陶大宇驚喜現身apm！吳若希野生捕獲、點知自己個樣成為網民焦點！

Jan 22 2022

憑住翻唱《倒轉地球》出晒位嘅陶大宇近日終於由內地返香港，原本有機會出席公開活動同大家見面嘅佢，可惜因為疫情關係而被取消，網民都表示非常失望。不過29歲星級媽媽吳若希近日就有幸野生捕獲大宇，仲即刻合照開心Share，點知自己仲搶鏡過對方！

更新！陶大宇驚喜現身apm商場清唱《倒轉地球》

陶大宇今趟回港本擬出席商場活動，因為防疫拱施及限聚關係，apm商場曾經宣布將演出延期，不過有市民發現，陶大宇本人在1月22日如期現身該商場，並在中庭進行拍攝，更清唱了幾句《倒轉地球》，似乎要透過影片向大家拜年！這場無預告的「apm x 陶大宇倒數地球迎虎年」現場反應雖然有少少冷清，但直擊的市民都畀足反應：

影片來源：陶大宇關注組

吳若希野生捕獲陶大宇

陶大宇憑住翻唱一首《倒轉地球》由內地紅到返香港，當大家都期待住佢返香港有機會出騷之際，點知又撞正第五波疫情而取消。好在陶大宇都唔會收埋自己，繼之前被網紅傭仔日記野生捕獲之後，呢日又到吳若希撞到呢位「樂壇紅人」，當然要把握機會合照一張再開心Share啦！

吳若希搶Fo-陶大宇慘變陪襯品

正當大家都以為陶大宇會係主角嘅時候，網民發現相入面嘅吳若希原來比大宇更加耀眼！事關有唔少網友都留言表示吳若希個樣有啲唔同，仲有好多留言話「差啲認你唔到」、「點解你塊面變咗樣」之類。不過眼利嘅網民就認為吳若希其實係玩濾鏡出事，太過重手唔止皮膚質地怪異，就連眼、耳、口、鼻都有啲走樣！今次真係失手喇！

吳若希親自回應變樣疑惑

網友對吳若希能成功爭取與陶大宇合照表示羡慕，同時對吳的五官變化感到神奇，有人說「以為係何依婷」、更多人表示係「完全唔認得你」，吳若希自己都無否認相中自己係有所突變，留言回應網友：

吳若希自知面腫，回應表示只係偶然發生的事似。（圖片來源：吳若希專頁@facebook）

有網友在留言貼上吳若希的「經典留言」，笑問相片有沒有經陶大宇授權發布。（圖片來源：吳若希專頁@facebook）

陶大宇apm商場騷延期、回港屢被野生捕獲！

陶大宇在2021年尾憑大陸登台翻唱《倒轉地球》紅到返香港，先後在東華直播「跨境籌款」、還有本地網購平台邀請獻唱，最新消息係觀塘商場apm為了農曆年吸客，舉行「apm x 陶大宇倒數地球迎虎年」活動，宣傳廣告已於鬧市廣告牌登場，有市民見到仲以為係「惡搞應援」，想不到原來係真，可惜最後因為疫情關係要延期！

陶大宇在apm商場的活動要延期，不過真身已回港。（圖片來源：facebook@傭仔日記 Maid’s diary）

本擬於1月22日 ( 星期六) 於觀塘apm商場舉行的「apm x 陶大宇倒數地球迎虎年」活動，因為防疫拱施及限聚關係，商場決定將演出延期，陶大宇本人就已提早回港，對於商場演出活動要延期，他就大方表示「來日方長」，在星期六（1月15日）更有網絡KOL在尖沙咀另一商場巧遇陶大宇，即使戴住口罩都認得出並合照：

陶大宇：想野生捕獲我，一齊倒轉地球？

陶大宇本來將會現身的活動，原定於2022年1月22日 ( 星期六) 於觀塘apm商場舉行，主辦單位曾經推出預告，以「熱爆陶大宇」作為介紹，預告片中大宇仲親自拍片叫大家嚟同佢一齊倒轉地球：「最近有唔少朋友都好關注我嘅歌唱事業，話樂壇欠我一個交代喎！其實我唱歌跳舞都係為咗搞氣氛嘅啫，最近要就係你哋開心！如果想野生捕獲我，一齊倒轉地球？又唔係話冇機會㗎喎！」結果網民一面倒期待陶大宇回歸香港，仲話一定要去睇現場版《倒轉地球》添！可惜最終活動要延期。