叱咤2023我最喜愛男歌手｜網民呼籲集氣票投尹光！「前輩」古天樂4字回應

Jan 2 2024

叱咤樂壇流行榜頒獎典禮2023｜一年一度的《叱咤樂壇流行榜頒獎典禮2023》2024年1月1日在亞洲國際博覽館ARENA舉行，「我最喜愛的男、女歌手及組合」最後5強競爭激烈。近年聲勢如虹的MIRROR經常在叱咤以壓倒性姿態高票數贏得獎項，有網民看不過眼在討論區發文，呼籲大家出招大戰鏡粉，齊心投票給一位樂壇大前輩！

叱咤2023｜連登仔呼籲全世界投尹光力撼MIRROR

近幾年MIRROR橫掃叱咤多個獎項，「我最喜愛的男歌手」更淪為姜濤及Anson Lo之爭。近日有網民以「我呼籲全世界票投尹光！」為題開post，叫大家一齊出招大戰鏡粉。此post一出已經引起各方表示支持，更以3大理由表示一定要支持尹光：

1：《Dear myself》真係好好聽好有意思；

2：古天樂都得，尹光更加有資格；

3：連AI都玩埋最潮係佢

網民紛紛留言：「《Dear myself》成首歌個概念同背後個意義有意思過好多歌」、「當年古天樂都係咁拎獎啦，尹光更加有資格」、「人地連AI都玩埋，完全唔老土」。

叱咤2023 我最喜愛男歌手連登仔鏡粉叱咤2023 — （圖片來源：叱咤投票站網頁）

今年在「我最喜愛男歌手」和「我最喜愛歌曲」先後打入5強和10強的尹光，終於盛裝到場，原來今年係「光B 」入行多年首度參加叱咤，雖然坐足一晚「食白果」，連演唱機會也欠奉，但在開場時作為壓軸登場歌手，早已贏盡掌聲！

叱咤2023 我最喜愛男歌手叱咤2023 花生今年80歲的尹光首度參加叱咤，坐在前排位置，陳蕾旁邊。 — 今年80歲的尹光首度參加叱咤，坐在前排位置，陳蕾旁邊。（圖片來源：商業電台）

軒公事隔十年再獲「我最喜愛的男歌手」，得獎一刻公開多謝鏡粉，而且要衷心多謝香港：

「因為我作為一個廣州人，喺香港打拼左23年，好多謝大家由接納我到相信我。今晚呢個獎項，我覺得係呢個城市俾我嘅一個blessing，亦都係一個信任。2024年我會帶着呢個獎項去報答呢個城市嘅人。」

叱咤2023 我最喜愛男歌手叱咤2023 花生後張敬軒受訪時亦有表示，多得「光哥」今年殺入5強，令投票氣氛更熱烈又有話題！「我知光哥有心讓賽，他有公開提及投我一票，我都好多謝佢。」 — 後張敬軒受訪時亦有表示，多得「光哥」今年殺入5強，令投票氣氛更熱烈又有話題！「我知光哥有心讓賽，他有公開提及投我一票，我都好多謝佢。」（圖片來源：東方新地）

叱咤2023 我最喜愛男歌手叱咤2023 花生事後尹光與張敬軒在後台合照，更恭喜他實至名歸！ — 事後尹光與張敬軒在後台合照，更恭喜他實至名歸！（圖片來源：尹光IG）

叱咤2023｜網民：只有MC先可以打低MIRROR？！

不過都有網民覺得應該投MC張天賦，指MC才是最有機會打低MIRROR的人，不認同吹奏尹光的講法：「條友啲唱腔咁老土都吹奏，我投返MC算，起碼fxxkboy樣幾潮唱歌又好聽」、「走去投尹光呢啲口水歌歌手，咪又係玩爛香港樂壇，講得出投尹光你本身都唔在乎樂壇會點發展啦係咪」、「投MC先有機會打抵姜B，忍痛棄光B，全家投MC」。亦有網民叫大家繼續投姜濤，指姜濤感言好重花生好好睇：「其實識玩一定投姜，想睇多次佢發台瘟！」

叱咤2023｜「當年古天樂都得點解尹光唔得！」

講到投尹光，不少網民都講起當年2018年古天樂被推舉做「我最喜愛的男歌手」，認為真係一切都有可能！當年與古天樂爭獎的同期競爭歌手，有陳奕迅、張敬軒、陳柏宇、周國賢，而古生只有一首同謝安琪合唱的《(一個男人) 一個女人和浴室》上榜。古天樂上台時都表示：「呢個世界真係好奇怪，真係會有奇蹟出現，我都可以行到上台攞呢個獎，我真係無嘢好講！」然後他更清唱咗10幾年前《男朋友》一曲，大受網民讚賞！