港姐2024冠軍｜倪樂琳「城大李嘉欣」改名參選、被爆曾拍水著寫真
冠軍倪樂琳港姐決賽晚上表現平穩 回顧參賽歷程盡顯口才
身高167.5cm的倪樂琳三圍係33, 22½, 33，在決賽晚上回應網民負評時以高EQ表示「希望大家會記得城大有個倪樂琳」，個人才藝表演就選取了最擅長的K-Pop舞蹈。
泳裝答題爆冷失分冇有怕！ 「颱風命名」深得高層歡心
泳裝問答以「愛回家」作為颱風命名，轉數快表示「打風當然要返屋企」，深得台下珍姐喜愛，皆因TVB在早前正是受惠於颱風摩羯，《愛回家》創下年度高收視，說中了高層心聲，不過懷疑因為泳裝環節心口現汗斑，作為首個答題佳麗只得到18分的低分，令人大跌眼鏡。
港姐冠軍倪樂琳今年23歲 參選港姐打入15強
倪樂琳英文名係 Ellyn ，嚟自香港 ， 倪樂琳 （ Ellyn ）身高有 167.5 cm，學歷係城大畢業 ，平時嘅興趣包括睇書 、跳舞，現時身份係一位畢業生 ，為咗參選今次2024年香港小姐，佢將IG戶口由 StellaLokLam 改名為 ellyncyy，自我介紹影片入面分享咗自己個人嘅參選原因、回應了被稱為 「城大李嘉欣」這稱號的心情。
倪樂琳 Ellyn參選前 IG 原名叫Stella 加入女團Morii Girls
參選開始已雄霸不少版位的倪樂琳Ellyn。Ellyn是城大畢業生，她自己亦坦言很喜歡幕前工作：
「我好鍾意表演，我好鍾意接觸觀眾，亦都好鍾意將正能量帶畀人。」
Ellyn又坦率指不介意及很感恩被封「城大校花」及被指撞樣李嘉欣，但仍希望憑自己的實力讓大家記得她：「我想大家唔係因為我似邊個而記住我，而係因為我係我，而記得我同欣賞我。」
倪樂琳去年加入MORII GIRLS享受演出拍水著寫真
MORII GIRLS（美少女企劃）係香港女子組合，2022年8月成立，原本由9個女子組成，其後加入至10人，成員包括TVB藝人區明妙、《全民造星IV》參賽者何榛綦、坂部佩莎及李晞彤，主要喺Youtube拍下跳舞MV，雖然未有派台歌，但都拍過不少翻唱歌，嘗試了不少校服Look，23年更加拍過水著寫真：
相關文章： 香港小姐2024入圍名單 一文看25強佳麗檔案 年齡學歷身高自我介紹比拼
由女團成員變身香港小姐，倪樂琳表示參選過程中感受到自己的氣質完全不同了，能嘗試優雅高貴的造型，試過好多唔同嘅新嘗試，後悔自己點解無早啲參選。
