中年好聲音3｜肥媽不介意被封「長明燈」車婉婉狂煲逾200段影片
廣告
《中年好聲音3》今輯雖然加入了海兒作評審，但主要仍然係《中年》開播以來四位「鐵腳」評審肥媽、張佳添、周國豐、伍仲衡加上主持車婉婉，今次製作組專訪了幾位評審及主持，分享自己對節目感受和「音樂態度」，其中肥媽就正面回應無篩選「長明燈」的態度。
主持車婉婉狂煲逾200段影片做足功課勁專業
Working Mama婉婉，做主持越做越好，有咩秘訣同心得? 專訪影片中，車婉婉則自認是一個「冇嘢覺得自己做得好」的人：「Unless好好地做晒功課，例如中年，我會煲晒200幾條片，就算睇少5個人，觀眾都會知道。」
肥媽不介意被封「長明燈」：參賽者能夠跳出comfort zone參加，嗰盞燈唔值咩？
當中換了一頭Cute爆齊蔭髮型的肥媽，談到自己因幾乎給每位參賽撳燈，而被伍仲衡形容為「長明燈」一事時說：「《中年好聲音》要經過好多嘢，家庭、隔籬鄰舍、屋企人、同事，識與唔識嘅人，好多嘢要交代，能夠跳出comfort zone參加，嗰盞燈唔值咩？」周國豐指從前的自己，會裝作開心去完成一件事，如今人到中年則改變了態度：「我完全隨心，開心同唔開心冇得呃。」
新評審海兒：「歌聲超越時間」
周國豐人到中年換態度—忠於自己感受
周Sir做評審特別嚴格，原來佢對自己要求一樣咁高。
伍仲衡 ：音樂永不停歇
伍Sir講普通話可能好普通，但佢講日文就Ichiban，做咩都咁有Passion!
網友支持伍Sir：「我支持你，你做人好真實，真正踏在音樂是一生的感覺」
張佳添 持之永恆
添Sir完美示範，咩叫Less is More。活在當下，就係佢嘅人生態度。
肥媽曾經拎張佳添兩段婚姻狀況做比喻
去年有參賽者「賣慘」揀錯歌變最低分跌危險區，肥媽在節目中拎張佳添離婚作比喻，狀況極尷尬，因為肥媽在評價沈宗賢揀錯歌時，就以張佳添離婚作為比喻，令到場面甚尷尬！現年53歲的張佳添於1998年與香港填詞人及作曲家黃敬佩結婚，二人婚後育有一名女兒，但於2012年離異。他其後認識了澳洲籍女友張佩詩，二人婚後育有另一名女兒（2013年出生），現時亦已離婚，去年張佳添被指得在街頭與長髮女子咀嘴，十分肉緊，似乎又有新戀情。
圖片來源：TVB
