佘詩曼新年驚喜孖MIRROR拜年 獲激讚48歲凍齡靚樣做女友都無問題
廣告
現年48歲的佘詩曼，自去年《新聞女王》播出後，人氣一路飆升，仲拎埋「三料視后」認真厲害！而作為大忙人的佘詩曼就趁過年抖抖兼拜年，而今年阿佘去拜年的陣容更係出乎大家的意料之外……
佘詩曼新年驚喜孖鏡仔拜年
早前佘詩曼趁住過年到好友吳君如家中拜年，在她的拜年行程中，更遇到當紅偶像組合MIRROR的成員呂爵安（Edan）、柳應廷（Jer），以及ERROR的成員梁業（肥仔）、何啟華（DeeGor）、郭嘉駿（193）。
一班年輕偶像仲即刻超熱情圍住阿佘合照！而阿佘亦展現出她的幽默感，仲擺出嬌羞的表情，場面十分搞笑！
網民大讚佘詩曼靚樣超凍齡
佘詩曼與眾人的合照一出，隨即變引來不少網民留言，大家除了對這個組合感到超級新奇外，不少人更留言大讚阿佘的凍齡靚樣：「阿佘個樣young到可以做Edan女友」、「阿佘當堂年輕咗」、「竟然係Edan同man姐！」
