林峯尷尬解說《尋秦記》「唔會搵返嚟睇」 多謝古天樂：戰戰兢兢
林峯重提《尋秦記》認識古仔：真係有戰戰兢兢
大家見到林峯同古仔，少不免會諗返起經典劇集《尋秦記》嘅趙盤同項少龍。林峯就話佢同古仔喺現實生活中繼續係亦師亦友：
「好開心好慶幸入行嘅時候識到古仔，嗰陣時就真係有戰戰兢兢嘅感覺，嗰陣時咩都唔識，而家佢都係我老闆，佢一路都好照顧我同埋對我影響都幾大，俾咗好好嘅榜樣，我亦都現場拍攝嘅時候都可以畀到好寶貴嘅意見我，令到我喺大銀幕嘅嘗試，創作角色有更多嘅可能性。」
林峯提起《尋秦記》有啲尷：點解要睇返呢？
林峯近日接受TVB娛樂新聞台節目《StarTalk》專訪竟大爆唔敢睇返2001年作品《尋秦記》，主持人王鎮泉接著追問「咁耐以來有冇睇返自己尋秦記嘅作品？（林峯面露尷尬回答：點解要睇返呢？）仲係冇睇呀？（冇啊其實。）」林峯補充，會睇返自己最新嘅作品：
「睇吓當時自己諗嘅嘢，對角色嘅理解係咪真係可以喺畫面度表現出嚟，冇得話借鏡，但呢個必經階段，算係個基礎訓練。」
《尋秦記》電影版預告片2021年流出 上映日期至今成謎
穿越神劇《尋秦記》是不少的人集體回憶，主演的古天樂對原著作者的崇拜及對該劇的情意結，令他買下版權，兼親自邀請原班人馬前年開拍電影版，拍攝過程一直相當保密，角色造型從未公開，不過2021年首條預告片在內地意外流出，除了主要角色曝光外，還有預料不到的角色驚喜登場，令人相當期待。
《尋秦記》17秒預告片曝光
流出的《尋秦記》預告片長17秒，一開始播出是古天樂飾演的項少龍對住林峯飾演的嬴政講：「你可唔可以放過我一家人？」而嬴政兇狠決絕咁答：「如今是你家鄉的人不放過寡人﹗」
林峯與古天樂對話後，一眾演員閃現，出場的有郭羨妮、宣萱及滕麗名，由於故事是發生19年後，女角都配合劇情現老態。
古天樂透露演員一樣身份或不同
19年古天樂帶領一眾《尋秦記》主角出席《影視博覽2019》宣布電影正式開拍，古仔坦言要召回原班人馬演出「仲難過儲閃卡」，至於大家關心的劇情，古仔話：「故事會發生喺19年後，秦王統一六國，之後可以發生好多事，有好多創作空間，故事有穿越劇情，所以會融合科幻元素，講19年後的事，最大好處係唔使化妝﹗」古仔又透露雖然演員一樣，但身份可能會有不同，愈講愈多懸念，古仔最後只肯透露電影版跟電視版相同的是項少龍有個兒子。
鏡頭一轉到飾演善柔的滕麗名掌摑飾演嬴政的林峯。
驚喜角色陸續現身
《尋秦記》電影版預告片中見到飾演陶總管的歐瑞偉，網民大叫有驚喜，而在電視版死去的雪兒亦有現身，預告片中的她是時裝扮相，未知是新角色還是「翻生」演出﹗另一驚喜位是在電視版飾演首富李小超的鄧一君，和飾演烏博士的廖啟智亦有出現，這兩個角色在劇集中穿越有著契機作用，前者是帶項少龍穿越時空，後者是時空旅行的揸弗人。
項少龍、嬴政仇恨加深
之後再返回古天樂與林峯的對談當中，項少龍話：「萬一搞唔掂佢嘅，連佢都殺埋﹗」畫面見到嬴政用劍狠狠刺向項少龍，相信是把19年前電影版《尋秦記》的恩恩怨怨延續到電影版。
《九龍城寨之圍城》林峯新形象有突破
林峯一直以來給人的感覺就是行斯文靚仔路線，Chok到盡！今次在《九龍城寨之圍城》中飾演難民「陳洛軍」一角，不少網民在入場前都對林峯擔正男一有啲擔心。不過結果卻令人刮目相看，林峯在電影中撇下過去的形象，每場打鬥戲都拳拳到肉、非常瞓身，獲網民大讚打鬥場面都好有睇頭。此外，林峯在劇中將一開始被欺負、無視，再為自己打出公義的情感發揮的淋漓盡致，表現非常好！。
網民大讚：今次可以真正上位！
今次林峯脫胎換骨，成功憑演技撇除20年的電視味，獲網民一致的好評：「林峯唔紅天理不容」、「下年會唔會係林峯影帝」、「希望林峯今次可以真正上位，做港產片新一代男主角」、「從亞太區影帝到真正影帝」等。同時亦有網民認為今次古天樂退守配角，成功令林峯有機會上位發揮。
