中年好聲音3｜林立峰唱林保怡金曲被淘汰 連環大晒「愛妻宣言」

林立峰選唱《兒女》全因老婆無限翻煲《金枝慾孽》

值得留意的是，林立峰的演唱雖然有不少進步空間，但他的愛妻程度絕對超班！首先，他選唱林保怡的《兒女》是因為太太愛無限翻煲《金枝慾孽》：「我老婆翻煲《金枝慾孽》翻咗五、六round之後呢，我就問佢做乜成日睇埋啲勾心鬥角嘅戲，點知當我企咗喺個電視前面五秒鐘，我就畀佢啜實咗，我唱呢首歌時代入咗（自己係）太監。」車婉婉聞言笑言：「你咁樣兜個圈嚟擦公司鞋（讚啲劇好睇），會高分啲架咩？」

林立峰展現愛妻之情 和聲陪伴

最後到發表淘汰感言時，林立峰再次盡展愛妻之情，並令坐在觀眾席的妻子感動至哭成淚人：

「我要多謝我老婆，每一次練歌佢一定喺我隔離，佢會堅持喺我隔籬唱和聲，其實佢唔識唱和聲嘅，佢一直唱緊第二首歌，但我都多謝佢，多謝你！」

林立峰有靚聲但無力 代入「太監」角色演唱失準

林立峰有靚聲但眾評審都覺得佢唱歌無力，早前佢唱嘅《祇有你不知道》有幾無力呢？曾路得希望佢可以做多啲運動練力，車婉婉為助攻即場體罰式教育。今次選唱《兒女》就被指「揀錯歌」，他自己亦打趣分享賽後心聲，笑指「唔戴帽就瀨嘢啦！」

林立峰事後分享心情 自知水平已到極限

「其實我心知我嘅水平就到呢度嘎啦，
特別係我接觸過幾位大魔王之後，
唱歌又好，人又超級nice，
後面先知佢地個個都甘猛料，
而且人又謙虛低調，
上電視仲多過我唱K，
我自從二十年前參加過汕尾地區上陳村嘅
《我是學友》比賽之後，
就無參加過歌唱比賽啦，
俾我符箓到24強，
真係無遺憾可言。

我是幸運的，
幸運在我比電視機前的朋友們都可以更近距離
甘欣賞到各位參賽者的歌藝，
特別係綵排的時候，大家更放鬆，
出來的歌聲更加悠然自在，係人生的一大享受，
如果佢地辦演唱會，大家一定唔好錯過啊！
同時我亦感受到不同地區對唱歌藝術的理解，
真係大開眼界！
參賽最大嘅收穫唔單止係踏出實現夢想的腳步，
而且仲認識一大班志同道合的朋友，
雖然比賽前大家素未謀面，
但係認識之後，講起嘢嚟竟然可以甘投契，
可能這就是中年人的互相體諒和包容吧，
真希望大家以後還有機會一起唱歌演出！ 」