張家朗再奪金牌！成功衛冕之戰表現優秀 重溫周潤發盛讚劍神大派智慧金句

劍神張家朗苦戰意大利平手再平手！

「微笑劍后」江旻憓於女子重劍個人賽奪金後，今日（29日）到劍神張家朗！張家朗先於劍擊男子個人花劍激戰打進4強，再於香港凌晨時1時50分對戰日本劍手飯村一輝，成功殺入決賽力爭金牌！

張家朗勇挫意大利劍手！ 成功奪金！

張家朗決賽對戰意大利選手F.Macchi，2個互不退讓，2度落後，最後一節更落後2劍，但張家朗仍然非常穩，連追2分，其後14分平手再平手，再戰2局終於勇挫對手，成功奪金！

張家朗賽後分享得勝秘訣「唔好放棄 記住自己為咩開始」

張家朗戰後接受TVB訪問，問到三次 「決一劍 」才正式奪金時，感激教練一直的教導，要將目標放在下一劍，要平伏心情。而被問到日前江旻憓先奪金是否成為強心針，張家朗表示絕對是強心針，自覺要做得更好。而今次父母親身到場睇奧運，記者問到上次東京奧運家朗將金牌送畀爸爸做生日禮物，今次家朗亦想將金牌送畀爸爸，希望在爸爸臉前無丟架。 再度奪金，心情是不敢相信，在法國主場地奪冠感受特別深刻，因為教練是法國人，感激對方心理上輔導。 最後張家朗自言得勝秘訣是

「唔好放棄、堅持，記住自己為咩開始，就算有不如意的事，都要堅持到底 ！」

前輩李麗珊亦表示家朗面對的壓力、付出的努力，絕不容易，要放低上次金牌重新出發，再度衛冕，唔係輕輕講一句咁簡單，背後的自律、投入，絕不容易！

教練受訪：今次獎牌更Tasty！他已經由小男孩變成大人

張家朗的法國教練在受訪時，表示對家朗有十足信心，比賽期間給家朗的提示就係「不要回望！向前爭勝」，保持正面心態，就算再取多一分也絕無疑問，
教練回想東京奧運時，張家朗仍是一個無懼的小子（ Boy with no fear），今日他已經是一個真正的大男人（Grown Man ），對於香港觀眾通宵支持，他大表感謝，也感激香港隊可以該他在自己祖國土地上帶領運動員得到金牌，揚言今次的金牌比東京奧運的更 「Tasty」！

劍神張家朗4強戰： 15：11秒挫日本飯村一輝入

意大利隊「世界第一」馬連尼在16強意外出局，讓世界排名第3的張家朗在4強賽中避過了頭號強敵，改對上排名第9的日本新星飯村一輝。兩人此前僅在去年亞洲賽16強交手過，當時飯村一輝以15：9獲勝。

在這場奧運交鋒中，身高1.93米的張家朗開賽僅兩秒便先拔頭籌，但矮23厘米的飯村一輝迅速反應，連取4分反超。張家朗保持冷靜，隨後連取4分，將比分改為5：4。兩人在首節展開激烈對攻，張家朗雖在剩下一分鐘時仍落後9：10，但在最後12秒內連取4分，最終以15：11擊敗對手，成功連續兩屆晉級決賽，力爭金牌。網民睇完都表示身高真是好重要「先天優勢真係好重要」。

周潤發張家朗首次對話 發哥零架子超幽默

香港電影巨星周潤發和東京奧運金牌的得主張家朗，在去年初應DIOR邀請進行了首次對話。周潤發在對話一開始就超幽默地說：

「今日好高興見到我個偶像阿朗，一黑一白，黑白雙煞，我好少望人咁望（抬高頭 ），好唔忿氣，有人竟然高過我。」

發哥亦談到對張家朗的第一印象，並且表示張家朗在東京奧運上的表現，令自己都有衝動想學花劍：「第一次見佢，比我想像中靚仔、溫文有禮。螢幕見佢打金牌嗰次，最難忘嗰一下就係過咗身邊仲可以倒劍，好瀟灑。我對花劍呢樣嘢就唔係好熟悉，不過我見到佢打得好瀟灑，所以我都有衝動想學花劍。」

周潤發大讚張家朗年少有為

周潤發亦大讚只有25歲的張家朗已經衝出國際，比起當年25歲的自己更加厲害：「25歲嘅時候，應該係我拍緊《上海灘》；呢個後生仔1997出世，而家啱啱好25年，佢25歲喺世界上攞金牌，嗰陣時我仲喺香港搵食，佢已經衝出國際。雖然話我去荷里活拍戲，但我地只係去見識見聞，佢係去打仗，壓力好大，佢一生人就係為咗15分嘅拼搏。佢走嘅路程比我哋艱辛，所以我覺得佢哋好辛苦。」

張家朗回想低潮鑽牛角尖

張家朗聽畢表示很有感觸，回想自己每次面臨低潮、鑽牛角尖的時候都會很難過，但每次都會因為香港精神而令自己不會輕易放棄：「希望喺我自己嘅比賽上可以畀香港人體現到呢種精神，同埋可以見到我就算去到奧運最後一分，都係唔放棄繼續堅持。無論比賽贏定輸都好，我都希望可以做好每一劍。」

周潤發分享人生經驗：唔好覺得自己好高貴

張家朗在訪問中坦言在拍攝前曾經擔心因為發哥的巨星身份，而令自己會很大壓力，在訪問中頻頻出錯；但訪問開始後，發哥毫無架子地帶領著自己接受訪問，令自己在整個訪問過程中都很舒服。發哥表示大家都知道自己的出身，每個階層都會有出人頭地的人，每一個出人頭地的人都會由基層做起，所以香港人都對自己好好：「佢地都唔當我係一個演員或者明星，覺得周潤發就係佢老友咁！」

此外，發哥亦毫不吝惜地向張家朗分享人生經驗：「當你喺咁高嘅時候，你要將身段放番落嚟，所以教練教你，有脾氣時唔好喺嗰度發，打劍程序同人生一樣，當你輸緊唔好發火，低時要提起自己，唔好覺得好坎坷，高位嘅時候唔好覺得自己好高貴。」

齊看周潤發張家朗破天荒深度對談：

張家朗洗脫「時裝車禍」

今次已經不是張家朗第一次與DIOR合作，早在張家朗在2021東京奧運奪金後，DIOR在同年9月馬上邀請他擔任代言人。可是，當時造型照一出，竟然被網民嘲笑為「時裝車禍」，表示眼眉和髮型都出曬事，更被指撞樣馬浚偉：