十八年後的終極告白2.0｜譚凱琪得罪全世界終遇毒手 6大嫌疑犯名單曝光！

嫌疑人1：老公譚俊彥

譚俊彥身為譚凱琪老公，一個失意畫家被老婆喪鬧「廢柴」，而且亦發現她出軌的蛛絲馬跡，壓力爆煲的他情緒失控，叉頸譚凱琪將其壓倒在梳化，難道他就是真兇？

嫌疑人2：小產苦主趙希洛

隨著劇情發展，趙希洛知道老公陳山聰出軌對象就係譚凱琪，繼而發現對方間接累到自己小產，種種恩怨令她自編自導自演一場「苦肉計」跌落樓梯，隨時有機會狠下毒手解決譚凱琪。

嫌疑人3：奸夫陳山聰

陳山聰與譚凱琪出軌，老婆趙希洛有咗後一早就想斬斷情絲，豈料譚凱琪咬住唔放，有一次爭執時關掉陳山聰的話電，令他無法趕去救老婆導致小產，痛失愛兒令他動殺機嫌疑頗大。

嫌疑人4：情敵龔嘉欣

龔嘉欣疑似同譚俊彥再撻著，頂手開糖水鋪時譚凱琪前往踩場，又踢櫈又摑佢個妹，同情敵咁多恩怨，會動殺機都唔出奇。

嫌疑人5：情敵細妹鄧卓殿

鄧卓殿在劇中飾演龔嘉欣細妹，她一早已發現家姐與譚俊彥私交甚篤，又不滿家姐搞人老公。糖水鋪開張當日俾譚凱琪大摑一巴，然後出事當晚她又失蹤，精神恍惚的出現在譚俊彥畫室，話定佢係真兇。

嫌疑人6：助手阮兒

阮兒在劇中飾演譚凱琪助手，一路以來默默付出，仲要承受譚凱琪的臭脾氣，吞聲忍氣已久的她曾揚言要拆散譚俊彥兩公婆，難道她就是真兇？

相關文章：十八年後的終極告白2.0｜6-10集劇情：譚凱琪第8集墮樓身亡 靈堂上大打出手

重溫譚凱琪墮樓案發經過

Queenie ( 譚凱琪 ) 收到神秘短訊，叫佢去工業大廈天台，佢應約時被神秘人追逼，之後遇害！老公Angus ( 譚俊彥 ) 同關係複雜嘅沈越 ( 龔嘉欣 ) 都喺現場，係巧合定預謀？但Queenie搶人老公、撞死人不顧而去又刻薄員工，絕對係一名賤婦，周街都係仇家，兇手會唔會另有其人？

譚凱琪鹽花盡出 角色勁討厭留伏線

在劇集播出之前，一早已劇透譚凱琪飾演的角色莊銳婷Queenie將會死於非命而引發一宗懸疑命案。而首集的Queenie已經被塑膠造得非常討厭，不單止對助手Kammy尖酸刻薄兼呼呼喝喝，更處處描述到她背住丈夫姚尚謙Angus（譚俊彥 飾）出軌，處處留下「人人都是嫌疑犯」的伏線。不過譚凱琪今次產後復出的作品認真博到盡，其實出一方面電力全開姣媾Jacky易宇航，另一方面又與譚俊彥上演浴室大戰，鹽花盡出！

即睇譚凱琪同龔嘉欣牙齒印：

即睇譚凱琪同陳山聰恩怨：