《使徒行者3》勁老尷三哥講解劇集時間設置直指黃翠如整過容全場靜晒

Oct 20 2020

《使徒行者3》黃翠如竟被三哥苗僑偉直指「整容」，事沿《使徒行者3》早前開播，無綫為隆重其事特別請來一班主角與觀眾玩live chat，出席包括三哥苗僑偉、馬國明、袁偉豪、黃翠如、黃智雯、蔡思貝和張振朗等。期間餘演卓凱的三哥，講解《使徒行者3 》的時間設置時，竟向黃翠如爆出一句「仲整埋容」，原本歡樂的氣氛下，全場當堂鴉雀無聲，翠如亦急急解釋，尷尬非常。

撰文、圖片：東方新地

《使徒行者3》黃翠如周旋三哥袁偉豪之間

在《使徒行者2》，黃翠如飾演的臥底梅姐一派活潑未夠成熟，但《使徒行者3》的時間設置已屬《使徒2》的十年後，一眾主角接受《使徒行者3》開播live chat訪問時，三哥指自己已經卓Sir變成凱哥，因為他在《使徒行者1》槍殺了由鍾景輝飾演的宋先生，坐完監出來已非警察，而梅姐則繼續與天堂哥(袁偉豪飾)續前緣，冇咗前男友周柏豪，梅姐會否最終情傾天堂哥仍是未知之數，不過當日live chat，三哥講到劇集時間設置時，便謂：「時間係《使徒行者2》的約十年後，梅姐周遊列國返嚟，仲整埋容！」此言一出翠如即煞停三哥，全場即時靜晒！

《使徒行者3》三哥講解劇集時間設置直指黃翠如整過容 — 一眾主角撐《使徒行者3》開播。

兩輯《使徒行者》黃翠如面容比拼

《使徒行者3》播到第14集，黃翠如的戲份不少，還涉及2009 – 2019年間的轉變，有網民將兩輯「鄭淑梅」的面相做比拼，角色的氣質同演繹的確係唔同咗：

夫妻齊齊重手執靚吸客臉形五官再進化

轉眼結婚兩年的蕭正楠黃翠如，婚姻生活甜蜜美滿之餘，幸福人夫人妻身份，更帶挈二人賺錢能力爆升，翠蕭繼陳豪陳茵媺後，成為無綫首席賺錢夫妻檔，婚後成為搶手貨，為咗唔失禮客戶，二人容貌亦再進化。有眼利網民發現夫妻同時臉形五官再進化，逆齡生長容光煥發！本身係女神 BB的翠如，更是蘋果肌激凸，鼻樑筆挺兼驚見蝦餃下巴， BB女神變鬼妹女神，身旁42歲的蕭正楠亦回春有法，昔日闊面形緊緻提升，由老蕭變嫩蕭，婦靚夫隨，夫妻齊齊重手執靚吸客！

14年拍《師奶Madam》擦出愛火，不過當時兩人塊面都有肉地，笑起來雙眼有自然的表情紋，人愈大反而全消。

翠如驚見木偶鼻 BB進化女神5.0

38歲的黃翠如，當時生日在阿Bob（林盛斌）的九龍塘寓所搞party，同大班朋友一齊慶祝，連過氣情侶唐詩詠、洪永城亦激罕同場，加埋馬國明鐵三角非常耀眼，不過點搶都唔及逆齡再進化的壽星女翠如搶眼，當翠如拉隊同好友們吹蠟燭時，就輪廓鮮明五官精緻，似足鬼妹仔，在眾星之中特別有光芒，非常吸睛。

而夫妻檔孖住出席超市活動，兩人緊緻臉容令人眼前一亮，瞬間成為焦點，翠如靚樣加倍突出，蘋果肌變激凸，更多埋個蝦餃下巴，連鼻樑亦升高，不過，翠蕭重手執靚樣，好快便引起網民熱烈討論，甚至有網民覺得翠如側面個鼻好突出，似足之前被指有木偶鼻的楊怡！

2 年由有線轉投無綫旗下開始受重用，黃翠如同洪永城拍檔做旅遊節目，當時向來纖瘦的翠如仍然有啲包包面。 — 由有線轉投無綫旗下開始受重用，黃翠如同洪永城拍檔做旅遊節目，當時向來纖瘦的翠如仍然有啲包包面。

在無綫劇接劇， 15 年輪廓開始鮮明，女神路正式開始，被網民封為翠如BB 。但畢竟年過三十，眼肚眼紋明顯。

去年黃翠如容貌又有變化， 18 年中秘嫁做人妻的她，蘋果肌飽滿，眼袋眼紋消失，成為逆齡生長新娘子。 — 18年黃翠如容貌又有變化，秘嫁做人妻的她，蘋果肌飽滿，眼袋眼紋消失，成為逆齡生長新娘子。

翠如近期便重手執靚，連鼻樑亦升高，網民指翠如驚變楊恰的木偶鼻！ — 拍《使徒行者3》期間翠如被指重手執靚，連鼻樑亦升高，網民指翠如驚變楊恰的木偶鼻！

蕭正楠返老還童齊齊變靚吸金

老婆愈變愈索， 42歲的蕭正楠當然要跟住學，夫妻同心其利斷金，兩人疫情前逆市成為廣告客戶搶手貨，除咗單拖演出及拍廣告，合體賺錢工作亦愈來愈多。

▼ 近日忙於趕拍新劇《愛美麗狂想曲》的蕭正楠，日前在中環開工，不時要在樓梯跑上跑落，不單冇喘氣體能甚fit，近睇仲皮光肉滑兼輪廓分明，回春有法！ — 當時趕拍新劇《愛美麗狂想曲》的蕭正楠，在中環開工，不時要在樓梯跑上跑落，不單冇喘氣體能甚fit，近睇仲皮光肉滑兼輪廓分明，回春有法！

知情者爆料指：「其實阿蕭同翠如從來都唔介意一齊做嘢搵錢，結婚之後，就更加啱價就接，咁夫妻檔市場層面好闊，佢哋真係多咗好多嘢做，為咗令客戶滿意，佢哋都好落力執靚樣吸客，唔敢再求求其其，以前阿蕭唔著重打扮，牛記笠記好隨便就出街，但家陣要保住形象，翠如都捉埋老公一齊扮靚！呢排都見阿蕭成個後生晒！」蕭生蕭太咁有市場，當然緊張執靚樣把握時機賺定多啲奶粉錢啦！夫妻回春有法，生B應該冇難度！