中年好聲音3丨伍仲衡不獲續約評審「1換2」 劇透30強名單疑有重大變數
廣告
《中年好聲音3》最近話題不斷，因為當中嘅常駐評審伍仲衡，疑似搶閘TVB與《校園好聲音– 唱響中國》冠軍洪心怡簽約，導致被「炒魷」冇得留低！日前（15日），《中年好聲音3》就再次進行錄影，新集數將由陳奐仁及黃凱芹加入擔任評審，不過最新陣容就似乎引起網民兩極嘅意見……
陳奐仁黃凱芹拍住取代伍仲衡
陳奐仁接受媒體訪問時透露，他早在半年前就已經收到了擔任節目評審的邀請，不過就因為忙於嘅演唱會以及到外地工作，因此無緣參與節目錄影，更爆笑稱：「節目係咪換人，我就係陳奐仁」。而黃凱芹則表示他是在2個月前接到邀請，而當時並未傳出任何人事變動，因此相信今次只是巧合。不過對於2人將會是「客席」還是「常駐」評審，二人就表示尚未知悉，但亦直言如果TVB再次邀請他們擔任評審，他們都會非常樂意接受。
新評審陣容網民意見兩極
對於創作才子陳奐仁以及「靚聲王」黃凱芹嘅加入唔少網民嘅意見就十分兩極：「好可惜，沒有伍仲衡，節目失色不少」、「冇伍Sir的話個個都五燈了」、「黃凱芹感覺有點自戀+自我，真係適合做評審咩？ 」、「黃凱芹真係有資格」、「新陣容感覺更值得期待」、「早就該換走伍仲衡啦，之前被選手爆料唔專業喎」
《中年好聲音3》30強晉級名單疑有選手退賽
節目昨晚（15日）播出60強第3回合，伍仲衡仍然於評審席上，按賽程應該尚餘一至兩集未播出。而伍仲衡於本月7日接受訪問時曾提到《中3》已錄影至27強，現時由陳奐仁及黃凱芹頂上擔任評審，換言而即將錄影嘅就會係「27強淘汰」，不過60強PK戰後理應剩低30名參賽者，伍仲衡透露嘅27強為止是否代表額外有3人退賽。
