些則退出幕前轉行，當年的三甲原來發展得並不順利……
古淖文轉戰《中年好聲音2》
出生在澳門的混血兒古淖文，當年22歲已經行「妖艷」路線，最後奪得第5名後加入亞視。亞視倒閉後，擁有葡萄牙血統的他認為操一口流利葡語，就憑接葡語MC工作維生，雖然曾經參加過《中國新歌聲》的海選，但到第2輪Casting就被淘汰。
古淖文奪MVP感驚喜 自覺唔係靠「妖魅」
一直恨加入TVB的古淖文，選擇參加《中年好聲音2》並獲得不俗成績，早前在節目中憑《我要》一曲獲得全場MVP，獲評審伍仲衡大讚「呢首歌好啱古淖文，你個樣真係好妖。」，時隔14年終於憑「妖氣」創出新一片天，不過事後接受訪問時，古淖文就表示自己今次奪MVP其實唔完全係靠妖，而係團體合作的成果，這說法與評判陳慧嫻的看法一致：
「我嘅評選準則係成晚令到我最深刻印象嗰一位，佢帶動咗成隊嘅氣氛！」
