劉佩玥親解「招牌單眼」放電原因 老是常出現原來有苦衷
廣告
35歲劉佩玥（Moon）2013年參選港姐並奪得季軍後入行，樣子甜美嘅佢出道以來憑住靚樣，以及出色嘅演技獲唔少觀眾喜愛，更於2022年獲得「馬來西亞最喜愛TVB女主角」。而劉佩玥亦係圈中出名嘅「電眼女神」，經常都以「招牌單眼」放電派心心，不過劉佩玥近日出席活動時，就自爆原來經常放電嘅背後有苦衷……
劉佩玥自爆患先天性疾病
劉佩玥近日與林秀怡齊齊現身小學宣揚護眼知識，活動上除咗大談保護眼睛嘅方法外，劉佩玥仲自揭原來右眼有先天性眼疾，患有家族性遺傳「外斜視」。而「外斜視」嘅其中一個特點就是一隻眼睛會間歇性地向外斜，而另一隻眼睛則保持筆直。
劉佩玥親解「招牌單眼」出鏡原因
而對於自己嘅「招牌單眼」，劉佩玥則指自己經常被問到為何拍照時會單眼，她笑着解釋：「係因為佢（眼睛）冇力，同埋佢Focus唔到，我影相時就要單起隻眼扮cute！」所以其實阿Moon單眼拍照係有原因，並非外界所指特意扮可愛放電。
