中年好聲音3｜劉洋高水準唱《我是一隻小小鳥》奪97分網上重溫不及李金凱

中年好聲音3｜高水準演唱獲讚係表演唔係比賽

向來聲線雄厚的劉洋，以時而細語、時而感情澎湃的狀態來呈現情感的推進，成功感動現場觀眾及評審，獲得全場如雷掌聲及一致好評，張佳添直頭忍不住尖叫。張佳添：「我又有四個字送畀你，大將之風，你係own咗呢隻歌，呢個係你嘅版本。呢首係好需要技巧嘅歌，但你畀我覺得你唔係炫耀緊你個技巧，而係一路畀緊驚喜我。」肥媽：「佢嘅感情，係真係由一個地上嘅雀仔，飛到去變成一隻大嘅鷹。」黎瑞恩：「我頭先唔覺得係一個比賽，我直頭覺得係一個表演，佢做到說唱嘅感覺。」周國豐指歌曲與劉洋perfect match：「懂得收斂咗，有鋪排，你唔單止唱緊情歌，你仲唱埋你嘅人生。」

中年好聲音3｜史上第二最高分力撼陳芷盈

劉洋嘅演唱除咗獲得評判一致嘅讚好外，更一舉奪得97分嘅高分！劉洋嘅得分更係繼有「中3王菀之」之稱嘅陳芷盈於後，再有選手奪得97分，更是《中年好聲音》系列史上第二最高分，分數僅此於上季古淖文嘅99分！

劉洋澎湃嘅演出亦獲大批網民留言大讚：「完美示範什麼是零瑕疵，每次聽他的表演絕對是享受！」、「呢首歌根本係度身定造，一知道佢唱呢首歌，已經估到必定超高分」、「進入第二段我聽到眼有淚光！劉洋完全是唱出人生故事！」、「簡直是高手表演！」、「又一次示範表演賽」、「頂級高質演繹，歌藝感情表情兼備！」

1個原因「唔配拎MVP」？ 網民意見兩極

有觀眾睇上月對戰時，曾經表示不理解劉洋為何會拎到MVP，主要針對他未曾演講廣東歌曲，更指出：「由開始到現在為止，佢全程都淨係唱華語歌，點解佢有特權唔使唱粵語歌？其他唔擅長粵語嘅參賽者就被逼要苦練廣東話唱粵語歌？點解咁大細超？仲有佢唱歌只得一招，就係mak大嗰喉嚨係度嗌，一啲層次感同細膩感都冇，有幾好聽？呢種唔講武德嘅人，勝之不武！」

網民意見兩極：劉洋確係唱得好

對此言論，網民意見兩極，有網民撐劉洋實至名歸：「問心我覺得劉洋確係唱得好，總之3個90分都值」、「只有劉洋他不用唱其他語言的歌，我也這樣想不公平，但不過他是唱國語很入戲及完美」、「我係同意劉洋係犀利，但係淨係識唱國語歌，我覺得唔配攞呢個獎。」

中年好聲音3｜周國豐爆笑貼劉洋撞樣相

《中年好聲音3》嘅評判周國豐日前（16日）在個人社交平台貼出劉洋嘅FaceBook頭像，更配文表示：「我一直覺得佢有D似一個⋯⋯直至我見到佢嘅FB⋯⋯唔通連佢都覺得自己似多啦A夢嘅胖虎 」仲引來劉洋本人爆笑留言：「周老師，胖虎給您唱歌。」

中年好聲音3｜劉洋奪MVP最感謝呢位

唱功獲讚越嚟越出色嘅劉洋其實早於「導師分組賽」下半場賽事時就奪過MVP，當時劉洋亦在社交平台發文大談感想，更於文中感謝恩師韋綺姍：「知道我們進出香港有難度，她帶著師兄妹們到深圳幫我們指導練習」、「我們錄了練習的小樣發給老師，她總是第一時間就給我們回復，我們到香港的時候還特意調整時間給我們上課，陪我們練習到很晚。」感謝佢以專業歌手的標準訓練自己。