反黑英雄 27歲學生妹曾文心被狠批太老顏網民：阿媽靚過嗰女

27歲曾文心演學生妹被小紅書狠批太老顏

在《反黑英雄》中飾演被霸凌的學生妹「陳樂怡」為27歲的新晉演員曾文心，雖然曾文欣演技出眾令網民刮目相看，不過亦有部分網民認為她太過老顏，就連在劇中飾演其媽媽的顏仟汶都靚過佢：「很老的中学生，到底留班了多少次？」、「阿媽靚過嗰女」、「呢個學生妹完全唔得囉」等。

網民留言抱不平：選港姐咩？

不過亦有網民留言為曾文欣抱不平，認為她演技夠好，不需要靠外貌取勝：「選港姐嗎？配角要這麼好看幹嘛？」、「雖然她唔係話好靚，但又唔感覺佢老喎！不過她响套劇嘅表現，真係算唔錯！👍🏻👏🏻完全好反映到現實有學校欺凌嘅實況⋯表情好無助 ⋯」、「佢樣子係大了一點，不過好戲之人」。

IG美照張張有氣質

不過其實曾文欣在私下化返妝之後，都是一名美女。從她的IG可見，曾文欣所上傳的美照張張都超有氣質，單眼皮大眼盡顯東方之美，獲不少網民大讚。

曾文心是誰？中央戲劇學院進修

27歲的曾文心參加2021年第31期藝員訓練班入行，雖然年資只有短短兩年，不過此前她在中央戲劇學院進修，曾在北京國家大劇院演出過，背景相當厲害！不過來港後曾文心回港後選擇從底做起，在TVB不同的劇集暫時都是演小角色的角色，最為人熟悉的相信是《愛回家之開心速遞》飾演「威龍藥房」女售貨員。

與資深演員張振朗對戲學習演技

在劇中，曾文心與資深演員張振朗有不少精彩的對手戲。她對張振朗的演技讚不絕口，並分享了兩人合作的經歷。

「同佢第一次見面係喺化妝間，佢化緊妝時都仲睇緊一本關於演戲嘅書！佢真係好Nice，佢會同我分析每一場戲，每句對白背後有咩含意，應該用咩態度去演。」

她特別提到張振朗的眼神演技，對她影響深遠。「振朗演戲嘅眼神真係好細緻，佢喺一、兩秒之內可以變化出唔同嘅情感，仲要單靠眼神唔使對白，真係學到好多嘢。」

真實打鬥場面震撼觀眾

此外，曾文心在劇中的一場打鬥戲份尤其引人注目。她與其他新演員李海銅和張天妮的打鬥場面極具衝擊力，包括掌摑、扯頭髮、叉頸及推倒地上等動作。「因為我哋幾個都比較新，唔係好識就住鏡頭打，而我哋都Friend，我就話不如真打。」為了追求更真實的效果，曾文心甚至提出要「真打」。這場戲讓她身體多處受傷，包括膝頭和下巴。

「因為嗰場有好多跌低嘅戲，我跌到膝頭哥好多瘀傷，仲將個下巴撼到地下，搞到有個位腫到好似一粒鵪鶉蛋咁大。返到屋企之後，媽媽睇到啲傷痕好心痛，我知佢係想喊，但係佢冇喊，仲有幫我捽藥油。」