叱咤2023｜我最喜愛男女歌手10強出爐！尹光有份爭入5強投票名單
叱咤樂壇流行榜頒獎典禮2023｜我最喜愛男歌手10強走勢
投票走勢速報，「叱咤樂壇我最喜愛的男歌手」 10強名單 (排名依筆劃序)︰
-
MC 張天賦
-
尹光
-
江𤒹生
-
呂爵安
-
林家謙
-
洪嘉豪（出局）
-
姜濤
-
柳應廷
-
陳卓賢
-
張敬軒
-
馮允謙（出局）
-
盧瀚霆
尹光打入10強 ！現身感謝投票網民 準備叱咤戰衣！
成功打入叱咤10強，尹光雖然作為樂壇大前輩，但都表現相當謙虛，在公布10強當天現身昂平活動，公開答謝支持者：
「其實打入10強都好難得，入圍都已經好開心啦！信心好難講，我冇得控制，當然係咁希望啦，借呢個機會多謝投個票嘅朋友，無論入圍定唔入圍我都係好開心！」
他透露有叫親朋好友幫自己投票，又笑指林明禎亦會投票給自己，更透露已經正在計劃出席頒獎禮：「戰衣就未揀，不過屋企好多戰衣。屋企幾百套衫，求其都可以着一件！」
大讚姜濤「一線歌星」唔敢對撼
能夠與擁有萬千大軍的MIRROR一同入圍，被問及是否有信心能夠打敗人氣王姜濤時，尹光坦言不敢當：「唔敢撼，人哋係大歌星！同佢（齊名）已經好開心。」他又大讚12位MIRROR成員個個都「好犀利㗎」，至於最看好哪一位得獎，他表示：
「睇到人哋攞獎就曾經見過，自己就未攞過獎，人哋始終都係一線歌星！」
叱咤2023｜我最喜愛女歌手10強走勢：鄭秀文首輪出局
投票走勢速報，「叱咤樂壇我最喜愛的女歌手」 10強 (排名依筆劃序)︰
-
AGA（出局）
-
Gin Lee
-
JACE 陳凱詠
-
Marf 邱彥筒
-
Serrini
-
sica
-
方皓玟
-
炎明熹
-
陳蕾
-
鄭秀文（出局）
-
鄭欣宜
-
謝安琪
過去3年炎明熹未曾試過打入「我最喜愛的女歌手」最後5強，2021和2022年的五強人同樣係陳蕾、陳凱詠、方皓玟、鄭欣宜及Serrini，今年Gin Lee轉會後重新出發，有望奪獎！
更多：叱咤2023｜LollyTalk阿妹戰鬥格出場超吸睛 投票系統更新惹熱議
叱咤2023｜我最喜愛的組合10強走勢：新晉女團XiX出局、艾粒繼續留守
投票走勢速報，「叱咤樂壇我最喜愛的組合」 10強 (排名依筆劃序)︰
-
COLLAR
-
Dear Jane
-
ERROR
-
KOLOR
-
Lolly Talk
-
MIRROR
-
P1X3L
-
per se（出局）
-
RubberBand
-
XiX（出局）
-
艾粒
-
雷同二友
古天樂重覆講4字 回應尹光獲網民力撐
投票即將進入下一階段，古天樂在星期四出席活動時，被問到尹光同佢當年一樣獲網民力撐，成功殺入叱咤「我最喜愛男歌手」，作為「前輩」嘅古天樂有何看法？他先回應說「我覺得百花齊放好呀。」記者追問有冇睇好「光B」，古生就重覆立場，再冷強調： 「百花齊放啦。」
叱咤2023｜連登仔呼籲全世界投尹光力撼MIRROR
近幾年MIRROR橫掃叱咤多個獎項，「我最喜愛的男歌手」更淪為姜濤及Anson Lo之爭。近日有網民以「我呼籲全世界票投尹光！」為題開post，叫大家一齊出招大戰鏡粉。此post一出已經引起各方表示支持，更以3大理由表示一定要支持尹光：1：《Dear myself》真係好好聽好有意思；2：古天樂都得，尹光更加有資格；3：連AI都玩埋最潮係佢。網民紛紛留言：「《Dear myself》成首歌個概念同背後個意義有意思過好多歌」、「當年古天樂都係咁拎獎啦，尹光更加有資格」、「人地連AI都玩埋，完全唔老土」。
網民力撐盼重現2018奇蹟「當年古天樂都得 點解尹光唔得！」
講到投尹光，不少網民都講起當年2018年古天樂被推舉做 「我最喜愛的男歌手」，認為真係一切都有可能！當年與古天樂爭獎的同期競爭歌手，有陳奕迅、張敬軒、陳柏宇、周國賢，而古生只有一首同謝安琪合唱的《(一個男人) 一個女人 和浴室》上榜。古天樂上台時都表示：「呢個世界真係好奇怪，真係會有奇蹟出現，我都可以行到上台攞呢個獎，我真係無嘢好講！」然後他更清唱咗10幾年前《男朋友》一曲，大受網民讚賞！
叱咤2023｜網民：只有MC先可以打低MIRROR！
不過都有網民覺得應該投MC張天賦，指MC才是最有機會打低MIRROR的人，不認同吹奏尹光的講法：「條友啲唱腔咁老土都吹奏，我投返MC算，起碼fxxkboy樣幾潮唱歌又好聽」、「走去投尹光呢啲口水歌歌手，咪又係玩爛香港樂壇，講得出投尹光你本身都唔在乎樂壇會點發展啦係咪」、「投MC先有機會打抵姜B，忍痛棄光B，全家投MC」。亦有網民叫大家繼續投姜濤，指姜濤感言好重花生好好睇：「其實識玩一定投姜，想睇多次佢發台瘟！」
更多：叱咤2023｜網民唔想再係MIRROR圍威喂攞獎 呼籲投票給尹光爭最喜愛男歌手
叱咤樂壇流行榜頒獎典禮2023｜「我最喜愛的」投票走勢！
本年度之「我最喜愛的男、女歌手、組合、歌曲」獎項會經由903會員透過官方網站進行投票，一共分為五個階段進行，最終結果一如以往會在頒獎典禮上現場公佈。
「叱咤樂壇我最喜愛的男、女歌手、組合」投票
第一階段：票投10強（2023年11月13日中午12時至11月17日中午12時）
從2022年度第47週至2023年度第47週903專業推介所有新上榜主唱之男、女歌手、組合中選出最後十強，進入第二階段投票。
第二階段：選出5強 （2023年11月20日中午12時至11月24日中午12時）
從各組別最後十強中選出最後五強，進入最後階段投票。
最後階段：12月1日截票！（2023年11月27日中午12時至12月1日中午12時）
從各組別最後五強中直接選出，獎項結果將於頒獎禮公佈。
「叱咤樂壇我最喜愛的歌曲大獎」投票
第一階段（2023年12月11日中午12時至12月15日中午12時）
從2022年度第51週至2023年度第51週903專業推介所有新上榜歌曲（截止第45周，暫共244首，不計remix版）選出最後十強，進入第二階段投票。
第二階段（2023年12月18日中午12時至12月22日中午12時）
從最後十強歌曲中選出最後五強。
最後階段（2024年1月1日晚上）
在頒獎典禮當晚由現場觀眾即場投票選出得獎歌曲。
叱咤樂壇流行榜頒獎典禮2023｜投票方法
投票系統更新 唔認證冇票投
在當日記招完結前，DJ謝茜嘉特別提及新的投票機制，並提醒已經登記過903會員的歌迷需要重新認證電話號碼，以方便即將開始的投票！另一方面，有網友發現今年投票方式與過去不同，表示：「叱咤903更新系統！投票需重新認證手機號碼！未實名嘅太空卡sss…宣告失效？」意味例如《叱咤樂壇我最喜愛的歌曲大獎》的「大獎」改以實名投票進行。
不少網民紛紛留言：「Mirror終於玩完了」、「返個獎比林家謙」、「搵KK園幫手」、「本身持有超過100個number嘅粉絲表示⋯⋯」等等。
投票連結
