周杰倫騎劫郎朗婚禮 攬住昆凌Sweet爆睇煙花

撰文：Kammy｜圖片來源：周杰倫Instagram，昆凌Instagram，微博

周杰倫「騎劫」郎朗婚禮

現年36歲的國際著名鋼琴家郎朗早前在社交網站貼出多張婚紗照，宣佈迎娶德韓混血兒Gina Alice為妻。其後，二人在法國凡爾賽宮舉行的婚禮，一對新人在眾多親朋友好的見證下為合法夫婦，當中包括郎朗好友周杰倫與太太昆凌。

婚禮期間，郎朗邀請周杰倫表演四手聯彈，其惜英雄重英雄嘅畫面，隨即引來不少網民熱烈討論。除此之外，當晚有唔少人都有關注到周杰倫和太太昆凌間嘅互動，好多人都指周杰倫兩老婆都搶晒一對新人嘅風頭，不停放閃！

攬住昆凌睇煙花

當晚，周杰倫同昆凌仲一齊睇煙花表演，兩老婆企埋一齊細心欣賞，期間仲有講有笑，周杰倫仲好自然咁攬住昆凌，左手就指住窗外嘅煙花，就咁睇住兩人嘅背面都覺得Sweet！唔少網民都話，兩人好似童話故事入面嘅王子與公主咁，仲話昆凌好專心咁睇煙花，但周杰倫眼中只得老婆！

周杰倫包直升機送昆凌返工

一向都係模範夫妻嘅周杰倫同昆凌，婚後一家四口十分甜蜜，老婆昆凌更時常喺社交網站晒恩愛。近日，身於美國加州嘅昆凌就上載自己返工相，不過佢同一般人唔同，唔係坐公共交通工具，亦唔係坐私家車，而係坐直升機！真係返工都返得霸氣過人！

相中見到，昆凌著住一身輕便衣服上直升機，真係輕輕鬆鬆咁就返工。昆凌仲留言：「Off to work! Very special experience. 第一次坐直升機上班」，令唔少人都好羨慕！

二人隔空放閃

唔少粉絲推測，直升機係周杰倫準備嘅，事關Jay正在歐洲準備演唱會，未能親自接送昆凌返工，所以就出直升機出返工呢一招嚟寵妻，真係就算二人分隔兩地，都無阻佢哋放閃呀！

周杰倫玩高難度魔術 老婆冧爆放閃

周杰倫一向熱愛魔術，不時都會露一手。早前，周杰倫攜老婆昆凌在新年假期同遊歐洲，昆凌在社交網分享了一段逛美術館時，周董技癢表演魔術的影片。影片中見到周董突然走向一幅畫，畫中的小孩拿着一張階磚A，周董隔空把小孩手上的階磚A拿了出來，然後一臉傲慢耍酷走開。昆凌驚呼：「你實在充滿驚喜！」還笑言：「記得把牌還給小孩啊！」

周杰倫孖老婆放閃

隨後，周杰倫還轉發留言：「這個帥哥是誰？」

隔天，昆凌又上傳一張照片，並留言問：「我的王子在哪裡？」，周杰倫立刻出現在留言區放閃，說：「你的王子天寒地凍在另一邊幫你拍照呢！」

兩夫妻的甜蜜互動再次引起網民熱議「太閃了吧」「今年是狗年啊！请善待我们！」