中年好聲音3｜大灣區選手輪流失準！5燈潘紹麟衰多口差啲得罪評審

潘紹麟5燈歌聲感情豐富

獻唱《那誰》的潘紹麟憑着一把磁性煙嗓成功俘虜一眾評審，惟比賽完後他表現亢奮，得意忘形地瘋狂搞Gag，豈料此舉惹來評審巫啟賢不滿，巫啟賢更一度撳熄自己盞燈後說：「你要做一個歌手講嘢時係要收，因為一個歌手要留啲空間畀人欣賞佢嘅沉默、氣質，你唱完首歌我仲喺首歌嘅情緒入面，但你一講嘢我就想撳走呢盞燈，你一開口就破壞晒！」

潘紹麟衰太多口！得罪觀眾&評審

其實現年38歲報稱是網絡主播的潘紹麟值得大家關注。潘紹麟參加不過少大型音樂選秀節目，如《快樂男聲》、《中國夢之聲》、《中國好聲音》等，自言是「比賽專業戶」的他今次再參加比賽是希望圓夢，他說：

「有一段時間覺得參加比賽好難， 之後去咗做酒吧歌手，因為要先生活後理想，冇再做酒吧歌手之後，就去咗做直播，就咁一個人空房間對住一個鏡頭，成個傻仔咁喺度講嘢，我嘗試過萬人舞台，亦都試過喺酒吧度得兩張枱，落差感都好大，今次趁住男人四十之前，希望喺唱歌呢個夢想上發光發熱，圓自己心願。」

網民評價： 「呢位參賽者一定要感激巫sir一針見血指出弱點. 有實力但無內涵，吾會長久」

「鬧得好，唔講野好過， 一開聲成首歌打殘左氣氛。好似突然變棟篤笑咁款， 巫啟賢好野，一針見血」

「巫老師鬧得好，話太多，令人厭煩！ 雖然是五燈，但失了觀眾缘，看看另一位五燈選手王鄭浚仁的賽後表現，高下立見！」

「的確一開聲講說話，我已經想關電視！失了觀眾緣，唱得好都無法走下去！」

「巫啟賢相信係史上首個俾燈後想熄番燈嘅評判 ，好搞笑但又教訓得好啱，歌藝值五燈但說話不懂收斂…希望這參賽者以後更專注於歌曲上，能改善賣弄口才，小聰明這些缺點」

「中2生」尹新杰老友杜閱出賽《我和春天有個約會》只有一燈

中2生尹新杰都有嚟到現場觀戰，因為有佢嘅老友杜閱出賽。 杜閱話自己係因為睇到尹新杰發嘅朋友圈而知道《中年好聲音3》嘅賽事，如果唔係睇到自己都唔會參加，佢又指喺呢次比賽入面，尹新杰畀咗好多鼓勵自己。尹新杰指平日會成班朋友一齊唱K，而杜閱就係其中一員，所以亦因為咁知道對方鍾意唱歌。 身為評判嘅巫啟賢，呢日就教官上身親自教林立峰點樣透過身體嘅律動去唱歌，期間身為主持嘅車婉婉仲睇唔過眼要出手去搖晃林立峰，婉婉最後仲因為肉緊得滯，拍對方後背拍得勁大聲。

伍耀東斯文柔情演唱 感激妻子支持催淚評審

第二位值得留意的參賽者是39歲的伍耀東，現在是一名博士學生的他曾從事銀行工作7年，後來毅然辭職追尋音樂夢，在酒吧Busking時還認識現在的老婆，他說：「因為疫情關係，我冇咗工作，之後去咗考星海音樂學院研究生，當時我係冇任何收入，好話唔好聽，我可以講係食軟飯，我能夠完成呢個學業，係靠我老婆支持我，真係好多謝佢（哽咽）。」

巫啟賢教訓伍耀東：有呢熱情好重要、但要分清楚咩叫夢想

伍耀東獻唱《你是我的眼》，其真摰演出大獲好評，對於伍耀東的經歷，巫啟賢說：「有呢個熱情好重要，但要分清楚咩叫夢想，夢想係可以做幾多年？如果你靠呢樣嚟搵錢，佢會變成你一生噩夢，人生每個階段嘅選擇只得一次機會，呢樣嘢留番畀你慢慢諗。」

「美麗40路」歌唱選手陳嘉琦

今集有大灣區顏值擔當出場，她便是40歲的網絡歌手陳嘉琦！陳嘉琦2005年曾參加過內地選秀節目《超級女聲》，獲得廣州賽區第5名及全國25強，更被封為2005「 超女五大美女」之一！陳嘉琦當年其實已經簽約做歌手，惟爸爸反對認為讀書比較重要，解約後陳嘉琦北飄了8年，她哽咽說：

「個過程都幾辛苦，因為冇人幫你，咩都要靠自己衝去前面，覺得好攰，不知不覺飄咗7、 8年，2013年就返深圳，返嚟呢10年都有做音樂，但因為要生活，所以都有做副業。」