中年好聲音2︱屯門娜娜推薦老公參賽被叮走 52歲顏仟汶排隊報名

屯門娜娜帶老公再現海選

去年都有報名參賽嘅「屯門娜娜」董幸兒，今年就以經理人身份到場，帶老公Dick Cheung排隊報名參賽。Dick透露自己為咗《中年好聲音2》特地重本打造形象，染上一頭紫灰髮色備賽。不過少有面對鏡頭嘅Dick望落非常緊張，經驗老到嘅「屯門娜娜」就叫老公唔好咁緊張，仲話一定會支持老公。不過在面試時 Dick Cheung演唱的《無賴》並未唱完就被伍仲衡和肥媽叮走，似乎入圍機會不大。

《一舞傾城》「Many姐」52歲顏仟汶排隊報名

在TVB熱播劇《一舞傾城》中飾演「媽媽生」Many姐嘅52歲顏仟汶亦有份排隊報名參賽。顏仟汶透露今次海選會唱《蔓珠莎華》，並坦言其實自己一直好鐘意唱歌，今次鼓起好大勇氣嚟報名參賽：「我未入行之前參加過好多次新秀歌唱比賽。我係鍾意唱歌，不過唱得好唔好唔係自己講，所以我都係用好大勇氣去報名，希望等我人生更加豐富啲！話明《中年好聲音》，我宜家都中年喇，仲唔試下咩？」

MyTV Super 賽馬台馬評家都參賽！

編號「1679」的馬可思自我介紹提到自己係myTV super 18台同事，其實佢係 47歲馬評人，選唱黎明《 哪有一天不想你》表現穩定又幾有驚喜！

《全民造星3》十強黃劍文 準備結他自彈自唱

曾經參加過台灣《超級偶像》、《超級巨聲》、《中國好聲音》同《全民造星3》的黃劍文，今日都有到場排隊報名，並透露準備《新不了情》和《我代你哭》兩首歌。身為選秀節目常客嘅黃劍文在接受訪問時指：「其實一直以嚟嘅夢想都係想有一個好嘅平台去發揮，咁我自己一直以來都比賽過好多次，我好想去睇下自己仲有冇進步空間，我覺得人唔係進步就退步，所以仲有團火就嚟啦！」

62歲許志偉︱許志安餅印哥哥 素人出身熱愛唱歌

今年62歲的許志安哥哥許志偉現身《中年好聲音2》海選，不過許志偉一出場並沒有表明自己身份，直到評判伍仲衡指出其單眼皮令他聯想到許志安時，許志偉先點頭承認自己為許志安哥哥。許志偉於家中十兄弟姐妹中排第八，現正在貿易公司擔任文職工作。雖然許志偉並沒有上鏡經驗，但因為熱愛唱歌所以決定參賽。

參賽前曾聯絡許志安 對方卻已讀不回

許志偉在傳媒接受訪問時被問到許志安有否為自己加油打氣，許志偉驚爆雖然曾經聯絡過許志安，但對方並沒有回覆短訊。許志偉為胞弟護航，表示許志安可能太忙，才沒有回覆自己，不過依然感到有點傷心。

62歲呂良國︱呂良偉弟弟 亞視入行超型中佬

呂良偉的弟弟呂良國今日現身《中年好聲音2》海選，身穿黑色西裝，帶上黑框眼鏡，型爆出鏡。今年62歲的呂良國曾在演藝圈發展，為亞洲藝人訓練班第一期的學員，與黃秋生、苑瓊丹等人是同班同學，入行後亦拍過《邊緣十八》等電視劇，不過星途就不如呂良偉順利，後來決定淡出娛樂圈，轉行做保險、貿易等生意。

41歲戚黛黛｜03年港姐季軍畀伍仲衡嫌有懶音

今次海選有唔少往屆港姐參賽，2003年香港小姐季軍戚黛黛都有份報名參賽，於海選唱出陳曉東嘅《心有獨鐘》。雖然肥媽同伍仲衡畀佢唱咗大半首歌，但戚黛黛一唱完就畀伍仲衡嫌佢將「國語」講成「角語」，場面非常尷尬。

40歲過氣童星｜《最佳拍檔》光頭仔王嘉明都有份參賽

被稱為最可愛童星《最佳拍檔》「光頭仔」王嘉明今年已經40歲，一出場王嘉明就同總經理曾志偉打招呼，並且唱出張學友嘅《愛是永恆》。當被問到點解想參賽時，王嘉明坦言：「我今年40歲，我今年嘅演出已經係40週年，除咗想話俾人地聽我係演員，其實我都好鐘意唱歌。」

39歲關伊彤｜02年港姐一開聲就被foul

除了03年港姐季軍戚黛黛之外，02年落選港姐關伊彤都有參加今日海選，一出場就話：「其實我好鐘意唱歌，為入行之前有個經理人，未聽過我唱歌就話我好怕醜，因為佢一句說話就參加咗2002年香港小姐。但係我冇放棄過我想唱歌嘅夢想，所以今年就揀《中年好聲音》畀我自己參加試下。」關伊彤隨即唱出容祖兒的《借過》，不過唱咗兩三句就即刻被foul。

首輪参賽者入面，亦有唔少洋蔥故事，好似其中一位参賽者，透露太太患上末期腦癌，之前《中年好聲音》播出時，佢就曾經問太太如果好似周吉佩咁喺電視上唱歌畀佢聽好唔好，對方當時就話因為知道老公鍾意唱歌，所以一定會支持。