中年好聲音2｜ 林若盈歌曲送贈母親車婉婉淚崩 「1對1 PK」淘汰麥素華

林若盈歌曲送贈病母 分享抑鬱症母親故事

今集亦有感人故事，獻唱《時間都去哪兒了》林若盈坦言這首歌是送給患有抑鬱症的媽媽，她眼濕濕說：

「作為抑鬱症患者嘅屋企人，其實有好大壓力，時間過得好快，當我回頭睇我媽咪嘅時候，真係發現佢老咗，想同大家講，就算同屋企有咩誤會，其實係可以好好溝通一下。」

眼淺的車婉婉亦感觸淚目，她說：「情緒病喺香港係纏繞好多人，佢哋屋企人係好大壓力，大家要支持佢哋嘅屋企人！」

《中年好聲音 2》第六部曲先淘汰一人

本回合將分成上、下半場進行，頭5組會率先進行上半場比賽，尾5組則進行下半場比賽。本回合設有「晉級區」和「危險區」，完成 PK 賽後，成績較高一位直接晉級，較低者則跌落「危險區」，上半場將在危險區淘汰一人，下半場再在危險區淘汰一人，綜合上下半場亦會再淘汰一人，換言之本回合總共會淘汰3人！

上半場賽果曝光

今集對戰組合及分數如下：

動感歌曲組別：

1. 《I Hate Myself For Loving You》麥素華（80分淘汰！）VS《失憶周末》周碧嘉（81分晉級）
2. 《瀟灑走一回》袁思樂 （78分晉級）VS《餓狼傳說》曾蜜詩（76分）
3. 《Monica》古淖文（86分晉級） VS《結他》朱博文（85分）

情感歌曲組別：

1. 《時間都去哪兒了》林若盈（79分） VS《Kiss Goodbye》譚輝智（85分晉級）
2. 《心如刀割》安雅希（86分） VS《失戀無罪》陳俞霏（82分）

朱博文獻唱《結他》重提追夢故事

獻唱《結他》的朱博文重提自己崎嶇不平的追夢故事，博文多年前一心打算發展演藝事業，預科畢業後便考入香港演藝學院，同時參加了一個歌唱比賽，但原來學院不容許學生有合約的情況下讀書，博文放棄學業選擇了歌唱比賽，惟最終還是輸掉了比賽，令人生跌落谷底。博文多年後重拾音樂夢，是為了天上的姐姐，他說：

「本身冇再諗過唱歌，但今年 3 月頭，我姐姐離開咗，今次參加呢個節目，我行返出嚟做呢件事，係希望喺天上嘅姐姐睇到會為我而驕傲。」

安雅希 VS 陳俞霏《失戀無罪》自爆失婚變獨身

安雅希 VS 陳俞霏最有睇頭，兩人演唱完畢後都指緊張到手震！以全黑西裝上陣的俞霏獻唱《失戀無罪》，她透露唱這首歌的原因：

「前嗰排經歷咗好多事，導致婚姻失敗等等一系列嘅事，覺得揀呢首《失戀無罪》幾好，其實就算一個人獨身都可以好快樂，希望不負呢個舞台同埋自己。」

陳俞霏坦言今次「打定輸數」，因此唔再唱拿手的快歌，決定「回應網民要求」唱慢歌。選A-Lin的《失戀無罪》，深情的演出又能否為她爭取好成績？