新聞女王｜佘詩曼自爆回巢拍劇原因 提起內地真人騷怕怕

佘詩曼自爆返TVB拍劇主要原因

自從離開無綫後，一直將事業重心轉移內地的佘詩曼，今次落實正式回巢接拍無綫新劇《新聞女王》與馬國明、李施嬅和高海寧等人鬥戲。當被問到為何會突然回巢拍劇時，佘詩曼坦言劇本好是最主要原因：

「因為個劇本好，係做新聞報道員，講辦公室政治嘅。（係唔係少拍呢啲？）未試過啦，同埋個劇本係好嘅，同埋我覺得係有得發揮嘅。」

相關文章：李施嬅回 TVB 拍劇救收視 飾演「惡女」與佘詩曼大鬥演技爭做一姐

Do姐關心「飛紙仔」狀況 阿佘視作享受

已經離開無綫的Do姐，就對無綫拍劇方式甚表關心，更問到佘詩曼怕唔怕劇本會「飛紙仔」，阿佘提到自己最喜愛的作品《天與地》亦有此狀況，當時只能信任對方的創作：

「拍《天與地》時我都知道故事大綱，但第一集時我都係開拍當日先收到劇本，另一邊還在拍賀歲片，大家下晝放飯時，我就拿著劇本去投入葉梓恩的角色。」

向來做事嚴謹的Do姐就反映，不少藝員都難適應這狀況，「飛紙仔」實在難以經營角色，不過佘詩曼似乎仍視作挑戰，即使當年監製戚其義及編審周旭明難改「飛紙仔」習慣，也不太介意願意配合。

曾因自己演技太差而爆喊

今次專訪 Do姐跟佘詩曼回顧入行26年的點滴，提到1997年贏得香港小姐季軍後，佘詩曼開始在演藝圈發展，一開始並沒有演戲底子的她，在誤打誤撞的情況下接拍了第一套劇集《雪山飛狐》。佘詩曼憶述當年外界一直指她「雞仔聲」、「演技差」，自己在拍攝喊戲時亦因為自己演技太差而爆喊：「我嗰陣要拍一場喊戲，講到陳錦鴻係到喊曬，但我就係到笑喎，導演叫我睇playback嗰陣，我一睇就覺得我自己做得好差，跟住好想喊，覺得好醜啊。」佘詩曼仲話自己一喊，導演就叫自己埋位，順勢完成埋場喊戲；結束後就叫佘詩曼記住當下情緒，希望能夠對她下次拍攝喊戲時有所幫助。

入行26年最滿意「呢兩套劇」

當被問到是哪一部作品令佘詩曼開竅時，佘詩曼毫不猶豫表示有兩套劇集令她重拾對演戲的信心：「第一部就係《十月初五的月光》，佢係令到我有返信心，因為好評啦，個人有啲信心之後，之後就咩都做得順利啲同好啲，起碼自己會有心機做戲。」

佘詩曼亦提及到第二部令自己「開竅」的作品是《酒是故鄉醇》，她憶述當時自己特登求「珍姐」曾勵珍俾自己參演該劇集：「我嗰陣就話『你俾我做啦，你考慮下啦，我唔會令你失望㗎。』咁佢就真係俾咗嗰機會我，我嗰陣就覺得呢部戲之後，我係所謂開竅咗，因為實景拍攝好真，唔係喺嗰廠到拍，個感受唔同，演繹都會唔同。」

憶做主持壓力大到瘦6磅

佘詩曼在訪問中亦提及到演員以外的經驗，她表示港姐卸任前做過主持，搞到自己壓力大到瘦6磅，所以以後都唔敢再挑戰做Live主持：「我嗰陣要做《歡樂滿東華》主持，我直頭因為呢件事瘦咗5至6磅。因為係Live，所以我由沖涼、搭車、行路都已經係背曬啲稿，雖然背到滾瓜爛熟，但係都係好驚好驚。驚到我做完之後打返俾經紀人，同佢講『你可唔可以幫我記喺你電腦到，我以後唔做主持，我真係好大壓力啊』」，搞到Do姐都忍唔住大笑！

自爆頂唔順大陸真人騷拍到自己冇著褲

佘詩曼亦分享曾經試過有大陸真人騷拍到自己冇著褲：「我試過拍過一個監察式24小時嘅節目，個次我癲咗啊，我覺得我唔可以再做呢種節目，我承受唔到。我試過換衫都唔記得咗，唔知道出面走廊有部機，我就喺房門行出去，但我下半身係短褲仔，咁跟住我咪即刻同佢地講我冇著褲，我諗以後都唔會再拍呢種節目，頂唔順。」

一起睇佘詩曼的電台訪問：

&t=607

佘詩曼提及到拍攝內地真人騷嘅辛酸史！