阿儀遭質疑智商爆粗回應 Band 1出身唔啞忍 ：「你去X街啦」
阿儀開見面會遭人身攻擊 爆粗回應
「亞視一姐」阿儀的個人單曲《一加一等於阿儀》成績理想，阿儀就繼續食住個勢，準備在父親節推出新歌之餘，又於星期日（5月21日）舉辦粉絲見面會。不過有網民在社交平台留言對阿儀作出人身攻擊，指阿儀講嘢唔經大腦，質疑其智商：「其實你應該去返庇護工場工作，你根本智商有問題，我行我素都唔會好似你咁，你話你d fans話你似譚嘉怡，請問你d fans係咪同你一個工場認識，你咁樣講出黎唔係你自己都覺得靚過譚嘉怡，好心你講嘢用下個大腦啦！」網民鬧得咁狠，但阿儀都唔係嘢少，即刻留言爆粗回應：「你去X街啦」。
元朗Band 1名校出身 校友多為社會上層
眼看阿儀被網民人身攻擊，其他網民都紛紛留言為阿儀發聲：「阿儀間中學係元朗區內排第1，連天水圍全區都爭相誇區去讀。」、「唔好蝦阿儀，佢有佢風格」、「佢同學都係社會上層, 維基百科有阿儀中學的校友名字及公職」
據指阿儀2002年畢業於新界鄉議局元朗區中學，該中學為元朗一間Band 1官立英文中學。校友的確與網民說講有唔少於官商界發展，連香港有線娛樂有限公司總經理余詠珊、電影編劇陳文強和演員陳錦鴻等人都係阿儀校友。
新歌上架一個月破百萬 被封為「洗腦神曲」
阿儀新歌《一加一等於阿儀》MV於清明節上架。阿儀新歌一出即被指是「洗腦歌」，歌詞及舞蹈動作均非常易記，令網民留下深刻印象，MV上架一個月就已經破百萬，成績非常好。MV裡面見到阿儀喪換造型，網民都睇到洗版表示好鬼震撼：「阿儀 啲衫好靚，係咪係元朗街市買？」 、「好大膽有粗口歌詞！會唔會同LMF合作架？」、 「丫儀仲靚過Jisoo 」 、「第一眼仲以為collar出新歌！」
富貴戴15萬勞力士IG拍片狂賀
早前為了慶祝MV點擊數破70萬的佳績，阿儀特登穿上粉紅色少女心爆發的連身裙拍片謝票慶祝，其中追值得注目的是阿儀今次的化妝師Eden在IG上公開了幕後花絮，可見阿儀一個「埃及妖后Style」髮型，再配上一條綠色連色裙以及黃色外套，幾咁Sharp醒。不過最令人聚焦的便是阿儀右月所佩戴的手錶。該腕錶為Rolex勞力士出品的Submariner潛水錶。
炒價近15萬！
由照片可見，相信該錶是Submariner的綠圈錶款，亦是外界常稱為「綠水鬼」的長青錶款。而該手錶在Rolex當中一直都是熱賣款式，對比另一隻「綠綠」錶面的Submariner，呢隻「綠水鬼」目前炒價坐落於14萬至15萬左右。
非由佢所擁有？！
但是值得留意的是，阿儀平日的衣著都較為簡單樸素，鮮少會見到有名牌出現在阿儀身上，就連出鏡率極高的Longchamp手袋都係由賴主席（亞視前執董）所贈送。相信呢隻「綠水鬼」很大機會只是拍攝道具，而並非由阿儀自己所擁有。
