十月初五的月光｜莊思明演胡鴻鈞衰阿媽 爆父母開綠燈竟然唔介意女兒同楊明未婚懷孕！
廣告
《十月初五的月光》演文初母親的莊思明，她表示唔介意接演人母角色，因為現實中相當恨生小朋友，放晒聲氣指唔介意做未婚媽媽﹗又話楊明一早過了父母嗰關，睇嚟只差一個人開口完成莊思明多年的夢想﹗
文：東方新地｜圖：《十月初五的月光》截圖、IG@lisa_chng
十月初五的月光｜莊思明演文初衰阿媽
莊思明在《十月初五的月光》飾演文初童年版的媽媽，因為文初生父張頴康不顧而去，為報復，莊思明用漂白水毒害文初，致令他從此不再說話﹗莊思明最後亦拋下文初在醫院，留下親生兒給Q姨（米雪飾）照顧﹗不過現實中的莊思明同角色大逆轉，好恨有生小朋友，仲話愈快愈好﹗
莊思明想生兩個
莊思明出席《十月初五的月光》首播活動時指身邊有朋友都做人媽媽，每次見到朋友的BB都覺得好得意，好想自己都生番一個，更表示想盡快做媽媽﹗不過楊明又點睇呢？莊思明指希望待楊明官司完結才去計劃人生大事，因為唔想心掛掛，又指同男友有共識﹗記者問到會否生B沖喜？莊思明直言兩、三年前曾有此想法，而父母亦不介意她生完B先結婚﹗ 其實莊思明早兩年前已講到嫁硬楊明，早前在訪問中又指自己最想生兩個小朋友，又指自己好趕時間，又透露雙方父母都想抱孫﹗
怕生BB後走樣 結婚唔夠靚
莊思明指早已父母嗰關，只是會擔心生完BB身形會走樣，之後結婚唔夠靚喎﹗講過身形走樣，莊思明爆楊明近排因狂食大閘蟹，所以肥咗十多磅，她又指男友面對官司好堅強，又否認之前有報道指她在法庭聞訊後爆喊，莊思明指自己心情一直好平靜﹗
