全民造星5︱花姐力撐Nathan繼續入行 視對方為朋友：支持有潛質嘅人

花姐力撐Nathan：應該支持有Potential嘅，而唔係加腳去踩佢

花姐接受傳媒訪問時問到Nathan突然退賽一事，「我真係唔知，我唔係負責簽佢個個。」不過花姐也想在這件事情作出一些回應，她說：「我覺得呢件事係Nathan自己嘅事，究竟件事係點我哋都唔知道全部，但係我好希望大家，你哋好（傳媒）、觀眾好、網民好，都畀一個空間佢。」

花姐在訪問中繼續力撐Nathan，「我覺得佢依家嘅壓力係大家想像唔到依家面對嘅壓力有幾大，我哋係呢行嘅，應該支持有Potential嘅，而唔係加腳去踩佢。」

花姐當Nathan係朋友 但話「唔太熟」

花姐表示以朋友立場身份是支持Nathan的，「我雖然唔係同佢好熟，但我好想打電話支持佢。但我唔方便問佢私人嘢咁多，隨時打畀我。如果佢唔講我唔會主動問，始終係人哋私事。同埋我覺得佢會講自然會講，我諗佢依家心情唔係我哋想像到。」最後花姐認為Nathan退賽是一個可惜的決定：「我覺得可惜嘅，但係都可能應該要咁做。」

Nathan魏念恩被爆視身故女友「人肉提款機」

Nathan 魏念恩被爆出他在比賽期間不斷向問前女友借錢，有傳媒報道指Nathan向前女友Jessie提出分手後，不但與女方保持聯絡，期間更多次向女方借錢，金額由幾百到一千元不等，總額高達幾千元。雖然女方每次都有求必應，但Nathan卻多次以工作忙碌為由，拒絕與女方見面。

花姐護短言論惹火網民反應兩極

對於花姐力保Nathan，不少網民感到憤怒，紛紛作出反駁「一啲都唔覺得佢值得原諒，又要飛人，但又唔捨人地啲錢，釣住人地，最終攪出人命，個女仔都有屋企人，換轉我，我真係唔會原諒佢」、「花姐果然視人命如無物，其他人的生命係佢眼中賤過地底泥」，又有人直指花姐護短，懷疑因為ViuTV已跟Nathan簽約，就似上屆爆緋聞的𝐀𝐬𝐡 鍾卓穎一樣，就算被爆黑材料都要力挺：

「對花姐好失望，佢到底知唔知咩係道德」

不過另一方面亦有網友支持花姐的言論「讚成花姐，成長經歷每個人都有，不必介意」、「我期待佢可以重新振作，可以企返出嚟。」

負面新聞纏身 Nathan更新IG宣布退賽向外界道歉

負面新聞爆出後，有不少網民都在網上紛紛留言表示希望他退賽，Nathan於晚上7時半在個人IG更新限時動態宣布退選，今晚將不會出席總決賽：「我決定退出今晚嘅總決賽，為各單位帶來不便好對唔住，我會盡快交代事情。」而ViuTV之後亦於社交網站正式宣布Nathan退出的消息：「《全民造星V》2號參賽者魏念恩（Nathan）因私人理由退賽，大會尊重其決定。」

《造星V》團隊力捧Nathan 參賽前早有合作

今年24歲的Nathan係今屆參賽者中比較有顏值的一位，擅長打鼓、彈吉他，首次會見傳媒時，場的人士都大讚真人顏值爆燈。Nathan平時都有Busking和在香港兆基創意書院表演，在ViuTV官方MV序幕入面，獲得CloseUp鏡頭，當時佢申報職業係「碼頭龍機操作員」，所以MV開頭甚至以他的工作背景取景，重視程度非凡。

《全民造星V》尚未播出，Nathan 已經獲Winka@COLLAR邀請擔任首支單曲《一手造成》MV男主角，難怪2號的魏念恩（Nathan）成為最受關注參賽者之一啦！