逆天奇案2｜「保護Gigi」成金句！關嘉敏超額完成任務戲份激增
Nic Sir高呼：「保護Gigi」 粉絲響應！
TVB在社交平台在第3集播出前放出一段炎明熹的演唱〈Little Magic〉片段，唔少粉絲終於等到Gigi 出場，相當投入齊齊留言「大家今晚一齊保護Gigi！」今次炎明熹客串拍劇，同之前客串《愛回家》一樣都係「做自己」，劇情指Gigi受到匿名恐嚇信，O記奉命保護，戶外演出期間，一輛保母車卻突然肆意追撞人群，造成現場多人受傷，後查出車輛原是被駭客入侵。O記決定徹查此事之際，駭客又再犯案，引致交通燈號大混亂⋯⋯
關嘉敏埋身保護GIGI！O記B組羅詠軍戲份值得期待
有份貼身保護Gigi的關嘉敏同GiGi一樣係選秀節目出身，憑《全民造星3》為人認識，加入無綫後演過《愛回家》以及不少劇集，在第一輯《逆天奇案》只飾演電競運動員，今次就升級加入O記，成為Nic Sir旗下B組陀槍師姐羅詠軍！去年拍攝Gigi戲份時，關嘉敏都有同炎明熹合照，更於IG分享，搞笑介紹二人係 「限定全新組合」名叫「關節炎」！
關嘉敏被指「反骨」過檔當場爆喊
女團「Bingo」出身嘅關嘉敏，之前參加《全民造星III》進入20強而走紅，但最後關嘉敏卻選擇簽約TVB，一度被指係「TVB臥底」兼反骨，令佢委屈到爆喊！
「我參加《造星3》時會支持我，但到去第二個台就話我差，咁好似抺殺咗我嘅努力，我係演藝行業嘅人，咁樣分開唔係咁好﹗」
關嘉敏加盟《愛．回家》成尋寶圖女神
現年28歲的關嘉敏在《愛．回家》飾演的Mary成為尋寶圖女神，兩位Mary不但常被混淆，關嘉敏演的Mary被群姐（許思敏飾）誤以為「瀨尿」而獲封「瀨尿Mary」，最慘是接龍集團上下都以為所指是熊若水！《愛．回家》一向廣受觀眾歡迎，被捧成尋寶圖女神的關嘉敏今次倒戈ViuTV加盟，隨時長做長有，上位在望！
方力申出場向張頴康套話
說回《逆天奇案2》，阿Wing代表警方與唐冠峰（方力申飾）接洽，希望他可以幫忙向魏子樂（張頴康飾）套話，冠峰與子樂初次見面已經成功建立聯繫。Nic Sir（黃智賢飾）與Hazel（蔣祖曼飾）展開半同居生活，甜蜜之際卻被Nic Sir爸爸沈宏福（李龍基飾）開門撞見， 三人頓感尷尬。賀堅（姜大衛飾）聘請Hazel打官司，對其專業作風感欣賞。
