《中年好聲音2》 16強名單！兩女將唱王菲出局 顏米羔賽前失聲晉級
廣告
《中年好聲音2》 18強淘汰賽在12月31日晚上播出，本回合參賽者將輪流獻唱，每位評審最高可以給20分，總分為100分。比賽回合進行時，最低分的兩位參賽者進入危險區，回合結束後，兩位最低分選手將被淘汰。上半場列入危險區的是鄭梓浩 和劉可 ，著名音樂人張家誠繼續替陳慧嫻任「嘉賓評審」，今晚將有兩人被淘汰！
《中年好聲音2 》16強入圍名單兩名女將出局
| 參賽者 | 歌曲 | 分數 |
| 周碧嘉 | 《郵差》 | 77分（出局） |
| 袁思樂 | 《人間》 | 77分（出局） |
| 鄭梓浩 | 《特別的愛給特別的你》 | 78分 |
| 劉可 | 《一千個傷心的理由》 | 78分 |
| 陳俞菲 | 《沒結果》 | 78分 |
| 朱博文 | 《傷追人》 | 80分 |
| 林若盈 | 《追憶》 | 80分 |
| 梁浩賢 | 《追》 | 81分 |
| 陳蒨葶 | 《幸運是我》 | 82分 |
| 王玥 | 《至少還有你》 | 83分 |
| 劉威煌 | 《想你想得好孤寂》 | 84分 |
| 古淖文 | 《完全因你》 | 85分 |
| 沈宗賢 | 《曲終人散》 | 85分 |
| 顔米羔 | 《時代曲》 | 86分 |
| 黃劍文 | 《愛很簡單》 | 87分 |
| 譚輝智 | 《深深深》 | 87分 |
| 陳燕娜 | 《傷痕林憶蓮》 | 88分 |
| 安雅希 | 《給自己的歌》 | 95分 |
《中年好聲音2》 18強淘汰賽 ｜顏米羔獻唱《時代曲》獲86分
愈唱愈強的顏米羔獻唱《時代曲》，他說：「第一次聽呢首歌係放學睇《都市閒情》，聽到之後覺得，點解機會人人有，但我冇呢？」米羔獻唱完畢後，婉婉說：「其實佢2日前失咗聲，佢喺社交平台問我有冇神醫幫佢醫番好把聲！」
評判回應顏米羔
周國豐說：「好鍾意你演繹呢首歌嘅態度，呢首歌係講個大時代嘅小人物，其實係有啲憤怒，你失咗聲之後都唱成咁，值得鼓勵。」伍仲衡則說：「我想講一樣嘢，你成日都好爆，有爆炸力冇問題，但唔識收，你今日識收，係咪因為病病哋？你病病地有着數喎！」
王菲歌曲魔咒？袁思樂《人間》表現欠佳出局
袁思樂選唱王菲原唱嘅《人間》，呢首歌佢唱俾自己兩個女兒，可惜表現欠佳，落入危險區！網友評論「其實唱得唔係咁差 只係其他對手比較強 努力加油」、 「真係估唔到伍sir嘅口味！16分?等於張家誠俾19分王玥」、「揀錯歌，力有不逮，第一句已入得慢咗」！
周碧嘉發揮失準 唱《郵差》落入危險區低分出局
周碧嘉選唱王菲原唱嘅《郵差》，佢呢集以清新形象示人，用呢首歌紀念一段遺憾嘅戀情，可惜發揮失準，落入危險區！
十六強選手誕生，上集跌入危險區的劉可成功「逃出生天」，以低分姿態晉級！
圖片來源：TVB
